Puyan 20:4 - Maung a Balita Biblia

⁴ Insan anengneng ko ray trono, tan saray akayorung et naitdan iray pakayarin manintinsia. Anengneng ko met so kamarerwa da ray pinapatey lapud impanpupulong dad katwaan ya impaamta nen Jesus tan say salitay Dios. Ag ira ya angigalang ed samay ayep o say talintao to; ag met amarkaay timbri na ayep so muling o lima ra. Abilay ira tan manari ran kaiba nen Cristo diad loob na sanliboy taon.

Maung A Balita Biblia

⁴ Insan anengneng ko ray trono, tan saray akayorung et naitdan iray pakayarin manintinsia. Anengneng ko met so kamarerwa da ray pinapatey lapud impanpupulong dad katwaan ya impaamta nen Jesus tan say salitay Dios. Ag ira ya angigalang ed samay ayep o say talintao to; ag met amarkaay timbri na ayep so muling o lima ra. Abilay ira tan manari ran kaiba nen Cristo diad loob na sanliboy taon.

Puyan 20:4 Referans Kwoze

Daniel 7:27

Niiter ed saray totoo na Sankatageyan a Dios so pakayari tan inkatalonggaring na amin a nanarian ed tapew na dalin. Ag mangangga so nanarian da; manlingkur tan ononur ed sikara iray amin a manoley diad tapew na dalin.

Daniel 7:18

Saray totoo na Sankatageyan a Dios et awaten da so panarian tan anggad anggan mansiansiad sikara yan panarian.

Mateo 19:28

Inkuanen Jesus, Kuankod sikayo a no say Anak na Too et akayorung lad mapagalang a trono diad Balon Mundo, sikayon ontotombuk ed siak onyorung ki met ed labinduan trono a manintinsia ed saray labinduan boleg na Israel.

Puyan 6:9

Insan inekal na samay Kordiro so kumaliman timbri, tan anengneng kod silong na altar iray kamarerwa da ray pinapatey, lapud salita. Dios tan lapud matoor ya impantatasi ra.

Puyan 3:21

Saray manalo pairungen ko ran kaabay kod tronok, a singa siak ya analo, kanyan akayorung ak natan ed abay na Amak ed trono to.

2 Timoteo 2:12

No ituloy tayoy mantepel, nakaiba ti met a manoley. No sikato so ibori tayo, sikatayo met so ibori to.

Daniel 7:22

Insan sinmabi may mambibilay ya anggad angga tan sinintinsiaan ton analo ra may totoo na Sankatageyan a Dios. Sinmabiy panaon ya awaten na saray totooy Dios so panarian.

Puyan 20:6

Maliket tan abindisionan iray akapinabang ed sayan onaan ya inkiolid bilay. Anggapoy pakayarid sikara na kumadwan patey. Magmaliw iran papari na Dios tan Cristo, tan manoley iran kaiba to ed loob na sanliboy taon.

Daniel 7:9

Nen onnenengneng ak, nilira iray trono. Inmirung ed sakey a trono imay mambibilay ya anggad angga. Singa poti na yilo so kawes to, tan singa puron abel a lana iray buek to. Manliub so trono ton nilirad saray apoy a dalig,

Lucas 22:30

pian mangan tan oninom kayo ed lamisaan ko diad Panarian ko, tan onyorung kayo met ed saray trono a manintinsia ed saray labinduan tribu na Israel.

Puyan 22:5

Anggapo lad may labi, tan ag la ra mankaukolay lamparaan o liwayway agew, ta say Katawan a Dios so silew da, tan manari ran anggad angga.

Puyan 12:11

Tinaloy agagi tayo so Diablo, diad panamegley na dala na Kordiro tan diad panamegley na impantasi rad katwaan; ag da kinawanay bilay da tan nilabay day anggan ompatey.

Puyan 1:9

Siak si Juan, say agi yo tan kaiba yon maniirap, kaiba yod Panarian, tan kaiba yon mantetepel lapud pikakasakey ed kinen Jesus! Niakar ak ed isla na Patmos, lapud impangipupulong koy salitay Dios tan say katwaan a tinasian nen Jesus.

Saray Taga Roma 8:17

Et natan ta anak itayo lay Dios, mananawir tila na Dios tan kaiba tin mananawir si Cristo. Ta no minabang itayod kairapan to, minabang itayo met ed kagalangan to.

Puyan 15:2

Anengneng koy singa dayat a salming ya alaukay apoy. Anengneng ko met iray analo ed samay ayep tan say talintao to, tan diad samay say ngaran to et sakey a numiro. Akaalagey irad gilig to may dayat a salming, tan sankabembenan da ray arpan inter na Dios ed sikara.

Puyan 14:11

Say asewek na apoy a mamairap ed sikara mampapaatagey lan mampapaatagey ya anggapoy angga. Agew-labin anggapoy painawa da ray mangigalang ed samay ayep tan say talintao to, tan saray amarkaan na ngaran to.

Puyan 11:7

Kasumpal dan mampulong, ompaway so ayep a walad ag natokur ya abut, tan labanan to ra. Taloen tan pateyen to ra,

Juan 14:19

Maganggano lan ag ak nanengneng na sankamundoan. Balet nanengneng yo ak lapud mambilay ak tan mambilay ki met.

Daniel 2:44

Diad panaon da raman a manoley say Dios na tawen mangiletneg na panarian ya ag balut mangangga. Ag balut nadakep yan panarian, no ag ingen sigput ton deralen ya amin ira man ya impirio, insan mansiansia ya anggad angga.

Puyan 17:8

Samay ayep ya anengneng mo et mabilay nen saman, balet inatey la natan. Asingger lan ompaway a manlapud ag natokur ya abut, tan onlad kaderalan to. Saray totoon mambibilay ed tapew na dalin a say kangaranan da et ag nisulat ed libro na bilay, nanlapu lad inkapalsay mundo, et onkelaw ira no nanengneng da may ayep a mabilay nen saman, inatey la natan, balet ompanengneng lamet.

Puyan 11:15

Insan sinibuk na kumapiton anghil so trumpita to, tan walay makmaksil iran bosis ed tawen ya inkuanda, Say panoley ed sankamundoan niiter lad Katawan tayo tan diad Cristo to, tan manarin anggad angga!

Puyan 11:11

Kalabas na taloy agew tan kapaldua, say ingas na bilay a nanlapud Dios linmoob ed saray bangkay da, insan ira inmalagey. Agaylay inkataktakot da ray akanengneng ed sikara.

Puyan 11:3

Ibakik so duaran tasik ya akakawes na sako, tan ipulong dan duay salitay Dios ed loob na sanlibo, duan lasus tan anemaplon agew.

Saray Taga Roma 11:15

No say sankamundoan et akapipulangan ed Dios lapud impakapolisay ed saray Judio, ag kasi say pakaawat ed sikara lamet et singa pangiter na bilay ed saray inaatey?

Lucas 1:17

Onlan onona nen say Katawan, tan nawalan na singa pakayari tan ispiritu nen propita Elias. Papawilen toy panaarowan da ray ama tan anak. Papawilen to met ed dalan da ray matonung iray totoon bangar. Diad ontan, iparaan to ray totoo a mangawat ed Katawan.

Malakias 4:5

Balet kasakbayan na isabi na baleg tan makapataktakot ya agew na Katawan, ibakik ed sikayo si propita Elias.

Marcos 9:11

Tinepet dad sikato, Akin et ibabaga da ray iskriba a nakaukolan ya ononan onsabi ni diay Elias?

Marcos 6:27

Kanyan angigganggan na sakey a guardian mangalay olo nen Juan. Linmad prisowan imay guardia tan pinutolan toy olo si Juan.

Marcos 6:16

Nen nadngel ya nen Herodes, inkuanto, Si Juan yan impapotulan koy olo. Inmolid bilay!

Mateo 24:10

Amayamay ed satan iray mangibeneg ed pananisia ra. Mampapaogesan tan mambobosulan ira.

Lucas 14:14

Nabindisionan ka, ta ag ira makabales ed sika. Say Dios so mangiter na tumang mo, no onolid bilay iray matonung a totoo.

Puyan 1:2

tan imbaga nen Juan ya amin iray anengneng to. Sikato yay pamapaneknek to nipaakar ed salitan nanlapud Dios tan say katwaan a tinasian nen Jesu-Cristo.

Puyan 2:26

Saray manalo tan mansiansian manggawa na linawak ya anggad kaonuran, itdan ko ray pakaoley a singa inawat kod Amak, salatni say panoley ed saray bansa. Manoley irad panamegley na baston a balatyang, tan mekmeken da ran singa banga.

Puyan 4:4

Aliber met imay trono na duamplo tan apat nin trono, tan wala ray akayorung a duamplo tan apat a mamatakken ya akakawes iray ampoti tan akakorona ray balituk.

Puyan 7:3

Ag yo ni dederaley dalin, o say dayat, o saray kiew, anggad ag ni amarkaay muling da ray aripen na Dios tayo.