TAGA-EFESO 4:3 - Maung a Balita Biblia

³ Gawa yoy anggaay nayarian yo a pansiansiaey pankakasakey a manlalapud Ispiritu, diad panamegley na kareenan a mamapasakey ed sikayo.

Maung A Balita Biblia

³ Gawa yoy anggaay nayarian yo a pansiansiaey pankakasakey a manlalapud Ispiritu, diad panamegley na kareenan a mamapasakey ed sikayo.

TAGA-EFESO 4:3 Referans Kwoze

1 CORINTO 1:10

Agagi, sisimbawaen ta kayo diad panamegley na ngaran na Katawan tin Jesu-Cristo: mankakasakey kayod amin a salitaen yo, pian ag kayo naapag-apag. Ayadyari komuy pankakasakey yo diad kanunotan tan getma.

Saray Hebreo 12:14

Gawa yoy anggaay nayarian yo a mikaarod amin a too tan mampasanto kayo, ta no ag ya gawaen na siopaman, ag to nanengneng so Katawan.

Juan 13:34

Iter kod sikayoy sakey a balon ganggan: manaarowan kayo! Onung na impangarok ed sikayo, ontan met so panaarowan yo.

2 CORINTO 13:11

Salaya, agagi, tan mampatanir ak la. Panseetan yoy pagmaliw yon ayadyari, onur yo ray bangat ko, mankakasakey kayod kanunotan, tan mambilay kayon mareen. Diad ontan, say Dios na aro tan kareenan so niwalad sikayo.

1 TESALONICA 5:13

Iter yod sikaray sankabalgan a panamagalang tan panangaro lapud kimey a gagawaen da. Gawa yon mareen so panoolup yo.

TAGA-EFESO 4:4

Walay saksakey a laman tan saksakey ya Ispiritu; ontan met a walay saksakey ya ilalon anawagay Dios ed sikayo.

TAGA-EFESO 4:13

Diad ontan, makapankakasakey itayon amin ed pananisia tan pakapikabat ed Anak na Dios, tan ontakken itiayo ya anggad pakapipara tid inkayadyari nen Cristo.

Exodo 28:32

Nepeg a walay lewlew a pangisolungan na olo, tan diad gilig na lewlew itdan na patalker a singa lewlew na kawes pian ag napilat.

1 Saray Arari 16:21

Apaldua so totood Israel: say kapalduad sikara labay et dan manari si Tibni a lakin anak nen Ginat, balet say kapaldua labay day Omri.

Ecclesiastes 4:12

Sarag a taloen na duaran too so ag natalo na saksakey a too. Mairap a poltuten so lobir ya alaga ed taloran berber.

Marcos 3:24

No manlalaban iray totood sakey a nanarian, ag mambayag itan a nanarian.