Puyan 14:1 - Maung a Balita Biblia

¹ Ninmengneng ak, tan wadman imay Kordiro ya akaalagey ed Palandey na Sion a kaiba to ra may sanlasus tan apataplo tan apat a libon totoo. Nisulat ed muling da so ngaran na Kordiro tan say ngaran na Ama to.

Maung A Balita Biblia

¹ Ninmengneng ak, tan wadman imay Kordiro ya akaalagey ed Palandey na Sion a kaiba to ra may sanlasus tan apataplo tan apat a libon totoo. Nisulat ed muling da so ngaran na Kordiro tan say ngaran na Ama to.

Puyan 14:1 Referans Kwoze

Joel 2:32

Balet nilaban ya amin iray onkerew na tulong ed Katawan. Onung na inkuay Katawan, Saray pigaran totood Jerusalem et makabatik ira; makapaliis ed patey iray pilien ko.

Puyan 3:12

Say manalo pagmaliwen kon sakey a lusek ed timploy Dios ko, tan ag to lan balut taynan. Imarkak ed sikatoy ngaran na Dios ko, tan say ngaray siudad na Dios ko, salanti say balon Jerusalem ya onakseb a manlapud tawen tan manlapud Dios ko. Imarkak met ed sikatoy balon ngaran ko.

Lucas 12:8

Kuankod sikayo a siopamay mamirbir ed siak ed arap na totoo, birbiren met na Anak na Too diad arap da ray anghil na Dios!

Mikias 4:7

Alopuy-lopuy ira tan niarawi rad kaabungan da, balet diad saray nakdaan ed sikara pasimbaloen koy kipapasen da, et magmaliw iran sakey a matalonggaring a bansa. Manoley ak ed sikara diad Palandey na Sion manlapud saman a panaon ya anggad angga.

Saray Taga Roma 9:33

onung a ibabagay Masanton Sulat, Nengneng yo, mangyan ak ed Sion na baton pakapateran, sakey a baleg a baton pakapatakbaan. Balet siopamay manisiad sikato ag nabaingan.

Saray Salmo 2:6

Pinayorung kon manoley so arik diad tapew na masanton palandey ko a Sion, kuanto.

Puyan 14:14

Ninmengneng ak, tan anengneng koy sakey ya ampotin lorem. Walay akayorung diman a singa too, ya akakoronay balituk tan sankaawit toy matdem a palot.

Puyan 15:5

Kasumpal to ya, anengneng kon alokasan ed tawen so timplo a kawalaay Tuldan Ayamay Katawan.

Isaias 49:14

Balet inkuan na saray totood Jerusalem, Inkaindan itayo na Katawan! Alingwanan to tayo.

Puyan 6:8

Anengneng kod satay kabayon posisaw so kolor to. Patey so ngaran na akakabayo, tan manontombuk ed sikatoy Hadis. Naitdan iray pakayari ed kakapat na mundo, a mampatey diad panamegley na ispada, eras, salot, tan saray ayayep ya atap diad tapew na dalin.

Puyan 4:1

Kasumpal to ya, walay sananey a naimatunan kon payawar: anengneng kod tawen so sakey a puirtan lokas. Insan ko lamet nadngel imay bosis a singa tanul na sakey a trumpita ya inkuanto, Segep ka dia, ta ipanengneng kod sikay nakaukolan ya onsoblay a nagawa.

Zacarias 4:2

Tinepet ko, Antoy nanenengneng mo? Inmebat ak, Balituk a panangipatoonan na lamparaan. Diad tapew to walay sakey a yaung a pananginay larak. Walay pitoran lamparaan ed samay panangipatoonan, tan balang sakey et walay pitoran pananginay pabilo.

Amos 8:2

Tinepet na Katawan, Amos, antoy nanenengneng mo? Sakey a baskit a napno na saray prutas. Ebat ko. Say Katawan kuantod siak, Sinmabi la so anggaan da ray totook ed Israel. Ag ko la omanen so kanunotan ko nipaakar ed panusak ed sikara.

Daniel 12:5

Insan anengneng koy duaran lalakin manalalagey ed nantopag a pandel na ilog.

Ezekiel 44:4

Insan samay laki indalan to ak ed samay puirtad baybay diad impangyakar tod siak ed arap na Timplo. Ninmengneng ak, et naimanok a samay Timplo na Katawan et napno na kagalangan na Katawan. Intiblak ko ed dalin,

Ezekiel 10:1

Ninmengneng ak ed tambubong a walad tagey na kaoloan na saramay kirubin tan diad tagey da walay singa tronon safiro.

Ezekiel 8:7

Inyakar to ak ed lolooban na pation walad bandad paway, insan to impanengneng ed siak so sakey a melag ya abut ed padir.

Ezekiel 2:9

Anengneng koy liman onaarap ed siak, tan sankabembenan toy nilokut a babasaen.

Ezekiel 1:4

Tinmangay ak, et anengneng koy alimbusabos a manlalapud baybay. Ompapaway a manlalapud makapal a lorem so kirmat, tan maliwliwaway tawen ed kaliber-liber to may lorem. Diad kawalaan to may kirmat, walay mankidyam a singa gansa.

Jeremias 1:11

Tinepet na Katawan ed siak, Jeremias, antoy nanenengneng mo? Inmebat ak, Sakey a sangay kiew ya almindra.

Ezekiel 10:9

Anengneng ko met a wala ray apatiran nampaparan dalig, a balang sakey walad abay na sakey a pinalsa. Mankidyam a singa mabmablin bato ira may dalig, tan balang dalig walay akasolung a dalig ya akaarap ed sananey a dapag.

Ezekiel 9:4

Lakad intiron siudad na Jerusalem, ta markaan moy muling na balang sakey a toon maermen tan magunigon, lapud amin a makapaingungot a nagagawad siudad.

Puyan 14:3

Mangakanta ra may sanlasus tan apataplo tan apat a libon totoo na sakey a balon kanta ed arap na trono, diad arap da ra may apatiran pinalsan mabilay tan saramay mamatakken. Anggapoy makaaral ed saman a kanta ra no ag sikara labat ya arondon ed tapew na dalin.

Puyan 22:4

Nanengneng day lupa to, tan nisulat ed muling da so ngaran to.