Saray Bilang 19:15 - Maung a Balita Biblia

¹⁵ Magmaliw met a marotak so dinan man ya anggapoy sakub a banga odino boyug ed dalem na samay tulda.

Maung A Balita Biblia

¹⁵ Magmaliw met a marotak so dinan man ya anggapoy sakub a banga odino boyug ed dalem na samay tulda.

Saray Bilang 19:15 Referans Kwoze

Levitico 14:36

Say pari iganggan to ya ekalen iray amin a karga to may abung kasakbayan a laen ton nengnengen so boot; ta no ag da ra ekalen nasintinsiaan ira a marotak onung ed ganggan. Insan onlad samay abung so pari

Levitico 11:32

Amin a bengatlan adapoan na laman dan inatey et marotak. Sarayan bengatla et tabla, abel, katat, odino sako ya anggan antoy pangikakanaan. Nakaukolan ya itaksaw irad danum balet mansiansia ran marotak ya anggad labi.

Saray Bilang 31:20

Nepeg met a linisan yo onung ed ganggan so balang kawes tan amin a bengatlan ginawad katat, bagoy kanding, odino kiew.

Saray Bilang 19:14

Saya so ganggan no walay toon ompatey ed dalem na sakey a tulda: pitoy agew a marotak onung ed ganggan so siopaman a walad dalem na samay tulda tan siopaman ya onloob.

Saray Bilang 19:16

Magmaliw a marotak a pitoy agew so siopaman a maniwit ed toon pinatey odino inatey a bukor ed paway na ayaman, odino siopaman a maniwit na pokel na inatey odino maniwit na lobuk.

Levitico 11:33

Et no dinmapod banga so inatey a laman da, amin a karga to may banga magmaliw a marotak, tan nepeg yon betagen.