Saray Salmo 10:4 - Maung a Balita Biblia

⁴ Say toon maoges ag to ikabkabilangan so Katawan; lapud panagpaatagey to iisipen ton singa anggapoy Dios.

Maung A Balita Biblia

⁴ Say toon maoges ag to ikabkabilangan so Katawan; lapud panagpaatagey to iisipen ton singa anggapoy Dios.

Saray Salmo 10:4 Referans Kwoze

Saray Taga Roma 1:28

Lapud saray totoo et ag da labay a kabaten so Dios, pinaolyan to ra ed maoges iran kanunotan da, kanyan gagawaen day ag manepeg iran gawa.

Saray Gawgawa 8:22

Magbabawi ka sirin tan ibeneg mo yan maoges a pilalek mo, tan mampikasi kad Katawan a pirdonaen to ka.

Genesis 6:5

Nen anengneng na Katawan so ontan lan kaogsan na amin a totoo ed tapew na dalin, say ontan lan kinaoges lawas na kanunotan da,

Saray Taga Roma 1:21

Anggaman a kabat da lay Dios, ag da inggalang a Dios odino akisalamatan. Ingen, andikakanaan so kanunotan da tan abilongetan so ag makatalus ya otek da.

Isaias 65:2

Sipaparaan ak lawas a mangawat ed saray totook ya anawet so olo ra tan itutuloy day manggaway makapoy tan mangonur ed dilin labay da.

Saray Salmo 53:1

Saray makulang-kulang a totoo kuandad sikaran dili, Anggapoy Dios! Maoges ira tan makapataktakot iray ginagawa ra; anggapoy anggan sakey a toon manggagaway kamaungan.

Say Libro nen Job 22:17

Sikara yay totoon angipolisay ed Dios tan inisip dan anggapoy nagawaan tod sikara.

Deuteronomio 8:14

manalwar kayo ta ompan magmaliw kayon mapaatagey tan nalingwanan yoy Katawan a Dios yo ya angipaway ed sikayod Egipto ya akaaripenan yo.

Exodo 5:2

Inmebat so ari, Siopa so Katawan? Akin et ondengel ak ed sikato tan abuloyan kon ontaynan iray Israelita? Ag ko kabat itan a Katawan, tan ag ko abuloyan ya ontaynan iray Israelita.

TAGA-EFESO 2:12

Nunot yon asian kid Cristo ed saman a panaon, aliwa kayon kabyangay baley na Israel, tan anggapoy pinanabang yod saray sipanan a niletneg ed saray sipay Dios ed saray totoo to. Mambibilay kid saman ya anggapoy ilalo tan anggapoy Dios.

Marcos 7:21

Ta manlapud otel na pusoy too iray maoges a kanunotan, pilalawanan, panagtakew, panagpatey,

Sofonias 2:3

Singger kayod Katawan, amin yon mapaabeban totoo ed bansa, sikayon manusumpal na saray ganggan to. Manggawa kayo na kaptekan, tan mampaabeba kayo ed arap na Katawan. Angangko napaliisan yoy dusa no agew ya idapo na Katawan so pasnuk to.

Jeremias 4:14

Jerusalem, ekalan moy kaogsan so pusom, pian nagamuran moy kilalaban. Kapigan mangangga so pannununot moy kaogsan?

Jeremias 2:31

Dengel kayod ibagak, amin yon totood Israel. Nagmaliw ak ta a singa kalawakan ed sikayo odino singa dalin ya ambilonget tan walay kaatapan? Akin sirin, totook, et ibabaga yon gawaen yoy labay yo, tan ag kayo la ompawil ed siak?

Isaias 59:7

Maoges lawas iray plano yo, tan agaylay siglat yon manumpal. Bengat-bengat kayon mamapatey na saray totoon anggapoy kasalanan. Deral tan bagbag so ititilak yo ed inerman a laen yo,

Isaias 3:9

Nisingil ed sikara so panaglabi ra. Maparontal iran mankakasalanan a singa impankasalanan na saray totood Sodoma. Pangaskasiyan ira. Sikara met ni lamlamang so nanlapwan na pakadusa ra.

Isaias 2:11

Onsabiy agew a mansamput so panagpaatagey na too tan naderal so panagpasirayew na amin a katoowan. Insan say Katawan labat so nitanduro ed satan.

Probirbio 30:13

Wala ray totoon ipapasen day sikaran dili a maumaungon, abaloan dan ontan lay kamaung da!

Probirbio 30:9

Ta no daakan so kakanen ko, ompan ibagak ya ag ta ka nakaukolan. Balet no mairap so bilay ko, ompan mantakew ak, et nipelag kod kababaingan so Dios ko.

Probirbio 21:4

Say panagpaatagey tan say ag pangitaltalek so manooley ed saray totoon maoges; saya et kasalanan.

Saray Salmo 101:5

Paarawien koy siopaman a beneg-benegan a mamapaoges ed kapara ton too; ag ko anosan so too a mapaatagey tan malastug.

Saray Salmo 36:1

Say kasalanan mansasalita ed otel na pusoy toon maoges; ipopolisay toy Dios tan ag to igagalang.

Saray Salmo 27:8

Nen kuanmo, Dago kayod siak, immebat ak, Ondago ak ed sika, Katawan.

Saray Salmo 18:27

Iyaagel mo ray totoon mauyamo, balet papaabebaen mo ray mapaatagey.

Saray Salmo 73:11

Kuanda, Ag naamtaan na Dios, ag nakabatan na Sankatageyan.

Ecclesiastes 8:11

Akin et maininomay a manggaway kaogsan iray totoo? Lapud ag nadudusan tampol so kaogsan.

Sofonias 1:12

Diad satan a panaon mangala ak na lamparaan, ta sokimaten koy Jerusalem. Dusaen ko ray totoon singa ag ompatepatey tan mataletalek a kuandad sikaran dili, Ag manggawa na maung odino maoges so Katawan.