Saray Bilang 20:5 - Maung a Balita Biblia

⁵ Akin et impaway yo kamin manlapud Egipto pian niakar yo kami diad sayan makapasinagem a pasen ya anggapoy ontubon tanaman? Anggapo diay trigo, igos, ubas, granada. Anggapoy anggad danum a nainom!

Maung A Balita Biblia

⁵ Akin et impaway yo kamin manlapud Egipto pian niakar yo kami diad sayan makapasinagem a pasen ya anggapoy ontubon tanaman? Anggapo diay trigo, igos, ubas, granada. Anggapoy anggad danum a nainom!”

Saray Bilang 20:5 Referans Kwoze

Saray Bilang 16:14

Talagan ag mo kami inyakar ed mataban dalin odino initdan na kaalogan tan kaubasan, et natan labay mo kami nin palikdoen. Ag kami ondago!

Ezekiel 20:36

Dusaen ta kayo natan a singa samay impanusak ed saray lalaki yo diad Kalawakan na Sinai, kuay Katawan a Dios.

Jeremias 2:6

Inekal da ak lad kanunotan da, anggaman a siak so angyagel ed sikarad Egipto tan angiwanwan ed sikarad kalawakan: sakey a dalin na kalawakan tan kaabutan, sakey a dalin ya amaga tan walay kaatapan, sakey a dalin ya anggapoy ondadalan tan anggapoy anggan manayam.

Jeremias 2:2

ipulong kod balang sakey a too ed Jerusalem yan salita to: Nanununotan ko no panoy katooran mo nen wala ka nid kalangweran, no panoy impangarom ed siak nen kapankasal ta; tinotombuk mo ak ed kalawakan, diad dalin ya ag nin balut ataneman.

Nehemias 9:21

Diad apataploy taon ya impanayam dad kalawakan initdan mo ray amin a nakaukolan da; ag balut dinmaan so kawes da, tan ag linmarag ed sakit so sali ra.

Deuteronomio 8:15

Inwanwan to kayon binmeltang ed samay maawang tan makapataktakot a kalawakan a kawalaan na saray nanditan oleg tan alakdan. Diad saman ya amaga tan anggapoy danum a dalin pinapaway tod baton dampay so danum a para sikayo.

Saray Bilang 20:24

Ag makaloob si Aaron ed dalin ya insipan kon iter ed Israel; ompatey la lapud sinumlang yon dua so ganggan ko dimad Meriba.

Saray Bilang 27:14

lapud sinumlang yon dua so ganggan ko diad kalawakan na Zin. Nen nanriklamon amin iray Israelita sumpad siak diad Meriba, ag yo binirbir so masanton pakayarik ed arap da. (Say Meriba et sikatoy sobul dimad Cades diad kalawakan na Zin.)