Saray Tagleey 1:12 - Maung a Balita Biblia

¹² Nengneng yo ak, eyag na siudad ed balang ondadalan. Anggapoy singa siak diad panliliknak na kairapan, Say kairapan ya impalikna na Katawan ed siak nen ampetang so olo to.

Maung A Balita Biblia

¹² “Nengneng yo ak,” eyag na siudad ed balang ondadalan. “Anggapoy singa siak diad panliliknak na kairapan, Say kairapan ya impalikna na Katawan ed siak nen ampetang so olo to.

Saray Tagleey 1:12 Referans Kwoze

Daniel 9:12

Ginawam so imbagam a gawaen mod sikami tan saray manoley mi. Ag miparad arum a siudad ed tapew na dalin so impanusam ed Jerusalem,

Jeremias 18:16

Ginawa ran makapataktakot yan dalin, a nabalaw ya anggad angga. Nataktakot ya amin iray ondalan, lapud saray nanengneng da; ipeyeng-peyeng day olo rad pankelaw da.

Mateo 24:21

Ta say baleg a kairapan ed satan a panaon et ag ni asalsali na totoo nanlapud impamalsay mundo ya anggad natan, tan ag met la naolit ya anggad kapigan.

Saray Tagleey 2:13

O Jerusalem, antoy nibagak? Panoy pakaligliwak ed sika? Anggapo niy nanirap a singa paniirap mo. Singa kaawang na dayat so inkaderal mo; siopay makapasimbalod sika?

Isaias 13:13

Diad agew a siak, say Katawan a Makapanyarin-amin, et ipanengneng koy pasnuk ko, yakayaken koy katawenan tan yegyegen koy mundo pian naekal ed pasen to.

Saray Salmo 88:16

Dedetdetan ak na mapalalon petang na olom; dederalen ak na saray makapataktakot a panagkabil mo.

Jeremias 4:8

Kanyan mansolung kayoy sako, mannangis tan manermen kayo, lapud ag nakal ed Juda so ontan lan sanuk na Katawan.

Jeremias 30:7

Onsasabi so sakey a makapataktakot ya agew; anggapoy agew a makapipara ed sikato sikatoy panaon a kagunigon na saray totook, balet nayarian dan agwantaan.

Jeremias 30:23

Sakey a bagyo so pasnuk na Katawan, sakey a mabiskeg a dagem ya ombasig ed tagey na olo na saray totoon maoges. Ag ontonda ya anggad nasumpal ya amin iray labay ton gawaen. Diad arapen iran agew natalutalusan ya na saray totoo to.

Jeremias 48:27

Moab, nanunotan mo no panoy impanluludlurey mod saray totood Israel? Impapasen mon kaolup ira na saray matakew, kanyan mameyeng-peyeng ka kapag nasalitam ira.

Saray Tagleey 1:18

Maptek so Katawan, ta sinumlang ko ray salita to. Dengel yo ak, totood inerman a pasen; nengneng yoy paniirap ko. Nalan priso iray tobun-balon bibii tan lalaki.

Joel 2:2

Sakey ya agew ya ambilonget tan maermen, sakey ya mayemyem tan malorem ya agew. Ondodogpa ray amayamay a dorun a singa ra bilonget ya onkokobut ed kapalandeyan. Ag ni agaway singa onya nen saman, tan ag yan balut nagawa ed arapen a panaon.

Jeremias 10:19

Inmeyag iray totood Jerusalem, Mapalaloy inkasugat mi! ag onabig iray sugat mi. Abaloan mi no nayarian mi yan itepel!

Saray Tagleey 2:1

Lapud pasnuk na Katawan, kinobutan to na bilonget so Sion. Impagmaliw na Katawan a bunton na deral-deral so mangatatawen ton kagalangan. Diad agew na pasnuk to inkaindan to so anggan Timplo to.