Saray Bilang 22:32 - Maung a Balita Biblia

³² Inkuanto may anghil, Akin et amitlom a pinekpek yay asnom? Linma ak diad mamaat na kurang mo, lapud ag ka nepeg a mila.

Maung A Balita Biblia

³² Inkuanto may anghil, “Akin et amitlom a pinekpek yay asnom? Linma ak diad mamaat na kurang mo, lapud ag ka nepeg a mila.

Saray Bilang 22:32 Referans Kwoze

Saray Gawgawa 13:10

tan inkuanto, Sika ya anak na Diablo! Kalaban moy amin a kamaungan, tan napno kay amin a panamalingo tan kaogsan! Akin et pipikeweten mo ray katwaan a nipaakar ed Katawan?

Probirbio 28:18

Mambilay kan maptek, et arawi kad kaatapan. No pikewet so panagbilay mo, bigla kan napelag.

Saray Bilang 22:22

Akapasnuk so Dios ta mimilay Balaam ed saramay pangulo. Nen mangabkabayo si Balaam ed asno to a kaolup na duaran aripen to, nanalagey ed dalan so anghil na Katawan ta sinaraan to so dalan nen Balaam.

Probirbio 28:6

Magmaung niy toon mairap-bilay a maptek so kabibilay to nen say mayaman a maoges so kabibilay to.

Probirbio 14:2

Mambilay kan matwa, et ipapanengneng mon walay panamagalang mod Katawan; mambilay kan maoges, et ipapanengneng mon anggapoy panamagalang mod Katawan.

Mikias 6:5

Totook, nunot yo may ginetman gawaen ed sikayo nen Ari Balak na Moab tan samay inebat ed sikato nen Balaam a lakin anak nen Beor. Nunot yo may agawad dalan a manlapud kampo ed Acacia ya anggad Gilgal. Nunot yo ra yan agawgawa, et nabirbir yon ginagawak ira diad impanyagel kod sikayo.

Jonas 4:11

Siak ni kasiy ag mangasi ed Ninive amta balbaleg a siudad, tan walaan na sanlasus tan duamplon libo ya anggapoy amtan ogogaw, likud ed saray amayamay ya ayayep?

Saray Salmo 147:9

Iiter toy tagano da ray ayayep tan papakanen to ray sibong na wawak no ontawag ira.

Saray Salmo 145:9

Sikatoy maung ed amin a too tan mapangasi ed amin a pinalsa to.

Saray Salmo 36:6

Say inkatonung mo et atagey a singa saray kapalandeyan, say kaptekan mo et singa kaaralem na dayat. Sika, Katawan, so mangaasikasod saray katoowan tan saray ayayep.

Deuteronomio 25:4

Ag yo babalongosan so baka no paniiliken yo.

Deuteronomio 23:4

Ag da kayo initdan na kanen tan inomen nen mankukurang kayo a nanlapud Egipto, tan inupaan day Balaam a lakin anak nen Beor, tan taga siudad na Petor na Mesopotamia, ya isamba to kayo.

Saray Bilang 22:35

Balet inkuan na samay anghil, Mila kad sarayan totoo, balet salitam labat so paibagak ed sika. Kanyan intuloy nen Balaam so akilad sikara.

Saray Bilang 22:28

Insan say Katawan initdan to na pakayarin makasalita imay asno, tan kuantod kinen Balaam, Antoy ginawak ed sika? Akin et pinekpek mo ak ya amitlo?

Saray Bilang 22:20

Diad saman a labi say Dios linmad kinen Balaam tan kuanto, No sarayan lalaki et kerewen dan mila kad sikara, mamparaan kan mila, balet gawam labat so ibagak ed sika.

Saray Bilang 22:33

Balet anengneng ak na asnom kanyan amitlon sinmipad dalan. No ag sinmipad dalan apatey ta ka la tan inabuloyan kon nambilay so asnom.

Probirbio 16:2

Nayarin abaloan mo a maptek ya amin so gagawaen mo, balet say Katawan sisintinsiaan to ray gagalam.