Saray Tagleey 5:16 - Maung a Balita Biblia

¹⁶ Anggapo lay nakdaan ed amin da ray ikikinon mi. Nankasalanan kami, kanyan pangaskasiyay kipapasen mi natan.

Maung A Balita Biblia

¹⁶ Anggapo lay nakdaan ed amin da ray ikikinon mi. Nankasalanan kami, kanyan pangaskasiyay kipapasen mi natan.

Saray Tagleey 5:16 Referans Kwoze

Saray Salmo 89:39

Ag mo tinoor so impisipanan mod aripen mo, tan imbantak mod dabuk so korona.

Jeremias 13:18

Inkuan na Katawan ed siak, Ibagam ed ari tan say ina to ya onakseb iran manlapud trono ra, lapud naplag manlapud olo ra iray marakerakep a korona ra.

Say Libro nen Job 19:9

Pinaandi to ray amin a kayamanan ko, tan dineral toy kagalangan ko.

Saray Tagleey 1:1

Agaylay ermen na Jerusalem a gendat a napnoy totoo! Gagalangen na sankamundoan nen saman, balet singa biin balo so kipapasen to natan; Sankarakpan nen saman ed saray siudad, balet aripen so nagmaliwan to.

Puyan 3:11

Magano lay isabik. Asikasom iray walad sika, pian anggapoy makasamsam ed kornam.

Ezekiel 21:26

Siak a Katawan a Dios so nansalita. Ekal moy koronam tan say turban mo. Naoman ya amiy bengatla. Itagey mod pakayari iray mairap-bilay! Iyabebam ed kipapasen iray manoley!

Saray Tagleey 4:13

Balet onyay agawa lapud nankasalanan iray propita to tan saray papari to, ta sikaray makasengeg na impatey na saray anggapoy kasalanan a totoo.

Saray Tagleey 2:1

Lapud pasnuk na Katawan, kinobutan to na bilonget so Sion. Impagmaliw na Katawan a bunton na deral-deral so mangatatawen ton kagalangan. Diad agew na pasnuk to inkaindan to so anggan Timplo to.

Saray Tagleey 1:18

Maptek so Katawan, ta sinumlang ko ray salita to. Dengel yo ak, totood inerman a pasen; nengneng yoy paniirap ko. Nalan priso iray tobun-balon bibii tan lalaki.

Saray Tagleey 1:8

Mapalalon kaogsan so ginawa na Jerusalem, kanyan sikatoy adotakan. Balbalawen la natan na saray mangidadayew ed sikato, lapud anengneng dan alakseban. Manayay tan isasanib toy lupa to lapud kababaingan.

Jeremias 4:18

Juda, sika met ni lamlamang so nanlapwan ed saya lapud impanbilay mo tan lapud saray ginagawam. Say kasalanan mo so makasengeg ed sayan kairapan; tinoruk ton tinalus so pusom.

Jeremias 2:19

Dusaen ka na dilin kaogsan mo; deralen ka na impangikaindan mod siak. Naamtaan mo no panoy kapaitan tan kaogsan na pangikaindan ed siak a Katawan a Dios mo, tan say ag mo pansiansian matoor ed siak. Siak, say Katawan a Dios a Makapanyarin-amin, so nansalita.

Jeremias 2:17

Israel, sika so nansengegan ed saya! Inkaindan mo ak a Katawan a Dios mo, legan ya iwawanwan ta kad dalan.

Probirbio 14:34

Say inkatonung pagmamaliwen ton matalonggaring so sakey a bansa; say kasalanan ipepelag tod kababaingan so anggan dinan a bansa.

Puyan 2:10

Ag mo tatakotan iray kairapan ya asingger mo lan sakbaten. Dengel ka! Diad panubok na Diablo, paipriso toy pigarad sikayo; nairapan kayon samploy agew. Mansiansia kan matoor ed siak ya anggad patey, et iter kod sikay korona na bilay.

Probirbio 27:24

ta ag mansiasia so kayamanan. Anggan saray bansa ag ira mansiansia.

1 Samuel 7:6

Kanyan nantitipon iran amin ed Mizpa. Angala ray danum tan imbales dan imbagat ed Katawan, tan nanayuno ran sanagew. Inkuanda, Nankasalanan kamid Katawan. (Diad Mizpa so nansintinsiaan nen Samuel ed saray kolkolan da ray Israelita.)

Isaias 3:8

On, aderal la so Jerusalem! Abagbag lay Juda! Sumpad Katawan iray amin a sasalitaen tan gagawaen na saray totoo ra; maparontal dan papabaingan so Dios.

Jeremias 32:23

Balet nen akakar irad sayan dalin tan kinayaryan da, ag da inonur iray ganggan mo odino nambilay onung ed bangat mo; ag da sinumpal so antokaman a pagagawam ed sikara. Sikato yay makasengeg no akin et inyakar mod sikara yan amin a deral.

Saray Tagleey 1:20

Nengneng mo ak pa, O Katawan, ta nagugunigon ak; maguloy kamarerwak! Ngalngali ombetag so pagew kod ermen lapud nankakasalanan ak. Wala ray pateyan et daladalan, tan anggan diad dalem na kaabungan walay patey.

Mikias 6:13

Kanyan inggapok lay panderal tan pamairap ed sikayo, lapud saray kasalanan yo.