TAGA-EFESO 1:7 - Maung a Balita Biblia

⁷ Arondon itayo la diad panamegley na dala nen Cristo tan diad ontan, apirdona la ray kasalanan tayo. Agaylay kabaleg na panangaroy Dios,

Maung A Balita Biblia

⁷ Arondon itayo la diad panamegley na dala nen Cristo tan diad ontan, apirdona la ray kasalanan tayo. Agaylay kabaleg na panangaroy Dios,

TAGA-EFESO 1:7 Referans Kwoze

1 Pedro 2:24

Diad impatey nen Cristo ed tagey na krus, sinakbat tod laman to ray kasalanan tayo, pian taynan ti lay kasalanan tan mambilay ti la onung ed linaway Dios. Inmabig kayo diad panamegley na saray sugat to.

Saray Taga Roma 3:24

Balet lapud panangasi na Dios, pinaandi to ray kasalanan dan amin diad panamegley nen Cristo Jesus ya anondon ed sikara.

COLOSAS 1:14

Arondon itayo la tan apirdona la ray kasalanan tayo diad panamegley na Anak.

Saray Hebreo 9:22

Onung ed Ganggan, amin lawarin bengatla et lilinisan na dala; tan no anggapoy onterter a dala, anggapoy pakapirdonay kasalanan.

Mateo 26:28

ta sikato yay dalak a mamaneknek ed impisipanay Dios, say dalak ya onterter a para amayamay a totoo, pian napirdona ray kasalanan.

Puyan 5:9

Kinanta ra yan balon kanta: Sikay manepeg a mangalay babasaen a nilokut tan mangekal ed saray timbri to. Lapud pinatey ka, tan diad panamegley na dalam, dinondon mon para Dios iray katoowan, a manlapud amin a boleg, salita, totoo, tan bansa.

1 Juan 2:12

Susulaten ta kayo, anak, ta apirdona la ray kasalanan yo lapud ngaran-nen Cristo.

FILIPOS 4:19

Tan say Dios ko, onung na ag nasabsabaan a kayamanan to, itdan to kayo na amin a nakaukolan yo, diad panamegley nen Cristo Jesus.

TAGA-EFESO 2:7

Ginawa to ya pian nipanengneng tod arapen a panaon so ag nabilang a kayamanay panangaro tod sikatayo, diad panamegley nen Cristo Jesus.

1 CORINTO 1:30

Balet say Dios impikasakey to itayod Cristo Jesus tan ginawa to a kakabatan tayo. Diad panamegley nen Cristo, apirdona ray kasalanan tayo ed arap na Dios, nagmaliw itayon masanton totooy Dios, tan arondon itayo la.

Saray Salmo 130:7

Israel, manmatalek kad Katawan, ta ag mangomay panangaro to tan sipaparaan lawas a mangilaban.

TAGA-EFESO 3:16

Kekerewen kod sikato, onung ed ontan lan kagalangan to, ya itdan to kayo komuy pakayarin mamabiskeg ed maispiritun bilay yo diad panamegley na Ispiritu to.

2 CORINTO 8:9

Ta kabat yoy panangaroy Katawan tin Jesu-Cristo; anggaman a mayaman nagmaliw a mairap-bilay makasengeg ed sikayo, pian onyaman kayo diad panamegley na inkamairap-bilay to.

Saray Taga Roma 2:4

Babalawen mo kasiy baleg a panangasi, anos, tan tepel na Dios? Ag mo ta amtan say kaabigan na Dios et dagdagen to kan magbabawi?

Mikias 7:18

Anggapoy dios a singa sika, O Katawan; pipirdonaen moy kasalanan da ray totoom ya apaliisan day patey. Ag ka mampasnuk ya ando lan ando, no ag ta panliketan mon ipanengneng so ag mangoman a panangarom.

1 Juan 2:2

Si Cristo et nibagat a pakapaandian na saray kasalanan tayo, tan aliwa lambengat a saray kasalanan tayo, no ag ingen pati saray kasalanan na sankamundoan.

Tito 2:14

Imbagat to para sikatayo so bilay to, pian narondon to itayod amin a kaogsan tan pagmaliwen to itayon malinis a totoo, totoon sikato labat so akankayaryan tan mapaga rad panggaway kamaungan.

Saray Gawgawa 2:38

Inmebat si Pedro ed sikara, Magbabawi kayod saray kasalanan yo, tan mampabinyag kayod ngaran nen Jesu-Cristo, et diad ontan, napirdona ray kasalanan yo. Awaten yo met ed satan so Ispiritu Santo a panangaroy Dios.

Mateo 20:28

a singa say Anak na Too ya ag linma dian palingkuran, no ag ingen manlingkur tan mangisaklang na bilay to, a panondon ed saray amayamay a totoo.

Daniel 9:9

Mapangasi tan manamirdona ka, anggaman a sinmumpa kamid sika,

Say Libro nen Job 33:24

Diad panangasi na anghil ikuanto, Ibolus yo! Ag ni nepeg ya ompatey. Nia so dondon a para kibolus to.

1 Juan 4:10

Sayay labay kon ibaga a panangaro: aliwan say panangaro tayod Dios, no ag ta say panangaro na Dios ed sikatayo nen imbaki toy Anak ton nibagat a makapaandi na kasalanan tayo.

Saray Gawgawa 20:28

Asikaso yoy sikayon dili tan amin a karniro, salanti saray kabyangay iglisia a sikaray impia ed sikayo na Ispiritu Santo. Asikaso yoy iglisia na Dios a dinondon to diad panamegley na dala ton dili.

Daniel 9:19

Katawan, dengel mo kami pa. Katawan, pirdona mo kami pa. Katawan, talineng mo kami pa tan galaw ka pa! Ag ka pa manaabala, O Katawan, pian naamtaan na amin a totoo a sika so Dios! Kayaryan mo yan siudad tan sarayan totoo.

Jeremias 31:34

Anggapod sikaray nepeg a mangibangat ed kabansaan to na nipaakar ed pangamta ed Katawan, ta nakabatan da ak ya amin, abeba may atagey so kipapasen da. Pirdonaen ko ray kasalanan da tan ag ko la nunoten iray ginagawa ran kaogsan. Siak, say Katawan, so nansalita.

Saray Salmo 86:5

Katawan, maung tan manamirdona ka, napno kay ag mangoman a panangaro ed amin da ray mampipikasid sika.

1 Pedro 3:18

Ta inatey si Cristo ya amimpinsan para saray kasalanan, say anggapoy kasalanan para saray makasalanan, pian niasingger to itayod Dios. Inatey onung ed laman tan pinaolid bilay onung ed ispiritu.

TAGA-EFESO 3:8

Sankaabebaan so kipapasen ko ed amin da ray totooy Dios; anggaman ontan, inter na Dios ed siak yan kimey a mangipulong ed saray Hintil na Maung a Balitan nipaakar ed ag nabilang a kayamanan nen Cristo,

Saray Gawgawa 10:43

Amin da ray propita nansalita ra nipaakar ed sikato, tan inkuandan siopamay manisiad sikato et napirdona ray kasalanan to diad panamegley na ngaran to nen Jesus.

Juan 20:23

Siopamay toon pirdonaen yo ray kasalanan to, napirdona ra; siopamay toon ag yo pirdonaen iray kasalanan to, ag ira napirdona.

Marcos 14:24

Inkuanen Jesus ed sikara, Sikato yay dalak a mamaneknek ed impisipanay Dios, say dalak ya onterter para saray amayamay a totoo.

Zacarias 13:7

Say Katawan a Makapanyarin-amin kuanto, Bangon ka, ispada, ta dogpaan moy pumapastol a mankikimey na para siak! Patey mo, pian nikaykayat iray karniro! Dogpaan ko ray totook

Zacarias 13:1

No onsabiy tan a panaon, kuay Katawan a Makapanyarin-amin, nalokasan so subul a manlinis ed kasalanan tan panangigalang ed talintaoy diriyos iray kabyangay boleg nen David tan saray totood Jerusalem.

Tito 3:6

Diad panamegley na Manangilaban tayon Jesu-Cristo, ag nasabsabaan ya inibung na Dios so Ispiritu Santo ed sikatayo.

1 Timoteo 2:6

ya inter toy sikaton dili a panondon ed amin a katoowan. Sikato yay pakanengnengay pilalek na Dios, tan nipanengneng ed niganan panaon.

COLOSAS 2:13

Sikayo ran inatey lapud saray kasalanan yo, tan lapud Hintil kayo ya anggapod silong na Ganggan, say Dios so amilay ed sikayo a kaolup yoy Cristo; pinirdona to la ran amiy kasalanan tayo.

COLOSAS 2:2

Gagawaen ko ya, pian ombiskeg so linawa ra, mankasakey iran nabalur na aro, tan nawalaay iray intiron kayamanan na ilalo ya iter na tuan pakatalus. Diad ontan, nakabatan day niamut a katwaan na Dios, salanti si Cristo a dili.

COLOSAS 1:27

Nilabay na Dios ya ipaamtad saray totoo to yan mayaman tan makapakelaw a niamut a katwaan para amin a katoowan. Say niamut a katwaan saya: walad sikayoy Cristo a kawalaay ilalo yon makapinabang ed kagalangay Dios.

TAGA-EFESO 2:4

Balet ag nasabsabaan so panangasiy Dios tan ontan lay kabaleg na panangaro tod sikatayo.

Saray Taga Roma 9:23

Ginawa to ya met a pangipanengneng toy ag miparan kagalangan to diad saray totoon kinasian to, saray imparaan to la ra nen saman a mangawat na kagalangan.

Saray Gawgawa 3:19

Kanyan magbabawi kayo la tan pawil kayo lad Dios, pian naponas iray kasalanan yo,

Lucas 24:47

tan diad ngaran to, say pagbabawi tan say kapirdona na saray kasalanan et nepeg a nipulong ed amin a bansa, manlapud Jerusalem.

Lucas 1:77

tan ibagam ed saray totoo to a nilaban ira, diad pakapirdonay kasalanan da.

Zacarias 9:11

Say Katawan kuanto, Lapud impisipanan kod sika samay sipanan a pinaletan na dala da ray bagat, ibolus ko ray totoom naagwat irad anggapoy danum a bobun na inkibantak ed arum a bansa.

Isaias 43:25

Anggaman ontan, siak so Dios a mamipirdonad saray kasalanan mo, et onyay gagawaen ko lapud inka-Dios ko. Ag ta ka singilen ed saray kasalanan mo.

Exodo 34:7

Tooren koy sipan kod saray libo-libon kailalakan tan pirdonaen koy kaogsan tan kasalanan; balet dusaen kon dusaen iray anak tan apo, anggad kumatlo tan kumapat a kailalakan, lapud saray kasalanan na saray atateng da.

Puyan 14:4

Sikaray lalakin malinis, ta ag iran balut akiakdul ed saray bibii; ag met ira angasawa. Ontotombuk irad samay Kordiro ed inerman a laen to. Diad amin a katoowan ed intiron mundo, sikaray arondon; sikaray onaan a nisaklang ed Dios tan say Kordiro.

TAGA-EFESO 1:6

Igalang tayo lapud makapakelaw a panangaro ton inter tod sikatayo diad panamegley na inararo ton Anak!

Jonas 4:2

Kanyan nampikasi, Katawan, ag ko ta la imbaga a kasakbayan a tinaynan koy baley ko et onyay gawaen mo? Lapud saman ya imbagak ginawak so anggaay nayarian ko ya ombatik ed Espanya! Amtak a maaro tan mapangasi kan Dios, maanos ka lawas, tan akaparaan ka lawas a mangoman na kanunotan mo tan ag ka manusa.

Saray Salmo 130:4

Balet pipirdonaen mo kami, kanyan nepeg mi kan igalang.

Mateo 6:12

Pirdonam pa iray kasalanan mi, a singa pamipirdona mid saray nankasalanan ed sikami.

Saray Taga Roma 3:25

Imbagat na Dios si Cristo pian, diad panamegley na tinmerter a dala to, napirdona so kasalanay totoo lapud pananisia rad sikato. Ginawa ya na Dios, pian nipanengneng a sikatoy matonung, ta nananos nen saman tan pinalabas toy kasalanay katoowan.

TAGA-EFESO 1:8

ya inter ton ag nasabsabaan ed sikatayo! Onung ed kakabatan tan pakatalus na Dios

TAGA-EFESO 1:14

Say Ispiritu so kaletan ya awaten tayo so insipay Dios ed saray totoo to, tan impailalo to a say Dios itdan toy nagnap a kawayangan iray totoon kayaryan to. Itanduro tayoy kagalangan na Dios!

TAGA-EFESO 1:18

Ipipikasik a naliwawaan komuy kanunotan yo pian naamtaan yo no antoy ilalon impanawagan tod sikayo, no panoy kayaman na makapakelaw iran bindision ya insipan ton ipatawir ed saray totoo to,