Puyan 21:2 - Maung a Balita Biblia

² Anengneng koy Masanton Siudad, say balon Jerusalem, ya onleleksab a nanlapud tawen tan nanlapud Dios. Onleleksab a singa nobian akaparaan ta akapales la ya onabet ed asawa to.

Maung A Balita Biblia

² Anengneng koy Masanton Siudad, say balon Jerusalem, ya onleleksab a nanlapud tawen tan nanlapud Dios. Onleleksab a singa nobian akaparaan ta akapales la ya onabet ed asawa to.

Puyan 21:2 Referans Kwoze

Saray Hebreo 11:10

Ta inalagar nen Abraham so siudad ya ag naderal iray pundasion to. Implano tan impaalagey na Dios yan siudad.

Puyan 3:12

Say manalo pagmaliwen kon sakey a lusek ed timploy Dios ko, tan ag to lan balut taynan. Imarkak ed sikatoy ngaran na Dios ko, tan say ngaray siudad na Dios ko, salanti say balon Jerusalem ya onakseb a manlapud tawen tan manlapud Dios ko. Imarkak met ed sikatoy balon ngaran ko.

Puyan 21:10

Niwala ak ed pakayari na Ispiritu, tan inyakar to ak may anghil ed toktok na atagtagey tan balbaleg a palandey. Impanengneng tod siak so Jerusalem, say Masanton Siudad, ya onleleksab a nanlapud tawen tan nanlapud Dios.

Isaias 61:10

Manliket so Jerusalem lapud ginagawa na Katawan. Sikatoy singa nubian akasolung na kawes a para kasal to. Say Dios kinawesan to na kilalaban tan pananalo.

Saray Hebreo 13:14

Ta anggapo diad mundo so siudad tayo a mansiansia; balet say aanapen tayo say siudad ya onsabi.

Saray Hebreo 12:22

Balet say sininggeran yo say Palandey na Sion tan say siudad na Dios a mabilay, say mangatatawen a Jerusalem, a kawalaay libo-libo ran anghil.

Puyan 22:19

Siopamay mangekal na antokaman ed saray propisiyan nisulat dia, ekalen na Dios met so pinanabang tod bungay kiew na bilay tan say pinanabang tod Masantod Siudad, ya asalita rad sayan libro.

2 CORINTO 11:2

Singa pangiimon na Dios so pangiimon kod sikayo, ta singa kayo masimsimpit a marikit ya iyaasawak ed saksakey a laki a si Cristo.

Isaias 54:5

Magmaliw a singa asawam a laki so Amalsad sika Yahweh a Makapanyarin-amin so ngaran to. Ilaban ka na masanton Dios na Israel sikatoy manoely ed intiron mundo.

Isaias 52:1

Jerusalem, mampabiskeg ka tan mampatalonggaring ka lamet! Masanton siudad na Dios, kawesan moy sikan dili na kagalangan! Ag lan balut looban na saray pagano iray puirtam.

Isaias 62:4

Ag ka la natawag na Nikaindan, Odino say dalin mo et natawag na Say tinaynan ya Asawan Bii. Say ngaran mo magmaliw a Makakaliket so Dios ed Sikato. Say dalin mo natawag na Maliket a Naasawa, Lapud makaliliket ed sika so Katawan Tan magmaliw kan singa asawan laki ed dalin mo.

Saray Salmo 87:3

Dengel mo, siudad na Dios, iray makapakelaw a bengatlan ibabaga ton nipaakar ed sika:

Puyan 11:2

Balet ag mo la susukaten so kuarton walad paway na timplo, ta niiter lad saray Hintil, a sikaray manggatin-gatin ed Masanton Siudad ed loob na apataplo tan duay bulan.

Puyan 1:9

Siak si Juan, say agi yo tan kaiba yon maniirap, kaiba yod Panarian, tan kaiba yon mantetepel lapud pikakasakey ed kinen Jesus! Niakar ak ed isla na Patmos, lapud impangipupulong koy salitay Dios tan say katwaan a tinasian nen Jesus.

Puyan 1:4

Nanlapud kinen Juan yan sulat a para saray pitoran iglisia ed Asia: Nawalaan kayo komuy bindision tan kareenan a manlapud Diossay Dios natan, nen saman, tan say onsabimanlapud saray pitoran ispiritu a walad arap na trono to,

Puyan 1:1

Diad sayan libro nisulat iray impuyan na Dios ed Jesu-Cristo. Impuyan na Dios ira ya, pian nipaamta tod saray aripen to ray asingger lan nakaukolan a nagawa. Impaamta met ira ya nen Jesu-Cristo ed kinen Juan ya aripen to, diad impangibaki toy sakey ya anghil to,

Juan 3:29

Say nubia kayaryan na nubio. Manalalagey ya ondengel so kaaro na nubio, tan manliket na baleg no narengel to lay bosis na nubio. Ontan to met a nagnap lay liket ko.

Jeremias 31:23

Say Katawan a Makapanyarin-amin a Dios na Israel kuanto, No papawilen kod dalin da iray totook, ibaga da lamet ed dalin na Juda tan saray baley to, Bindisionan komun na Katawan so masanton palandey na Jerusalem, say masanton pasen a panaayaman to.

Isaias 1:21

Say siudad a matoor nen saman et nagmaliw la natan a singa marotak a bii! Nen saman matonung a totoo iray manaayam diman; balet natan saray managpatey na totoo labat lay manaayam.

Saray Hebreo 11:16

Balet say pampipilalekan da say magmaung a bansasay mangatatawen a bansa. Kanyan ag imbaing na Dios a sikatoy tawagen da a Dios da, ta imparaanan to ray sakey a siudad.

Puyan 21:9

Inmasinger ed siak so sakey ed saramay pitoran anghil a sankaawit da ray pitoran yaung a napnoy pitoran kaonuran a salot. Inkuantod siak, Gala dia, ta ipanengneng kod sikay Nobia, say asawa na Kordiro.

Puyan 22:17

Inkuan na Ispiritu tan say Nobia, Gala dia! Nepeg ya amin da ray makadngel ed saya ikuanda met, Gala dia! Siopamay napgaan onasingger; siopamay malabay, mangala na anggapoy bayar a danum na bilay.