Saray Salmo 22:3 - Maung a Balita Biblia

³ Balet sika so Masanto ya akayorung ed trono, say dadayewen na Israel.

Maung A Balita Biblia

³ Balet sika so Masanto ya akayorung ed trono, say dadayewen na Israel.

Saray Salmo 22:3 Referans Kwoze

Saray Salmo 50:23

Say pisasalamat so bagat a mangigagalang ed siak, tan andi-saew ya ilaban kon amin iray mangoonur ed siak.

Deuteronomio 10:21

Idayew yosikatoy Dios yo, tan anengneng na dilin mata yo iray ankakabaleg tan makapakelkelaw a ginagawa ton para sikayo.

Isaias 6:3

Mantatawagan ira: Masanto, masanto masanto! Masanto so Katawan a Makapanyarin-amin! Say sankamundoan napno na kagalangan to.

Puyan 4:8

Sanaanem na payak ira may apatiran mabilay a pinalsa, tan diad paway tan dalem na payak, napno ray mata. Anggapoy tonda so pangakanta ra ed agew tan labi: Masanto, masanto, masanto so Katawan a Dios a Makapanyarinamin, say Dios nen saman, natan, tan say onsabi.

Saray Salmo 99:9

Idayew yoy Katawan a Dios tayo, tan igalang yo ed masanton palandey to! Masanto so Katawan a Dios tayo!

Saray Salmo 65:1

O Dios, manepeg a dayewen mi ka ed Sion tan sumpalen mi ray sipan mid sika,

Saray Salmo 145:17

Say Katawan matonung ed amin a gagawaen to, tan mapangasid amin a kimey to.

Say Libro nen Job 19:7

Manririklamo ak ed inkaruksa to, balet anggapoy onderengel; anggapoy onderengel ed ikekerew koy katunongan.

Say Libro nen Job 30:20

Ontatawag ak ed sika, O Dios, balet ag mo ak ebatan; no mampikasi ak ag mo ak asikasoen.

Saray Salmo 88:2

Dengel mo pay pikakasik; talineng mo pay pikekerew ko na tulong!

Habacuc 1:2

O Katawan, anggad kapigay nepeg kon ikerew na tulong kasakbayay idengel mo, kasakbayay pangilaban mod sikamid panagduksa?