Saray Bilang 23:24 - Maung a Balita Biblia

²⁴ Say bansan Israel et singa masebeg a lion: Ag mandeen anggad abuag to lay narel to, Anggad nainom to lay dala na apatey to.

Maung A Balita Biblia

²⁴ Say bansan Israel et singa masebeg a lion: Ag mandeen anggad abuag to lay narel to, Anggad nainom to lay dala na apatey to.”

Saray Bilang 23:24 Referans Kwoze

Genesis 49:9

Si Juda et singa lion. Papateyen to ray labay ton pateyen, insan ompapawil ed balaung to. Maninat-inat tan mandokul-dokul. Anggapoy makakpel a manigensigen ed sikato.

Genesis 49:27

Si Benjamin et singa sakey a maruksan asod katakelan. Agew-labin mamangakan na napapatey to.

Puyan 5:5

Insan inkuan ed siak na sakey ed saramay mamatakken: Ag ka onaakis. Nengneng mo! Say Lion a kabyangay tribu nen Juda, say matalonggaring a kabyangay boleg nen David, et analo la tan walay kanepegan ton mangekal na pitoran timbri tan mangilokas ed babasaen a nilokut.

Zacarias 12:6

Diad satan a panaon pagmaliwen ko ray boleg na Juda a singa ra pool ed sakey a takel odino diad sakey ya alog ya aaniyen la ray bungay tanaman toderalen da ray amin a bansa ed kaliber-liber. Mansiansian arawid kaatapan ed dalem na siudad iray totood Jerusalem.

Saray Bilang 24:17

Sankanengneng ko so arapen a panaon, Et na nengneng ko so bansa na Israel. Walay sakey ya arin singa maliwawan bitewen ya onletaw ed sayan bansa. Singa sakey a komita a manlapud Israel. Kabilen to ray pangulo na Moab Tan tumbaen to ray amin a totoo na Set.

Nahum 2:11

Iner so kawalaan natan na samay siudad a nen saman et singa balaung na saray lion, say pasen a pangakanan da ray anak na lion, a dimay lalaen na lion a kalakyan tan kabatyan ya arawid kaatapan iray anak dan angkelag.

Amos 3:8

No ongwam so lion, siopay ag ontakot? No mansalita so Katawan a Dios, siopay makapangitepel ya ag to ibawag so salitay Dios?

Daniel 2:44

Diad panaon da raman a manoley say Dios na tawen mangiletneg na panarian ya ag balut mangangga. Ag balut nadakep yan panarian, no ag ingen sigput ton deralen ya amin ira man ya impirio, insan mansiansia ya anggad angga.

Isaias 31:4

Inkuan na Katawan ed siak, Anggan panon so paningal tan paneyag na saray pastol, ag da napatakot so lion pian arawian toy pinatey ton ayep; ontan met, anggapoy makabanod siak ed pangyagel kod Palandey na Sion, siak a Katawan a Makapanyarin-amin.

Probirbio 30:30

saray lion, sankabiskegan irad amin ya ayayep tan anggapoy tatakotan da;

Saray Salmo 17:12

Singa ra lion a mantatalaran ed siak, tan pampilalekan dan nabingbingkas ak.

Deuteronomio 33:20

Nipaakar ed tribu nen Gad inkuanto: Nagalang so Dios ya amaawang na dalin da ray kabyangay tribu nen Gad. Mantatalaran iran singa lion, Mantatalaran na bingbingkasen dan taklay odino tapak-tapak na olo.

Saray Bilang 23:25

Insan si Balak kuantod kinen Balaam, No ag mo ra labay ya isamba, ag mo met sirin ira bibindisionan!

Nahum 2:12

Pinatey na lion so narel ton ayep tan biningbingkas ton kanen na asawa to tan saray anak ton ankelag; pinano to na abingbingkas a laman so balaung to.

2 Saray Awaran 9:18

Anemiray balitang to yan trono tan walay apakan na sali ya inokupan na balituk. Diad diking na balang panangitapeway lima walay kinortin akaalagey a lion.