Tito 1:8 - Maung a Balita Biblia

⁸ Nepeg ya amta toy manangkaili, maarod bengatlan maung, matonung, masanto, tan maadya.

Maung A Balita Biblia

⁸ Nepeg ya amta toy manangkaili, maarod bengatlan maung, matonung, masanto, tan maadya.

Tito 1:8 Referans Kwoze

1 Timoteo 3:2

Say panguloy iglisia, sirin, nakaukolan a toon anggapoy pakabalawan, saksakey so asawa to, maadya, makabat, masimpit, amta toy manangkaili, tan nayarian toy mambangat.

Tito 2:7

Ipanengneng mo diad anggan anton pamaakaran, ya oliran kad maabig iran gawgawa. Nepeg a matoor kad panagbangat mo, tan ag mo gagalaw-galawen.

1 Saray Arari 5:7

Akaliket a maung si Hiram nen naawat toy impaibaga nen Solomon, kanyan inkuanto, Nagalang natan so Katawan, lapud initdan toy David na sakey ya anak a manari ed saman a matalonggaring a bansa!

1 Juan 5:1

Anak na Dios so toon manisia a si Jesus et sikatoy Cristo. Siopamay mangarod ama, aroen to met so anak na ama.

1 Juan 3:14

Amta tayon imbeneg ti lay patey tan wala ti lad bilay, ta inaro tayo ray agagi tayo. Siopamay ag mangaaro, wala ni ed patey.

1 Timoteo 6:11

Balet sikan tooy Dios, paliisan mo ra yan amin. Seetan mon tombukey katonungan, kasantosan, pananisia, panangaro, panaganos, tan kinaoyamo.

1 Timoteo 4:12

Ag mo aabuloyan a lemlemewen kay siopaman lapud kinaogaw mo. Ingen, sika komuy oliran da ray mananisia diad panagsalitam, kagagawam, panangarom, pananisiam, tan malinis a panagbilay mo.

1 TESALONICA 2:10

Natasian yo, ontan met na Dios, a nambilay kamin masanto, matonung, tan anggapoy pakabalawan ed impipiolup mid sikayo ran mananisia.

Saray Salmo 16:3

Agaylay inkamaung da ray matoor a totoo na Katawan! Pakaliliketan kon maung a nakaiba ra.

1 Saray Arari 5:1

Si Ari Hiram na Tiro et kaaro nen David, kanyan nen nadngelan ton si Solomon so sinmalat ed ama ton David a manari, angibaki na pigaran opisyal to.

1 Samuel 18:1

Asumpal a nantongtong si Saul tan si David, kayari to ya, si Jonatan a lakin anak nen Saul et naayat a maung ed kinen David tan inaro ton singa panangaro tod sikaton dili.

2 Timoteo 3:3

ag da amtay mangasi tan mangabagey ed kapara ran too, managderal iray kagalangay arum, maruksa tan masebeg ira; bosulen day kamaungan;

2 Timoteo 2:22

Kanyan paliisan moy maoges iran pilalek na kalangweran. Manseet kan magmaliw a matonung, matoor, maaro, tan mambilay kan mareen, a kaibam iray totoon malinis so puso ran ontatawag ed Katawan.

Amos 5:15

Bosul yoy kaogsan, aro yoy kamaungan, et nanengneng yod satan ed saray korti ya ontalona so katonungan. Angangko kasian na Katawan iray totoon atilak nin mabilay ed sayan bansa.

Lucas 2:25

Walay lakin manaayam ed Jerusalem a say ngaran to et Simeon. Matonung tan maasingger ed Dios yan too, tan aalagaren to a nilaban so Israel. Walad sikatoy Ispiritu Santo

Saray Gawgawa 24:25

Balet nen ituloy nen Pablo so mampaliwaway nipaakar ed kamaungan, panagadyad dilin laman, tan say okum ya onsabi, ataktakot si Felix tan inkuanto, Alis ka ni, ta patawag ta ka no walay panaon ko.