Saray Salmo 102:3 - Maung a Balita Biblia

³ Nanaandipat a singa asewek so bilay ko; ondadalang a singa apoy so laman ko.

Maung A Balita Biblia

³ Nanaandipat a singa asewek so bilay ko; ondadalang a singa apoy so laman ko.

Saray Salmo 102:3 Referans Kwoze

Santiago 4:14

Ag yo anggan amtay kipapasey bilay yo nabwas! Say bilay singa kelpa, a wala natan balet nanagonuyan naandipat la.

Saray Tagleey 1:13

Manlapud tagey angipelag na apoy tan pinoolan toy dalem ko. Pinatitan to ak, et nipatumba ak. Insan to ak inkaindan, tan tinaynan to ak a nanairapan.

Saray Salmo 37:20

Balet ompatey iray totoon maoges, naandipat a singa rosas a balang iray kalaban na Katawan; naandipat iran singa asewek.

Say Libro nen Job 30:30

Nagmaliw ya andeket so baog ko; napopoolan ed kapepetang ko.

Saray Salmo 31:10

Naknaksawan ak la lapud ermen, tan pinatikey la na kakaakis so bilay ko. Makapkapoy ak la lapud saray gunigon ko; onkakalug met la ray pokel ko.

Saray Tagleey 3:4

Sinusugat to ak ya anggad pinmapaway so laman ko, tan pinopoter to ray pokel ko.

Saray Salmo 119:83

Andi-kakanaan ak a singa imbantak a supot a katat a pananginay alak; anggaman ontan ag ko lilingwanan iray ganggan mo.

Saray Salmo 38:3

Lapud petang na olom, agay lay paniirap ko; lapud saray kasalanan ko mansasakit so intiron laman ko.

Saray Salmo 27:9

Ag mo ak pa iyaamutan! Ag mo ak pa pamapasnukan; ag mo ak pa ipopolisay. Sikay mananulong ko; ag mo ak pa tataynan, ag mo ak pa ikakaindan, O Dios a manangilaban ko!

Saray Salmo 31:3

Sikay salimbengan ko tan say tirinsirak; iwanwan tan itonton mo ak pa onung na insipan mo.