Sofonias 3:16 - Maung a Balita Biblia

¹⁶ Onsabiy panaon ya ikuandad Jerusalem, Ag ka natatakot, siudad na Sion! Ag mo palalaylayen iray taklay mo!

Maung A Balita Biblia

¹⁶ Onsabiy panaon ya ikuandad Jerusalem, “Ag ka natatakot, siudad na Sion! Ag mo palalaylayen iray taklay mo!

Sofonias 3:16 Referans Kwoze

Saray Hebreo 12:12

Kanyan itagey yo ray lima yon makolkolaney, tan pampetek yo ray pueg yon makapkapoy!

TAGA GALACIA 6:9

Kanyan ag itayo onsasawan manggaway kamaungan; ta no ag tayo onsawa, andi-saew a manani tayo no onsabi lay panagani.

Puyan 2:3

Amtak met a maanos ka, nanirap kan maung lapud siak, tan ag kinmapoy so linawam.

TAGA-EFESO 3:13

Kanyan kekerewen kod sikayon ag yo pakakapoyey linawa yo lapud paniirap kon para sikayo, ta pankaabigan yo met lamlamang ya.

Isaias 44:2

Siak so Katawan ya amalsad sika; nanlapud inkianak mo, tinutulongan ta ka. Ag ka natatakot; sika so aripen ko, say toon pinilik tan inarok.

Isaias 41:10

Ag kayo natatakotwala ak ed sikayo! Siak so Dios yoag yo aabuloyan a taktakoten kayo na antokaman! Pabiskegen tan tulongan ta kayo; iyagel tan ilaban ta kayo.

Isaias 40:9

Jerusalem, tatdang kad atagey a palandey, ta ipulong moy maung a balita! Kolyaot ka, Sion, ibawag moy maung a balita! Ag ka ontatakot, mansalita ka. Ibagam ed saray baley na Juda ya onsasabi lay Dios da!

Juan 12:12

Kaimbwasan, nadngelan na dakerakel a totoon akipaskua a si Jesus et mamapaarap ed Jersalem.

Zacarias 8:15

Balet natan nununoten ko a bindisionan iray totood Jerusalem tan Juda. Kanyan ag kayo natatakot.

Isaias 54:4

Ag ka natatakotag ka la napelag ed kababaingan; ag ka la napaabeba. Nalingwanan moy kalamangan mo nen malangwer ka nin asawan bii, tan say ontan lan kaermenan mon sakey a balo.

Say Libro nen Job 4:3

Binangatan mo ray amayamay a totoo tan pinabiskeg mo ray makapoy.

2 CORINTO 4:1

Lapud panangasi na Dios, inter tod sikami yan panaglingkur, kanyan ag onkapoy so linawa mi.

Isaias 25:9

No nagawa la ya, say balang too ikuanto, Sikatoy Dios mi! Nanmatalek kami ed sikato, kanyan inyagel to kami. Sikato so Katawan! Nanmatalek kami ed sikato, et natan maliket tan magayaga kami lapud inyagel to kami.

Joel 2:21

Kaalogan, ag kayo natatakot; ingen, manliket tan manggayaga kayo, lapud saray amin a ginagawa na Katawan ed sikayo.

Zacarias 8:13

Sikayo ran totood Juda tan Israel! Nen saman saray sangkaili mansasambaan ira ya ikuandad sakey tan sakey, Ondapo met komun ed sika so deral a singa samay deral a dinmapo ed Juda tan Israel! Balet ilaban ta kayo, insan saraman a sangkaili ikuandad sakey tan sakey, Nagamuran mo met komun so bindision a singa samay bindision ya agamuran na Juda tan Israel! Kanyan pabiskeg yoy linawa yo, ag kayo ontatakot.