Saray Tagleey 1:6 - Maung a Balita Biblia

⁶ Say kagalangan na Jerusalem naandi la. Saray pangulo to singa ra saray ulsan makapkapoy lad eras, A ngalngali la naandiay biskeg legan ton ibabatikan iray umaanup.

Maung A Balita Biblia

⁶ Say kagalangan na Jerusalem naandi la. Saray pangulo to singa ra saray ulsan makapkapoy lad eras, A ngalngali la naandiay biskeg legan ton ibabatikan iray umaanup.

Saray Tagleey 1:6 Referans Kwoze

Ezekiel 24:25

Inkuan na Katawan, Natan, sika a toon ompatey, dengel moy ibagak. Ekalen kod sikara so Timplo ya ikikinon da tan pakaliliketan da; labalabay dan nengnengen tan laen. Ekalen ko met iray anak dan lalaki tan bibii.

Ezekiel 24:21

a salitaen ko yad sikayon Israelita: Ikikinon yoy biskeg na Timplo. Labalabay yon nengnengen tan laen, balet dotakan na Katawan. Napatey ed bakal iray malangwer nin kabyangay pamilya yon atilak ed Jerusalem.

Jeremias 52:13

Pinoolan toy Timplo, say palasio, tan saray kaabungan na amin a manonan totoo ed Jerusalem;

Jeremias 52:11

Insan to impasokit iray mata nen Sedekias tan impagolunggolungan to tan impaiyakar tod Babilonia. Nansiansian priso ed Babilonia si Sedekias ya anggad impatey to.

Jeremias 48:41

tan nadakep iray baley tan saray tirinsira. Diad satan ya agew ontakot a singa biin mampapasakit iray sondalo na Moab.

Jeremias 47:3

Narengel da ray kutdang na saray kabayo, say pampanaspas na saray karwahi, say tanul na pantetlek da ray dalig. Ag la pawilen na saray ama iray anak da; laoylaoy iray taklay da.

Jeremias 29:4

Say Katawan a Makapanyarin-amin a Dios na Israel kuantod saray amin a totoon inyabuloy ton nadakep nen Nabucodonosor diad Jerusalem tan inyakar to ran priso ed Babilonia:

Jeremias 13:18

Inkuan na Katawan ed siak, Ibagam ed ari tan say ina to ya onakseb iran manlapud trono ra, lapud naplag manlapud olo ra iray marakerakep a korona ra.

Isaias 12:6

Maneyag tan mankanta kayod liket, sikayon manayam ed Sion! Matalonggaring so masanton Dios na Israel, tan manaayam ed kawalaan da ray totoo to.

Isaias 4:5

Insan diad tagey na Palandey na Sion tan diad tagey na saray totoon nantitipon diman, ibaki na Katawan so lorem no agew, tan say asewek tan say marlang ya apoy no labi. Say kagalangan na Dios sakbungan tan iyagel toy intiron siudad.

Isaias 1:21

Say siudad a matoor nen saman et nagmaliw la natan a singa marotak a bii! Nen saman matonung a totoo iray manaayam diman; balet natan saray managpatey na totoo labat lay manaayam.

Saray Salmo 96:9

Dakmomo kayod arap na Masanton Katawan no omparontal, giwgiw kayod arap to, amin yon katoowan!

Saray Salmo 50:2

Say Dios onsisindag a manlapud Sion, say siudad a nagnap sa dakep to.

2 Saray Arari 19:21

Inkuan na Katawan, Elekan ka na siudad na Jerusalem, Senakerib, tan ludlureyen to ka.

Deuteronomio 32:30

Akin et tinalo na sakey a too so sanlibon totoo, tan duara so samplon libo? Say Katawan a Dios da et inkaindan to ra; say makapanyarin Dios da impalima to rad kalaban da.

Deuteronomio 28:25

Say Katawan ipatalo to kayod saray kalaban yo. Dogpaan yo rad sakey a dapag balet ibatikan yo rad amin a dapag, et diad ontan ontakot iray amin a katoowan ed intiron mundo no nanengneng day nagawad sikayo.

2 Saray Arari 25:4

abongaw na saray kalaban so padir na siudad. Anggaman a nilakob na saray taga Babilonia so siudad, akabatik ed labi so ari tan amin da ray sondalo na Juda. Dinmalan irad puirtan nanleetan na duaran padir ya asingger ed tanamanan na ari. Batik iran amaarap ed Patar na Jordan.

2 Saray Arari 25:5

Balet inosilan na saray sondalon taga Babilonia si Sedekias tan adakep da diad nipatar a pasen ya asingger ed Jerico; inkaindan na amin da ray sondalo to.