Saray Gawgawa 5:2 - Maung a Balita Biblia

² Binawasan nen Ananias so kuartan nanlakoan da, tan amta met ya nen asawa to. Kulang sirin so inter dad saray apostol.

Maung A Balita Biblia

² Binawasan nen Ananias so kuartan nanlakoan da, tan amta met ya nen asawa to. Kulang sirin so inter dad saray apostol.

Saray Gawgawa 5:2 Referans Kwoze

Saray Gawgawa 4:37

Inlako toy dalin to tan inter tod saray apostol so nanlakoan to.

Saray Gawgawa 5:3

Kanyan inkuanen Pedro, Ananias, akin et impaoleyan moy pusom ed Satanas a pantilaen to kad Ispiritu Santo? Akin et binawasan moy kuartan inter mo?

Juan 12:6

Inkuanto ya, aliwan lapud panangasi tod saray mairapbilay, no ag ingen lapud sikato et matakew. Sikatoy managegnay kuarta et angaala na natitipon.

Mateo 23:5

Labay da labat ya ipanengneng ed saray totoo iray amin a gagawaen da. Nengneng yoy kakabaleg na pilaktiria a pangiinan day bersikuloy Masanton Sulat ed muling da! Nengneng yo met so ontan lan karokey na palagaygay na kawes da!

Malakias 1:14

Sakey a samba lalaingen so niiter ed masaol a mangibabagat ed siak na andi-kakanaan ya ayep, anta walay marakep ya ayep ed saray kokomponien to ya insipan ton iter ed siak! Lapud sakey ak a matalonggaring ya ari, tan tatakotan ak na saray totood amin a bansa.

1 Timoteo 6:10

Ta say panangarod kuarta et lamut na amin a kaogsan. Wala ray nampipilalek a makatipoy kayamanan et sikato yay makasengeg na inarawian dad pananisia, tan adoyuk-doyuk so puso ra na amayamay a kaermenan.

FILIPOS 2:3

Ag kayo manggagaway antokaman lapu labat ed siblet yo o lapud labay yoy mampasirayew; mampaabeba kayo ingen tan ipasen yo ray arum a totoo a maung ira nen say sikayon dili.

Saray Gawgawa 2:44

Malet so olupan da ray mananisia, tan nannanabangan day kayaryay balang sakey.

Saray Gawgawa 5:1

Wala met iray sanasawa ya angilakoy dalin da. Ananias so ngaray laki tan Safira so ngaray bii.

Saray Gawgawa 5:8

Tinepet nen Pedro ed sikato, Ibagam pad siak, saya labat so nanlakoan yoy dalin? On, ebat to, saya labat.