Saray Bilang 17:13 - Maung a Balita Biblia

¹³ No ompatey so anggan siopaman ya onsingger ed Tulda, naoput kami lan amin!

Maung A Balita Biblia

¹³ No ompatey so anggan siopaman ya onsingger ed Tulda, naoput kami lan amin!”

Saray Bilang 17:13 Referans Kwoze

TAGA-EFESO 2:13

Balet natan, lapud pikakasakey yod Cristo Jesus, sikayo ran gendat ya arawi, niasingger kayo la diad panamegley na dala to.

Saray Gawgawa 5:5

Kadngel nen Ananias ed saya, atumba tan inatey. Sinmabiy baleg a takot ed amin ya akadngel ed saya.

Isaias 28:22

Ag yo eelekan so pasakbay ya iiter kod sikayo. No elekan yo lalon nairapan kayon ompaliis. Nadngel koy getma na Katawan a Makapanyarin-amin a deralen toy intiron bansa.

Saray Salmo 90:7

Nadederal kami lapud pasnuk mo; natatakot kami lapud sanuk mo.

1 Saray Awaran 15:13

Anggapo kayod man a mangawit nen inmona, kanyan say Katawan a Dios tayo dinusa to itayo lapud ag tayo inggalang onung na nepeg a pangigalang ed sikato.

Deuteronomio 2:16

Kayariy impatey dan amin,

Saray Bilang 32:13

Akapasnuk so Katawan ed saray totoo tan impanakar-akar to ran apataploy taon ed kalawakan ya anggad inaatey iray amin a kabyangan na saman a kailalakan a sinmumpad sikato.

Saray Bilang 16:26

Inkuanen Moises ed saray totoo, Arawian yo ray tulda na sarayan maoges a totoo tan ag yo didiwiten so antokaman a kayaryan da. Ta no diwiten yo, nakaiba yo ran naandipat lapud saray amin a kasalanan da.

Genesis 3:3

likud ed bunga to may kiew a walad pegley to. Imbagay Dios ed sikami ya ag mi kanen odino diwiten so bunga to man a kiew; no kanen mi o diwiten mi, ompatey kami.

Saray Bilang 18:1

Say Katawan kuantod kinen Aaron, Sika, saray anak mon lalaki, tan saray Levita so nadusa lapud saray kasalanan a sumpad saray totontonen a nipaakar ed Tuldan Ayaman ko; balet sika tan saray anak mo labat so nadusa lapud kasalanan a sumpad saray totontonen a nipaakar ed inkapari.

Saray Bilang 25:8

tinombuk to may laki tan bii a walad dalem na tulda, insan to ra dinoyuk a dua et pinmaway so ngeroy pika ed kabalgay bii. Diad onya apatonda may salot a mandederal ed Israel,

2 Samuel 24:25

Insan nanggaway altar a para Katawan tan angisaklang na saray bagat a popoolan tan saray bagat a para kareenan. Inebatan na Katawan so pikakasi to, kanyan tinmonda so salot ed Israel.