Saray Bilang 21:16 - Maung a Balita Biblia

¹⁶ Manlapud man linma ra ed sakey a pasen a tatawagen na Beer a kabaliksan toy bobun a diman inkuan na KATAWAN ed kinen Moises, Pantitipon mo ray totoo, ta itdan ko ra na danum.

Maung A Balita Biblia

¹⁶ Manlapud man linma ra ed sakey a pasen a tatawagen na Beer a kabaliksan toy bobun a diman inkuan na Katawan ed kinen Moises, “Pantitipon mo ray totoo, ta itdan ko ra na danum.”

Saray Bilang 21:16 Referans Kwoze

Saray Bilang 20:8

Alam imay baston a walad arap na Kaban na Sipanan, insan yo pantitiponen nen Aaron iray amin a totoo. Diad arap dan amin mansalita ka ed baton-dampay a wadman, et ompaway diman so danum. Diad ontan napapaway mod samay baton dampay so danum ya inomen na saray totoo tan saray ayayep da.

Isaias 12:3

Onung a say ambetel a danum et mangiiter na liket ed saray totoon napgaan, ontan met a saray totoo na Dios et manliket ira no ilaban to ra.

Puyan 22:17

Inkuan na Ispiritu tan say Nobia, Gala dia! Nepeg ya amin da ray makadngel ed saya ikuanda met, Gala dia! Siopamay napgaan onasingger; siopamay malabay, mangala na anggapoy bayar a danum na bilay.

Puyan 22:1

Samay anghil impanengneng to met ed siak so ilog na danum na bilay. Malinew a singa kristal so danum ton manlalapud tronoy Dios tan say Kordiro,

Puyan 21:6

Inkuanto nid siak, Asumpal la! Siak so Alpha tan say Omega, say gapo tan say samput. Siopamay napgaan itdan ko na anggapoy bayar a danum a manlapud sobul na danum na bilay.

Isaias 43:20

Igalang ak na anggan saray ayayep ed katakelan; idayew ak na saray asod katakelan tan saray abistrus no saray ilog et paagosen kod kalawakan, pian naitdan na danum iray totook a pinilik.

Saray Huis 9:21

Lapud antakot nen Jotam si agi ton Abimelec, batik tan nanayam ed Beer.

Exodo 17:6

Manalagey ak ed arap mo diad tapew na sakey a baton-dampay ed palandey na Sinai. Pekpek mo so baton-dampay, et ompaway diman so danum ya inomen na saray totoo. Ginawa nen Moises imay imbaga na Katawan diad arapan na saramay pangulo na Israel.

Juan 4:14

balet ag lan balut naapgaan so siopaman ya oninom na danum, ya iter ko. Ta say danum ya iter kod sikato magmaliw a sobul ed loob to a mangiter ed sikatoy mabilay a danum tan bilay ya andi-anggaan.

Juan 4:10

Inmebat si Jesus, No amtam labat so iter na Dios tan no kabat mo no siopay mikekerew ed sika na inomen, miala kad sikato angangko et itdan to kay mabilay a danum.

Isaias 49:10

ag iran balut naerasan odino naapgaan. Ag ira napasakitan na petang na agew tan makasinit a dagem, ta iwanwan ira na samay maarod sikara. Iwanwan to rad abay na sobul na danum.

Genesis 21:19

Inlokas na Dios iray mata nen Agar, et anengneng toy sakey a bobun. Linma tan pinano toy danum imay katat a supot, insan to pinainom imay ogaw.

Isaias 15:8

Narerengel so panakakis ed anggan iner a pasen ed saray ketegan na Moab. Narerengel ed saray baley na Eglaim tan Beer-elim.