Ruth 1:15 - Maung a Balita Biblia

¹⁵ Kanyan inkuanen Noemi ed sikato: Ruth, amawil lay irat mo ed saray kakanayon to tan diad dios to. Mila ka lad sikato.

Maung A Balita Biblia

¹⁵ Kanyan inkuanen Noemi ed sikato: “Ruth, amawil lay irat mo ed saray kakanayon to tan diad dios to. Mila ka lad sikato.”

Ruth 1:15 Referans Kwoze

Saray Huis 11:24

Kayaryan mo labat so antokaman ya inter ed sika na dios mon Cemos. Balet kayaryanen mi met so antokaman ya inter ed sikami na Katawan min Dios.

Sofonias 1:6

Pateyen ko ray angibeneg ed siak, tan ag da ak la totombuken, saray ag onsisingger ed siak odino papaiwanwan ed siak.

2 Saray Arari 2:2

nen wala rad dalan inkuanen Elias ed kinen Eliseo, Tilak ka dia, ta ingganggan na Katawan ya onla ak ed Betel. Balet inmebat si Eliseo, Sambaan ko diad inkatoor kod mabilay a Katawan tan diad sika ya ag ta ka sianan. Kanyan linma ran dua ed Betel.

Josue 24:15

No ag yo labay a panlingkuran so Katawan, mampili kayo natan no siopay panlingkuran yo, saray diriyos ya inggagalang na saray lalaki yo ed Mesopotamia odino saray diriyos da ray Amorreo a panaayaman yo natan so dalin da. Para say siak tan say pamilyak, panlingkuran mi so Katawan.

1 Juan 2:19

Sarayan totoo et aliwa ran tuan kabyangay moyungan tayo, kanyan tinaynan da itayo. No talagan kaiba tayo ra ed moyungan tayo, nansiansia ra komun ya akiolup. Balet tinmaynan ira, kanyan malinew ya amin da et aliwan kabyangay moyungan tayo.

Saray Hebreo 10:38

Mambilay ed pananisia so took a matonung, balet no benegan to ak, ag ko pakaliketan.

Lucas 24:28

Asingger la rad samay barion laen da tan impalikas nen Jesus a singa arawi niy laen to.

Saray Salmo 125:5

Balet dusam pa met iray mangoonur na maoges a kaliktan da, no dusaen mo ray manggagaway kaogsan. Manari komun ed Israel so kareenan!

Saray Salmo 36:3

Maoges iray salita to tan tila ran amin; ag to la manggagawa na ontokuy ed kakabatan tan kamaungan.

Josue 24:19

Inkuanen Josue ed saray totoo, Balet ompan ag yo nayarian a panlingkuran so Katawan? Sikato so masanto a Dios tan ag to pirdonaen iray kasalanan yo. Maimon a Dios

Ruth 1:14

Inyakiakis da lamet. Inanguban nen Orpa si katolangan to, insan la amawil ed baley to, balet ag onalis si Ruth.

Ruth 1:16

Inmebat si Ruth, Ag yo komun ipapasoot a taynan ta kayo! Iyabuloy yon mila ak ed sikayo. No iner so laen yo, dimay laen ko; no iner so panayaman yo, dimay panayaman ko. Saray kakanayon yo magmaliw a kakanayon ko, tan say Dios yo magmaliw a Dios ko.

Saray Bilang 10:30

Inmebat, si Hobab, Ag ak la mila; ompawil ak lad dalin kon nianakan.