Ruth 1:14 - Maung a Balita Biblia

¹⁴ Inyakiakis da lamet. Inanguban nen Orpa si katolangan to, insan la amawil ed baley to, balet ag onalis si Ruth.

Maung A Balita Biblia

¹⁴ Inyakiakis da lamet. Inanguban nen Orpa si katolangan to, insan la amawil ed baley to, balet ag onalis si Ruth.

Ruth 1:14 Referans Kwoze

Probirbio 18:24

Wala ray totoon konkonwarin kaaro, balet saray arum a kaaro matoor ira nen saray dilin agagi.

Mateo 16:24

Inkuanen Jesus ed saray disipulo to, Siopamay malabay ya ontombuk ed siak, nakaukolan a lingwanan toy sikaton dili, sakbaten toy krus to, insan ontombuk ed siak.

Mateo 10:37

Siopamay babaleg so panangaro tod ama o ina to nen say panangaro tod siak et ag manepeg ed siak. Ontan met, siopamay babaleg so panangaro tod anak ton laki o bii nen say panangaro tod siak, ag manepeg ed siak.

Saray Hebreo 10:39

Aliwa tayon singa saray totoon ombebeneg a mamaarap ed kaderalan. Ingen, singa tayo saray totoon mananisiad Dios tan nilalaban.

Mateo 19:22

Kadngel tod saya, maermen ya inmalis lapud agaylay inkayaman to.

Zacarias 8:23

Diad saratan ya agew saray samploran sangkaili onla rad sakey a Judio tan ikuanda, Mikasakey kamid sika, lapud nadngelan min walad sika so Dios.

Isaias 14:1

Kasian lamet na Katawan iray totoo ton Israelita tan pilien to ran kayaryan to. Panayamen to ra lamet ed saray dilin dalin da, tan ondago ray sangkaili tan miayam irad sikara.

Probirbio 17:17

Saray kakaaro ipanengneng da lawas so panangaro ra. Antoy kana na sanaagi no ag ira mantatambayan ed gunigon?

1 Saray Arari 19:20

Intilak ed satan nen Eliseo iray baka to, tan inabot toy Elias, tan kuanto, Abuloyan mo ak pa nin onangub ed kindi amak tan inak diad pampatanir kod sikara, insan mila ak ed sika. Inmebat si Elias, Sigi, pawil ka. Ag ta ka sesebelan!

Deuteronomio 10:20

Takotan yoy Katawan a Dios yo tan sikatoy panlingkuran yo. Mansiansia kayod sikato tan mansipan kayo ed ngaran to labat.

2 Timoteo 4:10

Imbatikan ak nen Demas lapud panangaro tod sayan mundo, tan linmad Tesalonica. Linmad Galacia si Cresente, tan si Tito, dia ed Dalmacia.

Saray Gawgawa 17:34

Wala ray pigaran lalakin akiolup ed sikato tan anisiad Dios, a singa si Dionisio a sakey ed saray kabyangan na Areopago, si Damaris a sakey a bii, tan arum ni ra.

Genesis 31:55

Kabkabwasan, inaanguban nen Laban iray apo to tan saray anak ton bibii a pamasiput tod sikara, insan la sinmempet.

Genesis 31:28

Ag mo anggan impaanguban iray apok tan saray anak ko kasakbay dan inmalis. Makapoy man a ginawam!

Deuteronomio 4:4

balet sikayon matoor ed Katawan a Dios yo et mabilay ki ni ya anggad natan.

Ruth 1:13

alagaren yo ni ra kasin ombaleg a mangasawad sikayo? Manebel ya kasi ed piasawa yod arum? Anak ko, ag ya nayarin balut. Impolisay ak na Katawan, kanyan eermenan ta kayon tuloy.

Ruth 1:15

Kanyan inkuanen Noemi ed sikato: Ruth, amawil lay irat mo ed saray kakanayon to tan diad dios to. Mila ka lad sikato.

2 Samuel 19:39

Insan binaliw nen David tan saray totoo to so Jordan. Inanguban toy Barzillai tan binindisionan to, insan la sinmempet si Barzillai.

Ruth 1:7

Nanoolup ira sirin ya onla ed Juda, balet nen wala rad dalan

Ruth 2:11

Inmebat si Booz, Naamtaan kon amin iray ginagawam para katolangan mo nanlapu lad impatey na asawam. Amtak no panoy impanaynan mod saray atateng mo tan say nianakan mon bansa, tan no panoy impiayam mod saray totoon ag mi ni ra apilimugan nen saman.