Saray Bilang 34:2 - Maung a Balita Biblia

² iray onggendan a bilin ed saray totood Israel: No onloob kayod Canaan, say dalin ya iter kod sikayo, saray ketegan na dalin et saray onggendan.

Maung A Balita Biblia

² iray onggendan a bilin ed saray totood Israel: “No onloob kayod Canaan, say dalin ya iter kod sikayo, saray ketegan na dalin et saray onggendan.

Saray Bilang 34:2 Referans Kwoze

Genesis 17:8

Sangkaili kayo natan ed sayan dalin a panaayaman yo; iter ko yan dalin ed sika tan saray kabyangay boleg mo. Say intiron dalin na Canaan kayaryanen ya anggad angga na saray kabyangay boleg mo, tan siak so Dios da.

Saray Salmo 105:11

Iter kod sikay dalin na Canaan, inkuanto. Sikatoy tawiren mo.

TAGA-EFESO 1:18

Ipipikasik a naliwawaan komuy kanunotan yo pian naamtaan yo no antoy ilalon impanawagan tod sikayo, no panoy kayaman na makapakelaw iran bindision ya insipan ton ipatawir ed saray totoo to,

TAGA-EFESO 1:14

Say Ispiritu so kaletan ya awaten tayo so insipay Dios ed saray totoo to, tan impailalo to a say Dios itdan toy nagnap a kawayangan iray totoon kayaryan to. Itanduro tayoy kagalangan na Dios!

Saray Gawgawa 26:18

Ibaki ta kad sarayan totoo a mangilokas na saray mata ra, mamaasingger ed sikarad liwawa manlapud bilonget, mamaasingger ed sikarad Dios manlapud pakayari nen Satanas! Diad panamegley na pananisia rad siak, napirdona ray kasalanan da tan makapibiang irad saray totoon piniliy Dios!

Saray Gawgawa 17:26

Manlapud saksakey a too, pinalsa toy katoowan ed amin a bansa tan impanayam to ra diad tapew na dalin. Sikaton diliy angigana ed saray panaon tan saray ketegan na panayaman da.

Ezekiel 47:14

Sinambaan kod saray lalaki yo ya iter kod sikara yan dalin; pampapara yoy pangapag yod sikayon dili.

Jeremias 3:19

Say Katawan kuanto, Israel, nilabay ko ya awaten ta kan anak, tan itdan ta ka na makapaliket a dalin, say sankaabigan a dalin ed intiron mundo. Nilabay ko a tawagen mo ak na ama, tan ag mo ak la ikaindan.

Genesis 10:19

Say nasasakopan dan dalin, manlapud Sidon, et nampaabalaten ya anggad Gerar, diad abay na Gaza, tan nampabokig ya anggad Sodoma, Gomorra, Adma, tan Zeboim, diad abay na Lasa.

Saray Bilang 34:1

Say Katawan inter tod kinen Moises

Ezekiel 47:13

Say Katawan a Dios inkuanto, Sikara yay ketegan na dalin ya apagen na labinduan tribu; say tribu nen Jose et awaten to so duaran apag.

Exodo 23:31

Ipasabik iray ketegan na dalin yo manlapud Dayat ya Akaba ya anggad Ilog na Eufrates, tan manlapud Dayat na Mediteraneo ya anggad kalawakan. Paoleyan kod sikayo ray amin a totoon manaayam ed dalin na Canaan tan pagiten yo ra legan na pankukurang yo.

Josue 11:23

Adakep nen Josue so intiron dalin, onung na ingganggan na Katawan ed kinen Moises. Inter nen Josue so dalin ed saray Israelita; inaapag tod balang tribu. Tinmonda ray bakal kanyan nainawaan iray totood Israel.

Josue 13:1

Masikesiken la natan si Josue. Say Katawan kuantod sikato, Masikesiken ka la, balet maawang niy dalin a sasakopen ni:

Josue 21:43

Kanyan say Katawan inter tod Israel so intiron dalin a sinambaan ton iter ed saray lalaki ra. Nen akayaryan da lay dalin, nanayam irad man.