Saray Hebreo 4:1 - Maung a Balita Biblia

¹ Natan ta insipay Dios a makapampainawa tayo, nakaukolan a manalwar tayo ta ompan walad sikayoy ag makagamur ed satan a sipan.

Maung A Balita Biblia

¹ Natan ta insipay Dios a makapampainawa tayo, nakaukolan a manalwar tayo ta ompan walad sikayoy ag makagamur ed satan a sipan.

Saray Hebreo 4:1 Referans Kwoze

Saray Hebreo 12:15

Manalwar kayo, ta ompan walad sikayoy benegan toy baleg a panangaro na Dios. Manalwar kayo, ta ompan walad sikayoy magmaliw a singa ampait a tanaman ya ontubo tan mansamal ed saray amayamay.

Saray Hebreo 4:11

Kanyan gawaen tayoy anggaay nayarian tayo a makapampainawa onung na insipay Dios. Ag tayo nepeg ya aligen ira may sinmumlang, kanyan ag ira akaloob.

Saray Hebreo 4:9

Kanyan wala ni sirin so agew a panagpainawa a nakdaan para saray totooy Dios, a singa impampainaway Dios diad kumapiton agew.

Probirbio 28:14

Toluk mo lawas so Katawan, et magmaliw kan maliket. No anawet so olom naderal ka.

Saray Hebreo 13:7

Nunot yo ray inmoonan pangulo yo a nampulong ed sikayoy salita na Dios. Nunot yo no antoy nansumpalay bilay da, tan alig yoy pananisia ra.

2 Timoteo 2:13

No aliwa tayon matoor, sikato nin siansia so matoor, ta ag to nibori so sikaton dili.

1 CORINTO 10:12

Kanyan manalwar so siopaman ya abaloan ton akaalagey, ta ompan natumba.

Saray Taga Roma 11:20

On, tua tay kuanmo. Apoter ira, ta ag ira anisia; nisoldung ka, ta manisia ka. Kanyan ag ka mampapaatagey; ontakot ka ingen.

Saray Taga Roma 3:23

nankasalanan ya amin iray katoowan tan ag ira manepeg ed pakanengneng na Dios.

Jeremias 32:40

Misipanan ak na andi-anggaan ed sikara. Ag ak ontondan manggaway kamaungan ed sikara, tan pagmaliwen ko ran ontakot ed siak diad intiron puso ra, pian ag da ak lan balut benegan.

Saray Bilang 14:34

Apataploy taon a manirap kayo lapud kasalanan yo; sakey taon so kasimbang na balang sanagew na samay apataploy agew ya impannengneng yod samay dalin. Naamtaan yod satan so kabaliksan na pasnuk kod sikayo!

Saray Hebreo 12:25

Manalwar kayo, sirin, tan ag yo ipopolisay a dengelen so mansasalita. Ag akaliktar iray ag dinmengel ed pamasakbay na mansasalita diad tapew na dalin. Lautla sirin ya ag tayo naliktaray dusa, no ag tayo dengeley pamasakbay na mansasalita diad tawen!

Saray Hebreo 3:11

Diad pasnuk ko, insambak ira, Ag iran balut makaloob ed dalin a pangiteran ko komun ed sikaray inawa.

Probirbio 14:16

Saray totoon walay pakatalus maalwar ira tan nibatikan day gunigon, balet saray totoon makulang-kulang sagpasagpa rad antokaman a gawaen da.

1 Samuel 2:30

Siak, say Katawan a Dios na Israel, insipan ko nen saman a say pamilyam tan saray kabyangay boleg mo et anggad anggan manlingkur iran papari ed siak. Balet ibabagak natan ya ag ko la sumpalen! Ingen, pagalangan ko ray mamagalang ed siak, balet lemlemewen ko ray mambalaw ed siak.

Mateo 24:48

Balet no maoges yan aripen ikuantod sikaton dili, Mabayag nin onsabiy amok!

Saray Gawgawa 3:19

Kanyan magbabawi kayo la tan pawil kayo lad Dios, pian naponas iray kasalanan yo,

2 CORINTO 6:1

Ontutulong kamid kimey na Dios, kanyan kekerewen mid sikayo ya ag yo dadaraken so baleg a panangaron inawat yod sikato.

TAGA GALACIA 5:4

Sikayon mampipilalek a magmaliw a matonung ed arap na Dios diad panamegley na panangonur ed Ganggan et nisian kayod Cristo tan wala kayod paway na baleg a panangaroy Dios.