Puyan 4:5 - Maung a Balita Biblia

⁵ Manlalapud man ed trono so kirmat, saray tanul, tan dalagorug na karul. Walay pitoran mandarlang a lamparaan ed arap na trono; sikara yay pitoran ispiritu na Dios.

Maung A Balita Biblia

⁵ Manlalapud man ed trono so kirmat, saray tanul, tan dalagorug na karul. Walay pitoran mandarlang a lamparaan ed arap na trono; sikara yay pitoran ispiritu na Dios.

Puyan 4:5 Referans Kwoze

Puyan 11:19

Alokasan ed tawen so timplo na Dios, tan anengneng ed timplo to so kaban a kawalaay sipanan. Insan kinmirmat, dinmalagorug, kinmarul, yinmegyeg, tan inmoray dakerakel a kristal.

Puyan 8:5

Insan inala na anghil so pananginay insinso, pinano toy apoy a nanlapud altar, tan imbantak tod mundo. Kinmarul ed satan, dinmalagorug, kinmirmat, tan yinmegyeg.

Puyan 1:4

Nanlapud kinen Juan yan sulat a para saray pitoran iglisia ed Asia: Nawalaan kayo komuy bindision tan kareenan a manlapud Diossay Dios natan, nen saman, tan say onsabimanlapud saray pitoran ispiritu a walad arap na trono to,

Puyan 5:6

Insan anengneng koy sakey a Kordiron manalalagey ed pegley na samay trono, a niliber na saramay apatiran mabilay a pinalsa tan saramay mamatakken. Singa pinatey so nengneng to may Kordiro. Pitoray saklur to tan pitora met so mata to, a sikaray pitoran ispiritu na Dios a nibakid sankamundoan.

Exodo 19:16

Diad kabwasan na kumatlon agew walay karul tan kirmat, pinmatnag ed palandey so makapal a lorem, tan nadngel so makmaksil a tanul na trumpita. Amin da ray katoowan ed kampo et manggiwgiw irad takot da.

Puyan 3:1

Isulat mod anghil na iglisia ed Sardis: Sikto yay ibabaga na walad sikatoy pitoran ispiritu na Dios tan saray pitoran bitewen. Amtak so gagawaen mo; amtak ya ipapasen da kan mabilay anggaman ya inatey ka!

Zacarias 4:2

Tinepet ko, Antoy nanenengneng mo? Inmebat ak, Balituk a panangipatoonan na lamparaan. Diad tapew to walay sakey a yaung a pananginay larak. Walay pitoran lamparaan ed samay panangipatoonan, tan balang sakey et walay pitoran pananginay pabilo.

Exodo 20:18

Nen nadngel na saray totoo so karul tan say tanul na trumpita tan anengneng day kirmat tan manasasewek a palandey, manggiwgiw irad takot da tan nanalagey irad arawdawin pasen.

Joel 3:16

Unungol a manlapud Palandey na Sion so Katawan; say bosis to onkarul a manlapud Jerusalem; nayakayak iray katawenan tan nayegyeg so dalin. Balet iyagel to ray totoo to.

Ezekiel 1:13

Diad kawalaan da ra may mabilay a pinalsa, walay bengatlan singa manliub ya apoy a nipotan, tan ag makareen. Marmarlang so apoy to tan mampaway diman so kirmat.

Saray Salmo 68:35

Makapataktakot so Dios no ompapaway ed santuario to say Dios na Israel. Iitdan toy pakayari tan biskeg iray totoo to. Idayew yoy Dios!

2 Saray Awaran 4:20

saray panangipatoonan na lamparaan, tan saray lamparaan a puron balituk a selselan irad arap na Sankasantosan a Pasen onung ed plano;

Exodo 37:23

Nanggawa na pitoran lamparaan a para samay panangipatoonan, tan nanggawa na saray puron balituk a panagpotut na pabilo tan saray delsangan.

Saray Gawgawa 2:3

Insan anengneng day singa ra dilan apoy a binmuyak tan balang sakey ed sikara so dinapoan na sakey a dila.

Mateo 3:11

Siak bibinyagan ta kayo ed danum a pakanengnengay impagbabawi tan impangibeneg yod saray kasalanan yo; balet say manomtombuk ya onsalat ed siak et binyagan to kayo ed Ispiritu Santo tan apoy. Lalon makapanyari nen siak tan ag ak manepeg ya anggan manlibit na saray sandalya to.

Genesis 15:7

Insan inkuan ed sikato na Katawan, Siak so Katawan ya amataynan ed sika manlapud Ur na Babilonia, pian niiter kod sika yan dalin.

Exodo 25:37

Manggawa ka na pitoran lamparaan tan ipatoon mo rad panangipatoonan, pian onwandag ira ed bandad arap.

Mateo 25:1

Diad satan ya agew, say Panariay tawen aliling toy samploran mamarikit ya angala ray sansasakey a lamparaan, tan pinmaway iran mangabet ed nubio.

Puyan 10:3

Inmingal, tan singa ungol na lion so ingal to. Kaingal to, inmembat a dinmalagorug so pitoran karul.