Ruth 4:11 - Maung a Balita Biblia

¹¹ Inkuan da ra may pangulo tan saray arum, On, sikami ray tasi. Sayan malangwer a bii ya iyamung mo et gawaen komun na Katawan a singa di Raquel tan Lea, a nananak iray amayamay ed kinen Jacob. Onyaman ka komun ed saray kabyangay boleg nen Efrata, tan magmaliw ka komun a bantug ed Betlehem.

Maung A Balita Biblia

¹¹ Inkuan da ra may pangulo tan saray arum, “On, sikami ray tasi. Sayan malangwer a bii ya iyamung mo et gawaen komun na Katawan a singa di Raquel tan Lea, a nananak iray amayamay ed kinen Jacob. Onyaman ka komun ed saray kabyangay boleg nen Efrata, tan magmaliw ka komun a bantug ed Betlehem.

Ruth 4:11 Referans Kwoze

Genesis 29:32

Nanlokun si Lea tan nananak na sakey a laki. Inkuanto, Anengneng na Katawan so segsegang ko; natan aroen ak la nen asawak; kanyan inngaran to na Ruben imay ogaw.

Mateo 2:6

Sika, O Betlehem, diad dalin na Juda, aliwan sikay sankaabebaan ed saray manonan baley na Juda; ta panlapwan kay sakey a pangulo a mangiwanwan ed saray totook ya Israel.

Mikias 5:2

Say Katawan kuanto, Betlehem Efrata, sakey ka ed saray ankekelag a baley na Juda, balet sika so panlapwan na sakey a manoley ed Israel, a say sengeg na pamilya to et natonton ed saray inmona-ona ran panaon.

Saray Salmo 132:6

Nadngelan mid Betlehem so nipaakar ed Kaban na Sipanan, tan nalmo mi ed kaalogay Jearim.

Ruth 1:2

Elimelec so ngaran na sayan laki, Noemi so asawa to, tan Mahalon tan Kelion iray anak to. Kabyangan ira na boleg nen Efrata.

Deuteronomio 25:9

samay balo et onsingger ed sikato a sankanengneng na saramay pangulo na baley, alaen toy sakey ed saray sandalya to may bayaw to, lukdaan tod lupa, tan ikuanto, Onya so nagawa ed lakin ag to itdan na sakey a kabyangan na boleg so agi ton inatey.

Genesis 24:60

Insan da inter ed Rebeca so bindision da diad panamegley na sarayan balikas, Sika, agi magmaliw ka komun ya ina na libo-libon totoo. Taloen komun na saray kabyangay boleg mo iray siudad na kalaban da.

Probirbio 14:1

Ombibiskeg so pamilya lapud kakabatan na saray bibii, balet naderal so pamilya lapud inkakulang-kulang.

Genesis 23:10

Wadman si Efron a manyodyorung a kaiba to ray Heteo ed pasen a pandaragupay totoo, diad puirtay siudad; inmebat a sankarengel na amin a wadman,

Genesis 29:25

Diad kabwasan labat so impakaamta nen Jacob a si Lea manayay kaakdul to. Linmad kinen Laban tan inkuanto, Akin et ginawa yo yad siak? Si Raquel so nansagputan ko. Akin et pinalikdo yo ak?

Probirbio 31:23

Bibirbiren ed balay so asawa to tan sakey ed saray manonan mibabaley.

Genesis 29:16

Walay duaran bibiin anak nen Laban: Lea so pangulowan, tan Raquel so yogtan.

Genesis 35:23

Sikara yay anak tod kinen Lea: Ruben (say pangulowan ya anak nen Jacob), Simeon, Levi, Juda, Isacar, tan Zabulon;

Genesis 35:24

diad kinen Raquel: Jose tan Benjamin;

Deuteronomio 25:7

Balet no say lakin agi na samay inatey et ag to labay ya asawaen imay ayro ton abalo, onlan omparontal imay bii ed saray pangulo na baley tan ikuanto, Say bayaw kon laki et ag to labay a gawaen so kanepegan to; ag to labay ya itdan so agi to na sakey a kabyangan na boleg na saray totood Israel.

1 Saray Arari 21:8

Insan nanggawa na saray sulat, impirma toy ngaran nen Acab, intimbri toy timbri nen Acab, insan to impawit ed saray opisyal tan saray manonan totoo ed Jezreel.

1 Saray Awaran 2:51

Si Salma a lakin anak nen Hur so angiletneg na Betlehem, tan si Haref a sakey nin anak ton laki so angiletneg na Bet-gader.

Jeremias 32:10

Pinirmaan tan tinimbrian koy kasulatan, impatasian ko, tan inalay belat na kuarta ed simbangan.