Saray Tagleey 2:2 - Maung a Balita Biblia

² Andi-panangasi a dineral na Katawan ya amin iray bario na Juda. Diad pasnuk to inggegeba to ray tirinsira na Juda. Impelag tod kababaingan so nanarian tan amin iray manoley to.

Maung A Balita Biblia

² Andi-panangasi a dineral na Katawan ya amin iray bario na Juda. Diad pasnuk to inggegeba to ray tirinsira na Juda. Impelag tod kababaingan so nanarian tan amin iray manoley to.

Saray Tagleey 2:2 Referans Kwoze

Saray Tagleey 3:43

Inosilan mo kami tan andi-panangasin pinapatey mo kami; asaniban na pasnuk mo so panangasim.

Saray Tagleey 2:17

Sinumpal na Katawan so ginetma ton gawaen; Dineral to itayon andi-panangasi, onung na abayag to lan impasakbay a gawaen. Impanalo to ray kalaban tayo, tan pinaliket to rad inkatalo tayo.

Isaias 43:28

tan saray manoley mo impagmaliw dan andi-kakanaan a pasen so santuariok. Lapud saya dineral koy Israel; inyabuloy kon napabaingan iray dilin totook.

Isaias 25:12

Deralen na Katawan iray tirinsira tan saray atatagey a padir na Moab tan igeba to rad dabuk.

Saray Salmo 21:9

No onpatnag so Katawan, singa manliub ya apoy a mangoput ed sikara. Lapud pasnuk to akmunen to ra, tan oputen ira na apoy.

Ezekiel 9:10

Balet ag ko ra kasian; gawaen kod sikaray ginawa rad arum a totoo.

Saray Tagleey 2:21

Malangwer may matakken, kibalatar iran bangkay ed saray dalan. Apatey-patey na ispada na saray kalaban iray mamalangwer a bibii tan lalaki. Andi-panangasin pinapatey mo ra nen agew na pasnuk mo.

Saray Tagleey 2:5

Nagmaliw a singa sakey a kalaban so Katawan, dineral toy Israel; Dinederal to ray tirinsira tan saray palasio na Israel. Angiter na ag manganggan kaermenan ed saray totood Juda.

Isaias 26:5

Pinaabeba to ray mapaatagey nen saman; dinederal toy mabiskeg a siudad a nanayaman da, tan inggegeba tod dabuk iray padir to.

2 CORINTO 10:4

Saray ikakana min armas et aliwan minumundon armas, no ag ingen saray mabiskeg ya armas na Dios a paneral mid saray mabiskeg a tirinsira. Dederalen miy tila-tilan katonungan;

Mateo 18:33

Kinasian mo met komun imay kaparam ya aripen a singa impangasik ed sika!

Malakias 1:4

No ibaga na saray kabyangay boleg nen Esau salanti saray Edomita, Aderalderal iray baley mi, balet pasimbaloen mi ran ipaalagey, say Katawan onebat ed satan, Pasimbaloen da ra labat ya ipaalageyigebak ira lamet. Tawagen ira na saray totoo, Say maoges a bansa tan Say bansan pamapasnukan na Katawan.

Ezekiel 8:18

Nalikna ra so biskeg na pasnuk ko. Ag ko ra pirdonaen odino kasian. Anggan oneyaeyag iran onkerew ed siak na tulong, ag ko ra dengelen.

Ezekiel 7:9

Ag ta kayo pirdonaen odino kasian. Dusaen ta kayo lapud saray makapaingungot a ginagawa yo, pian naamtaan yo a siak so Katawan tan siak so manudusad sikayo.

Ezekiel 7:4

Ag ta ka pirdonaen odino kasian. Dusaen ta ka lapud saray makapaingungot a ginagawam, pian naamtaan mo a siak so Katawan.

Ezekiel 5:11

Ontan sirin, legan a mabilay ak a Diossikato yay salita na Katawan a Diosandi-panangasiy pangipolisay kod sikayo lapud dinotakan yoy Timplok diad panamegley na saray kaogsan tan makapaingungot a ginagawa to.

Jeremias 21:7

Balet sika, saray opisyal mo, tan saray totoon ag inatey ed bakal, eras, tan salot et ipadakep ta kayon amin ed Ari Nabucodonosor tan saray kalaban yo a malabay a mamatey ed sikayo. Papatey to kayo nen Nabucodonosor. Anggapoy ikera tod sikayo; ag to kasian odino abageyen so siopaman ed sikayo. Siak, say Katawan, so nansalita.

Jeremias 13:14

Insan ko ra panbabasigan a singa saray garapon, matakken may malangwer. Ag nabaat na abagey, panangaro, odino panangasi so pamatey kod sikara.

Jeremias 5:10

Ibakik iray kalaban ta batangen da ray kaubasan da, balet aliwan sigput so paneral dad sikara. Ibagak ed sikara ya ekalen da ray sanga-sanga ta ag ko kayaryan ira man a sanga-sanga.

Isaias 47:6

Akapasnuk ak ed saray totook; impasen kon ag ko la ra kayaryan: Impasilong ko rad pakayarim, et ag mo ra kinasian; anggan saray mamatakken pinairap mo ran tuloy.

Isaias 27:11

Amagaan iray sanga na saray kiew tan apoter-poter ira; saray bibii aalaen da ra yan itongo. Lapud anggapoy atalusan na saray totoo, ag ira a bageyen o kasian na Dios a Manamalsa ra.

Isaias 23:9

Say Katawan a Makapanyarin-amin so angiplano. Implano to ya, pian napatonda toy panagpaatagey da ray taga Tiro ed saray agawgawaan da tan ontan met pian napaabeba to ray gagalangen dan totoo.

Say Libro nen Job 2:3

Tinepet na Katawan, Naimanom si aripen kon Job? Anggapoy miparad sikato. Anggapoy pakabalawan ed sikato, matonung, walay takot tod siak, tan aarawian toy kaogsan. Tinanggoyur mo ak ya abuloyan ta kan maneral ed sikato anggaman ya anggapoy makasengeg, balet matoor nin siansia.

Saray Salmo 74:7

Dineral tan pinoolan day Timplom; ag da pinagalangan so pasen a pangigagalangan ed sika.

Isaias 22:5

Sikato yay panaon na gunigon, katalo, tan gewgew ed Patar na Pasingayew, et say Katawan a Dios a Makapanyarin-amin so angyakar na saraya ed sikatayo. Ageba-geba ray padir na siudad tayo, tan makmakbaw ed kapokdulan so tawag na katoowan ya onkekerew na tulong.

Mikias 5:14

Igebak iray imahin nen diosan Asera ed dalin yo tan deralen ko ray siudad yo.

Deuteronomio 28:52

Dogpaan day amin a baley ed dalin ya iiter ed sikayo na Katawan a Dios yo, tan nageba ray atatagey a padir a panmamatalkan yo.

Deuteronomio 32:22

Onliub a singa apoy so pasnuk ko tan poolan toy amin a bengatlan walad tapew na dalin. Sabien toy daledalem na pasen a panayaaman da ray inaatey tan padapolen toy anggan saray letnegan na kapalandeyan.

Jeremias 19:15

a say Katawan a Makapanyarin-amin a Dios na Israel et inkuanto, Iyakar ko lad sayan siudad tan diad amin a kaliber-liber to ran baley iray amin a dusan imbagak a gawaen ko, lapud anawet so puso yo tan ag kayo ondengel ed ibabagak.