1 Corintios 1:12 - Nuevo Testamento Uwotjüja

¹² Ukututtü, yotüte pättü pä'üsä: «Ttümä̧ Pauru umüwäyotü i̧sa̧sä̧»; kkorotü pä'ätü: «Ttümä̧ Aporo umüwäyotü i̧sa̧sä̧»; kkorotütä pä'ätü: «Ttümä̧ Cefa umüwäyotü i̧sa̧sä̧,» ja̧'wa̧ta̧nü̧ ttümä̧: «Crito umüwäyotü i̧sa̧sä̧,» jü̧nä̧.

TÄ̧DO Ä̧CUÄ̧ I̧HUȨNȨ

¹² Ja̧'hua̧nö̧ pädomenä, ucututtu yotöcunä koromenä ji'ähuätöjä pä'ösä. Korotö pä'ätö: “Ttötäsä Pablo i̧sa̧mä̧.” Korotö pä'ätö: “Ttötäsä Apolos i̧sa̧mä̧.” Korotö pä'ätö: “Ttötäsä Pedro i̧sa̧mä̧.” Korotö pä'ätö: “Ttötäsä Cristo i̧sa̧mä̧.”

1 Corintios 1:12 Referans Kwoze

San Juan 1:42

Jua̧u̧nü̧ o'ka'a, André-mä̧ ubüo Simón-rü̧, Jesú ü̧jo̧mȩku̧ o'ipü 'chi̧nü̧; i̧'chi̧'o̧mȩnä̧ Jesú-mä̧ topü päinä̧ku̧: —Ukumä̧ Simón-jä̧, Ju̧a̧ i̧tti̧ ja̧'wa̧nü̧ ja̧'a̧nä̧ jitämä̧ Cefa pä'ü kui̧mi̧kuä̧kua̧jä̧ (jua̧u̧mä̧ Peduru pä'ü päwä)

Gálatas 3:17

Ja̧'wa̧ta̧nü̧ pi̧yȩ pä'üsä: Dio-mä̧ pacto pättünä̧ Abraha̧-rü̧ eseku chi̧yä̧kua̧jä̧ päinü̧mä̧ jȩpi̧nü̧. Ja̧'wa̧nü̧ ji̧nü̧ o'ka'a, Moisé-rü weinü̧mä̧, weäwä wȩnȩ jü̧nä̧tä̧ pärowächina̧'a̧, cuatrocientos treinta años jo̧mȩnä̧ 'kuäopinü̧ o'ka'atä, ja̧'wa̧nü̧ ji̧na̧'a̧nä̧ jua̧u̧mä̧ Dio iya päinü̧mä̧ si'epümä̧ ikuoka'a.

Gálatas 2:9

Ja̧'wa̧nü̧ ja̧'a̧ttü̧, adiwä juei ttürü iyäwi'ina̧'a̧ wo̧jui̧'ü̧ Sa̧ti̧a̧ku̧'i̧nä̧, Cefa'i̧nä̧, Ju̧a̧'i̧nä̧ igresia 'chu̧'ä̧rä̧tü̧ ja̧'a̧ttü̧ tettäwinä̧u̧jä̧, ttürü'i̧nä̧, Bernawérü'i̧nä̧, ji̧nä̧ ji̧yȩtȩ adikuä isotü jü̧nä̧: Ujutumä̧ judío pokotürü ji'äu ti̧'cha̧'a̧nä̧, jitütämä̧ judío-rü jittäwa pä'ü.

2 Corintios 9:6

Pi̧yȩ amükuädätukui: a̧'u̧ku̧nä̧tä̧ kku̧nu̧mä̧, a̧'u̧ku̧nä̧tä̧ ü̧ka̧ka̧tä̧kua̧ u̧wä̧ju̧mä̧; ja̧'wa̧ta̧nü̧ rü̧ȩnä̧ kku̧nu̧mä̧, rü̧ȩnä̧ ü̧ka̧ka̧tä̧kua̧, u̧wä̧ju̧mä̧.

1 Corintios 16:12

Ta̧wa̧ru̧wa̧ ti̧jä̧wa̧ Aporo ütü'kü'i̧nä̧ pä'üsä, jua̧u̧mä̧ kuawaruwärü to'kua täi ti̧jä̧wa̧tu̧ku̧ päda'anä̧, jitätämä̧ i̧'cha̧ pä'okü päjí, kko̧ro̧nü̧ ichü'anü̧ jo̧mȩnä̧tä̧ i̧chä̧kua̧.

1 Corintios 15:50

Chawaruwä chi̧jä̧wa̧tü̧, pi̧yȩ pä'üsä ukuturu: Ttidepä'i̧nä̧, ttukuoja jäwä'i̧nä̧, ru̧wa̧ Dio weükumä̧ wiwawächoka'a; surojuoächü jäwämä̧, beipächokükumä̧ weoka'a.

1 Corintios 15:5

ja̧'wa̧nü̧ jä̧jí̧ o'ka'a, Cefarü'i̧nä̧, ja̧'wa̧ta̧nü̧ doce-nü̧ winä̧tü̧rü̧'i̧nä̧ i̧jȩkui̧nü̧ pä'ü.

1 Corintios 9:5

ja̧'wa̧ta̧nü̧ kkorotü apótore jü̧ta̧'a̧nü̧, Tu̧ru̧wa̧ ü̧jä̧wa̧tü̧ jü̧ta̧'a̧nü̧, Cefa jü̧'a̧nü̧mä̧, Crito-rü esetäjuru tirekua päi'ünä̧ tȩpa̧ pä'ümä̧ jui'ätüjä̧ tä̧jí̧?

1 Corintios 7:29

Chawaruwä chi̧jä̧wa̧tü̧, ukuturu pi̧yȩ pä'üsä: täkü, mo̧ro̧mä̧ a̧'u̧ku̧nä̧tä̧ ja̧'a̧. Ja̧'wa̧nü̧ ja̧'a̧ttü̧ ttirekuarü kku̧nä̧rä̧tü̧mä̧, to'ätü 'kua̧rü̧nä̧ kka̧kuä̧tu̧kui̧;

1 Corintios 4:6

Chawaruwä chi̧jä̧wa̧tü̧, pi̧yȩ ukuturu ukuokuäjisä, ujututä wȩnȩku̧, ttütä chütü'kü'i̧nä̧ ja̧'wa̧ta̧nü̧ Aporo ütü'kü'i̧nä̧, jü̧nä̧ ukuturu repeta'attü̧. Kkorojuei päkuätukuomȩnä̧, wȩyu̧kuä̧ wȩnȩ päomȩttü̧'i̧nä̧ abonä̧nü̧ päkuätuku juiya pä'ü, ya̧tȩ Dio i̧wȩnȩ jiäkuäwä i̧sa̧mä̧, kkorotüttü'i̧nä̧ u̧wä̧mȩnä̧ wa̧sä̧ pä'ü amükuädäkuäu juiya pä'ü.

Hechos 18:24

Ja̧'wa̧nü̧ ja̧'a̧, ya̧tȩ judío i̧sa̧ Aporo pä'ü mi̧kua̧, Alejandría ütawiyä i̧sa̧ Éfeso ütawiyänä̧ rȩbȩwi̧nü̧, ukuokuäkuäwä wo̧jua̧ ja̧'wa̧ta̧nü̧ Wȩyu̧kuä̧ Wȩnȩ'i̧nä̧ rü̧ȩnä̧ adiu wo̧jua̧.

San Mateo 23:8

Ja̧'wa̧nü̧ ja̧'a̧nä̧ ukutumä̧ wo̧juȩkuä̧ isotü pä'ü ottünä̧mä̧ jȩ'kuä̧tu̧kuä̧, ukutumä̧ o'katoi'ünä̧ kuawaruwä kui̧jä̧wa̧tü̧ wotütä kuätukua'attü. Ja̧'wa̧ta̧nü̧ wo̧juȩkuä̧ i̧sa̧rü̧mä̧ ya̧tȩrü̧tä̧ kku̧nä̧rä̧tü̧jä̧, Crito-rütä.

Hechos 19:1

Aporo-mä̧, Corinto ütawiyänä̧ ü̧ja̧'a̧nä̧, Pauru-mä̧ müä'kiyu ja̧'a̧nä̧ 'kuä'opäji̧'ka̧ Éfeso ütawiyänä̧ i̧rȩbȩwi̧'o̧mȩnä̧, juorü Jesucrito-rü esetätürü po̧kui̧pü̧,

1 Corintios 1:11

Pi̧yȩmä̧ pä'üsä chawaruwä chi̧jä̧wa̧tü̧, ukutu rü̧ȩnä̧ pä'ä'chäkuäu ku̧ja̧kuä̧tu̧kua̧'a̧, Cloé i̧tti̧mü̧ttü̧ ä̧ju̧kuä̧ji̧'ka̧.

2 Corintios 10:7

Ukutumä̧, ttü̧ja̧rü̧mä̧ wä̧mȩnä̧ jȩttü̧tä̧ topätüjä̧. Ya̧tȩ, a̧mü̧nä̧ pa̧ja̧tü̧ toäkuäwomȩnä̧ Crito u̧mü̧wä̧ya̧sä̧ päüttümä̧, jua̧u̧ jü̧ta̧'a̧nü̧ ujutu'i̧nä̧ Crito umüwäyotü wotüjä̧.