1 Corintios 1:10 - Nuevo Testamento Uwotjüja

¹⁰ Chawaruwä chi̧jä̧wa̧tü̧, Tu̧ru̧wa̧ Jesucrito i̧mi̧nä̧ ukuturu jä'epüsä, o'katoi'ünä̧ ji̧nä̧ ji̧yȩtȩnä̧tä̧ amükuädü jȩ'kuä̧tu̧kua̧ pä'ü, i̧mi̧ku̧nä̧ 'kȩ'i̧pä̧chü̧ amükuädäkuäwä juiyünä̧. Ji̧nä̧ ji̧yȩtȩnä̧tä̧ kka̧ku̧, adiwomȩnä̧ amükuädü jȩpä̧tu̧kui̧.

TÄ̧DO Ä̧CUÄ̧ I̧HUȨNȨ

¹⁰ Chö̧jä̧hua̧tö̧, Tu̧ru̧hua̧ Jesucristo i̧mi̧nä̧ pä'ösä ucuturu, yoräteunä amöcuädätucui. I̧mi̧cu̧nä̧ cuamöcuädätucuä'. Ja̧'hua̧ ji̧yä̧cu̧ pä'ösä, adiu ji̧nä̧ yo̧mȩtȩ amöcuädö ka̧cuä̧tu̧cui̧ yoräteunä.

1 Corintios 1:10 Referans Kwoze

1 Corintios 12:25

Jua'amä̧ ji̧nä̧ ya̧tȩtä̧ jäwämä̧, i̧mi̧ku̧nä̧ 'kȩkuä̧chü̧ juiya pä'ü. Ji̧nä̧ ya̧tȩ jäwämä̧, jua̧u̧ jä̧ttä̧pä̧ya̧rü̧ todeunä̧ kka̧'a̧ttü̧, jua̧u̧ttü̧ i̧mi̧ku̧nä̧ päi'omȩnä̧mä̧ kkoro jua̧u̧nä̧ kka̧ku̧mä̧ baraunä̧tä̧ ja̧'a̧.

Romanos 12:16

Ji̧nä̧ ji̧yȩtȩnä̧tä̧ amükuädü, rȩrü̧jü̧ topäkuäwätukui suronä̧ 'kuäopomȩnä̧. Ku̧ra̧wä̧rä̧tu̧kuo̧ka̧'a̧, esekuäkuäu kka̧kuä̧tu̧kui̧. Ttümä̧ wo̧jua̧sä̧ päkuä'chätukuoka'a.

2 Corintios 13:11

Täkü kkoromä̧ juiya'a, chawaruwä chi̧jä̧wa̧tü̧, eseäkuäwuötä, jue'ekuächünü̧tä̧, ro̧'ȩku̧tä̧, ji̧nä̧ ji̧yȩtȩnä̧tä̧, wȩnȩ juiyünä̧tä̧ kka̧kuä̧tu̧kui̧; wȩnȩ jui̧'a̧, eseäkuäwä kkä̧ku̧ Dio-tä ü̧jä̧kua̧ ukutunä̧mä̧.

1 Corintios 11:18

Ä̧kuo̧mȩnä̧mä̧ pä'üsä, ukutu igresia isotü ku̧ka̧ka̧kui̧'ä̧tu̧kuo̧mȩnä̧mä̧, pä'ä'chäkuäu 'kȩkui̧pä̧chä̧tu̧ku̧ ä̧ju̧ku̧; ja̧'wa̧nü̧ jo̧mȩnä̧ ji̧yȩku̧nä̧mä̧ chesetünä̧ ja̧'a̧.

Filipenses 1:27

Ji̧yȩtȩtä̧ jädepä̧u̧jä̧, Crito i̧wȩnȩ jareü wȩnȩ päü'a̧kuä̧ ku̧ja̧kuä̧tu̧kua̧ pä'ütä. Ukuturu topü chichüttü'i̧nä̧, chichü juiyüttü'i̧nä̧, ji̧nä̧ ji̧yȩtȩnä̧ ku̧jä̧tu̧kua̧'a̧, usurä kuȩmä̧wä̧tu̧kua̧'a̧ ukuowa'a chä̧ju̧kua̧ pä'üsä, jareünä̧ tta̧'kua̧ wȩnä̧rä̧kuä̧wä̧ wȩnȩnä̧,

Romanos 16:17

Ja̧'wa̧ta̧nü̧ chawaruwä chü̧jä̧wa̧tü̧ ukuturu jä'epüsä, ttu̧'ȩpä̧rü̧nü̧ ku̧ja̧kuä̧tu̧kua̧ pä'ü ttü̧ja̧ ttiperekuächünä̧ jȩpä̧tü̧rü̧ ja̧'wa̧ta̧nü̧ kkä̧kuä̧wä̧ ku̧wo̧jui̧'i̧nä̧tu̧ku̧ to'ija̧'a̧ku̧ wo̧juȩtä̧tü̧rü̧. Juätüttümä̧ 'kȩkui̧pä̧chä̧tu̧kua̧ pädäu̧jä̧.

2 Corintios 5:20

Ja̧'wa̧nü̧ ji̧na̧'a̧ttü̧, ujutumä̧ Crito i̧mi̧nä̧ jitäwiyarü pä'ü weinä̧u̧jä̧, Dio-mä̧ jitäu kuä̧ju̧kui̧yä̧tu̧kua̧rü̧ pä'ü. Ja̧'wa̧nü̧ ja̧'a̧ttü̧ Crito i̧mi̧nä̧ jä̧tȩpä̧u̧jä̧: Dio-ku eseku kuikuätukua pä'ü.

1 Corintios 4:16

Ja̧'wa̧nü̧ ja̧'a̧ttü̧, jädepä̧u̧jä̧ ttü jȩchü̧'a̧kuä̧ topü jȩpü̧ ku̧jä̧tu̧kua̧ pä'ü.

Hechos 4:32

Jesucrito-rü esetätü rekuätü o'katoi'ünä̧ ji̧yȩtȩnä̧tä̧ amükuädinä̧tü̧ ja̧'wa̧ta̧nü̧ ji̧yȩtȩnä̧tä̧ a̧'kua̧ri̧nä̧tü̧. Yotüte ttu̧ju̧nä̧rü̧, ttütä chiäre pättümä̧ juiyina̧'a̧, o'katoi'ünä̧ ttiäre jü̧nä̧tä̧ ji̧na̧'a̧.

San Juan 17:23

Ttü'i̧nä̧ juätünä̧ chu̧ju̧nä̧ ja̧'wa̧ta̧nü̧ uku'i̧nä̧ ttünä̧ ku̧ju̧ta̧'a̧nü̧, jua'amä̧ ji̧nä̧ ji̧yȩtȩnä̧ jo̧mȩnü̧ ttäkua'anü̧, pi̧jä̧ ttü̧ja̧ ttürü wekuina̧'a̧ ttu̧wo̧jui̧pü̧nä̧ ja̧'wa̧ta̧nü̧ ttürü eseu repekuä'ijüta'anü̧, juätürü'i̧nä̧ eseu repekua'a pi̧jä̧ ttü̧ja̧ ttu̧wo̧juä̧kua̧'a̧nü̧.

1 Tesalonicenses 5:13

Ja̧'wa̧nü̧ ttadita'attü̧ eseunu̧ ukuotätukuitü. Wȩnȩ juiyünä̧ kka̧kuä̧tu̧kui̧ ukutumä̧.

Romanos 12:1

Ja̧'wa̧nü̧ ja̧'a̧ttü̧, chawaruwä chü̧jä̧wa̧tü̧ ukuturu jä'epüsä Dio rȩrü̧jü̧ toinü̧nä̧tä̧, kua̧mü̧nä̧ pa̧ja̧tü̧ yotukunä̧mä̧ ku̧jä̧tu̧ku̧mä̧ ofrenda jü̧nä̧tä̧, surojü juiyünä̧tä̧, Dio eseunä̧tä̧, Chutä Dio-rü kuiyäwätukua pä'ü.

San Juan 10:19

Pa̧'a̧nü̧ päomȩnä̧, judío-mä̧ pä'äjita'anü̧ pä'ä'chäkuäwinä̧tü̧.

1 Pedro 2:11

Chi̧jä̧wa̧tü̧, ro̧'ȩpü̧ ji̧dä̧wä̧u̧jä̧ kko̧ro̧jä̧ttü̧ ichäkuäwotü pi̧jä̧nä̧ kue'ächätürü 'kua̧rü̧nä̧, ttidepä kkü'kekunä̧mä̧ kuiyäwätukuä tta̧'kua̧rü̧ rowäwukumä̧.

2 Timoteo 4:1

Jesucrito Ru̧wa̧ Rey jü̧nä̧ ichomȩnä̧mä̧ a̧'kua̧rä̧tü̧rü̧'i̧nä̧, 'korujuo'ächinä̧tü̧rü̧'i̧nä̧ ü'ojo'äkua̧. Ja̧'wa̧nü̧ jo̧mȩttü̧ Dio'i̧nä̧, Jesucrito'i̧nä̧ ttä'ka jo̧mȩttü̧ iyü kku̧nu̧ wedäkujä̧.

Filipenses 3:16

Ja̧'wa̧nü̧ ja̧'a̧nä̧, jitü rȩbȩä̧kuä̧wä̧tü̧mä̧, ji̧yȩtȩtä̧ pä'aku jȩpü̧, amükuädü jȩpü̧ tü̧ja̧kuä̧tu̧kua̧.

2 Corintios 10:1

Ttü Pauru-mä̧, Crito ukuturu eseu re ü̧ji̧nü̧nä̧ jä'epüsä, ukutuku chü̧jo̧mȩnä̧mä̧ adiwä i̧sa̧ pättä'ijäku cha'anä̧, kkara'a chü̧jo̧mȩnä̧mä̧ ujuruku pä'ü pättä'ijäku cha'attü. Jua'a ukuturu topü chichomȩnä̧, ujuturu suronä̧ pä'ä'ijätürü pä̧i̧ku̧nä̧ pädü juiyäkua'anü̧;

San Juan 7:43

Ja̧'wa̧nü̧ jo̧mȩnä̧, Jesú jäwänä̧ pä'äkuäu ttü̧ja̧mä̧ 'kȩ'ȩkuä̧chi̧nä̧tü̧.

San Marcos 2:21

Ja̧'wa̧ta̧nü̧ pü̧jä̧ta̧ tä̧bo̧i̧sä̧ta̧nä̧mä̧, ja̧rȩä̧ta̧ be'epümä̧ ya̧tȩ'i̧nä̧ 'tü̧ä̧wo̧kü̧. Ja̧'wa̧nü̧ jü̧ttü̧mä̧, ja̧rȩä̧ta̧ 'tü̧ȩkuä̧cho̧mȩnä̧ tä̧bo̧i̧sä̧ta̧mä̧, yabokutä sȩrä̧wi̧'ä̧ta̧.

San Mateo 9:16

Ja̧'wa̧nü̧ ja̧'a̧ttü̧ ttü̧'ka̧tä̧wä̧ta̧ tä̧bo̧i̧sä̧ta̧mä̧, ja̧rȩä̧ta̧nä̧mä̧ be'epümä̧ 'tü̧ä̧wo̧kü̧. Ja̧'wa̧nü̧ 'tü̧ttü̧ttü̧mä̧ ja̧rȩä̧ta̧ 'tü̧ȩkuä̧cho̧mȩnä̧ tä̧bo̧i̧sä̧ta̧tä̧, 'tü̧ttä̧jo̧mȩmä̧ yaboku ȩmo̧kuä̧cha̧'a̧, ja̧rȩä̧ta̧tä̧ kki̧'a̧'a̧nä̧.

1 Timoteo 5:21

Dio'i̧nä̧, Jesucrito'i̧nä̧ á̧gȩrȩ pojopü ȩmä̧wo̧tü̧'i̧nä̧ ttä'ka jo̧mȩttü̧ pi̧yȩ jȩ'kua̧ pä'ü wedinü̧mä̧ o'kajuiyünä̧ ukuoti ja̧'wa̧ta̧nü̧ o'katoi'ünä̧tu̧ku̧tä̧ adiu jȩpü̧ jü̧nä̧tä̧, ya̧tȩrü̧tä̧mä̧ kuesekuoka'a.

2 Tesalonicenses 2:1

Chi̧jä̧wa̧tü̧, jä̧tȩpä̧u̧jä̧ ukuturumä̧ Tu̧ru̧wa̧ Jesucrito i̧chä̧kuȩmä̧ ja̧'wa̧ta̧nü̧ chutäku ji̧nä̧ yo̧mȩtȩ päti̧'ä̧kuȩmä̧

Gálatas 4:12

Chawaruwä chü̧jä̧wa̧tü̧, ukuturu jä'epüsä: ttü chüta'anü̧ ku'ärowächätukua pä'ü, ttü'i̧nä̧ ukutu jü̧ta̧'a̧nü̧ chü'ärowächina̧'a̧ttü̧. Ukutumä̧, ttürü suronä̧ jȩpo̧ko̧tü̧ pinä̧tü̧jä̧.

2 Corintios 6:1

Ja̧'wa̧nü̧ Dio aditäwä ppä̧dä̧rä̧kuä̧wä̧ isotü ta'attü̧, ukuturu jä'epätüjä̧, Dio rettü iyinü̧mä̧, mikuäwokü jäwä 'kua̧rü̧nä̧mä̧ kuȩmä̧tu̧ku̧ juiya pä'ü.

Romanos 15:30

Ja̧'wa̧nü̧ ja̧'a̧nä̧ ukutu chawaruwä chi̧jä̧wa̧tü̧rü̧, Tu̧ru̧wa̧ Jesucrito i̧mi̧nä̧ ja̧'wa̧ta̧nü̧ Epíritu eseu repeünä̧ jä'epüsä, ttürü Dio-rü ukuoku ppäkuädätukuattü pä'ü.

San Juan 9:16

Fariseo wotümä̧ yotukunä̧ pä'inä̧tü̧: —Pi̧yȩ jȩpä̧ji̧mä̧, Dio wȩ'ä̧wa̧mä̧kü̧, sawaru mo̧ro̧'i̧nä̧ ukuotokü ja̧'a̧ttü̧. Ja̧'wa̧nü̧ pätta'anä̧, kkorotümä̧ pä'inä̧tü̧: —¿Toku pä'ü, surojü kku̧nä̧rü̧ ja̧'a̧nä̧, jua̧u̧ jȩtto̧kü̧ jueimä̧ jȩpü̧jä̧ttü̧? Ja̧'wa̧nü̧ pä'ü, 'kä̧'ȩchä̧chi̧nä̧tü̧ ttukuokuttümä̧.

Romanos 1:13

Ja̧'wa̧nü̧ ja̧'a̧nä̧ chawaruwä chü̧jä̧wa̧tü̧ ku̧wo̧juä̧tu̧kua̧ pä'üsä, do'ächü chicha pä'ü jȩcha̧'a̧nä̧, do'ächü chichü juiyünä̧ weyekuä'ijüsä. Ji̧nä̧somä̧ kkorotü judío pokotürü jä̧'i̧jü̧ta̧'a̧nü̧ ukutunä̧'i̧nä̧ u̧wä̧ju̧ chu̧ju̧nä̧ra̧ pä'ü.

1 Corintios 1:11

Pi̧yȩmä̧ pä'üsä chawaruwä chi̧jä̧wa̧tü̧, ukutu rü̧ȩnä̧ pä'ä'chäkuäu ku̧ja̧kuä̧tu̧kua̧'a̧, Cloé i̧tti̧mü̧ttü̧ ä̧ju̧kuä̧ji̧'ka̧.

1 Corintios 3:3

Jitä'i̧nä̧, kuidepä wea'anä̧tä̧ kka̧kuä̧tü̧jä̧!; ji̧nä̧ ukutunä̧ kka̧'a̧ kuä'kuoyäwätuku, kurowäwätuku'i̧nä̧, päkuä'chäkuäwätuku'i̧nä̧, jü̧nä̧ ja̧'wa̧nü̧ jȩpü̧ pi̧jä̧ jäwänä̧tä̧ kuidepä wea'anä̧ kka̧kuä̧tü̧jä̧.

2 Corintios 13:9

Ja̧'wa̧nü̧ ja̧'a̧ttü̧, ujutu tijuiyuwomȩnä̧mä̧ esewätüjä̧, pärokua'aku ukutu kujuruwätukua'anä̧; ja̧'wa̧ta̧nü̧ yabokutä Dio-rü ukuokuätüjä̧ Crito-rü ukuotü juekuekuächätukunä̧.

1 Pedro 5:10

Ja̧'wa̧nü̧ ja̧'a̧nä̧ ukutu usurä kuȩmä̧wä̧tu̧kua̧'a̧ttü̧mä̧ a̧'u̧kua̧'a̧tä̧ mo̧ro̧ o'ka'a Dio-mä̧ surojü juikuätukunä̧'i̧nä̧, 'kiyünä̧ ku̧jä̧tu̧ku̧nä̧'i̧nä̧, kujuruwätukunä̧'i̧nä̧ ja̧'wa̧ta̧nü̧ jo̧mȩnü̧ kuätukunä̧'i̧nä̧ jȩä̧kuä̧u̧jä̧. Dio-mä̧ chutätä Crito-nä̧ rü̧ȩnä̧ eseunä̧ uruwo beipokü ku̧ju̧nä̧rä̧tu̧kua̧ pä'ü woinä̧u̧jä̧.

San Marcos 3:24

Yo̧mȩtȩ ru̧wa̧ weomȩttü̧ pä'ä'chäkuäu 'kȩttȩkuä̧chü̧ttü̧mä̧, jua̧u̧ ruwomä̧ rekuomä̧ 'chu̧'ä̧ro̧kü̧.