Puyan 11:2 - Maung a Balita Biblia

² Balet ag mo la susukaten so kuarton walad paway na timplo, ta niiter lad saray Hintil, a sikaray manggatin-gatin ed Masanton Siudad ed loob na apataplo tan duay bulan.

Maung A Balita Biblia

² Balet ag mo la susukaten so kuarton walad paway na timplo, ta niiter lad saray Hintil, a sikaray manggatin-gatin ed Masanton Siudad ed loob na apataplo tan duay bulan.

Puyan 11:2 Referans Kwoze

Puyan 12:6

Binmatik ed kalawakan imay bii, diad pasen ya imparaay Dios ed sikato a dimay pakaasikasoan ed sikato diad loob na sanlibo, duan lasus tan anemaplon agew.

Lucas 21:24

Ompatey irad ispada, awiten da ran aripenen ed amin a bansa, tan deralen na saray Hintil so Jerusalem, anggad nasumpal so panaon da.

Daniel 7:25

Mansalita na sumpad Sankatageyan a Dios tan pairapen to ray totoo na Dios. Salien ton omanen iray ganggan na rilihion da tan saray pista ra, tan oleyan ton taloy taon tan kapaldua iray totoo na Dios.

Puyan 11:3

Ibakik so duaran tasik ya akakawes na sako, tan ipulong dan duay salitay Dios ed loob na sanlibo, duan lasus tan anemaplon agew.

Daniel 12:7

Samay anghil inyonat tod tawen iray lima to tan nansambad ngaran na Andi-anggaan a Dios. Nadngel kon imbaga to, Anggad onlabas so taloy taon tan kapaldua. No mansamput lay panagpairap ed saray totooy Dios, agawa la ya amin a bengatla.

Puyan 21:2

Anengneng koy Masanton Siudad, say balon Jerusalem, ya onleleksab a nanlapud tawen tan nanlapud Dios. Onleleksab a singa nobian akaparaan ta akapales la ya onabet ed asawa to.

Isaias 52:1

Jerusalem, mampabiskeg ka tan mampatalonggaring ka lamet! Masanton siudad na Dios, kawesan moy sikan dili na kagalangan! Ag lan balut looban na saray pagano iray puirtam.

Puyan 22:19

Siopamay mangekal na antokaman ed saray propisiyan nisulat dia, ekalen na Dios met so pinanabang tod bungay kiew na bilay tan say pinanabang tod Masantod Siudad, ya asalita rad sayan libro.

Mateo 27:53

Pinmapaway irad saray lobuk nen kasumpal ya inmolid bilay si Jesus, tan linma rad Masanton Siudad a diman ira anengneng na amayamay a totoo.

Mateo 5:13

Sikayoy asin ed sankamundoan. No tinmabang lay asin, ag lan balut nipawil so gendat a taway to. Anggapo lan balut so kakanaan to, kanyan ibantak la tan nagatin-gatinan lay totoo.

Mateo 4:5

Insan inyakar na Diablo si Jesus ed toktok na Timplo diad Masanton Siudad,

Daniel 8:10

Pinmalaloy imbiskeg to ya anggad nilalabanan to ray sondalo ed tawen, saray dilin bitewen, insan to imbantak ed dalin iray pigarad sikara tan ginagatinan to ra.

Ezekiel 42:20

Kanyan kuadrado so aliber na padir tan duanlasus tan anemaplo tan talon mitro so sukat na balang dapag. Say padir so angibiig ed antokaman a masanto ed saray aliwan masanto.

Puyan 11:11

Kalabas na taloy agew tan kapaldua, say ingas na bilay a nanlapud Dios linmoob ed saray bangkay da, insan ira inmalagey. Agaylay inkataktakot da ray akanengneng ed sikara.

Saray Hebreo 10:29

Diad isisip yo, ag kasi lalon ambelat so dusay sakey a toon balawen toy Anak na Dios, murmuraen toy dala ya amabiskeg ed sipanan ya amasantod sikato, tan pabaingan toy mapangasin Ispiritu?

Daniel 7:19

Insan ko nampilalekan a naamtaan so nipaakar ed samay kumapat ya ayep a nidomad saramay arum ya ayayepsamay makapataktakot ya ayep a biningbingkas tod saray gansan koko to tan nginasngas tod saray balatyang a ngipen to iray pinatey to, insan to ra ginatin-gatinan.

Saray Tagleey 1:10

Sinamsam na saray kalaban iray amin a kayamanan to. Anengneng to ran linmoob ed Timplo, a say dalem to et insebel na Katawan a looban na saray Hintil.

Isaias 48:2

Anggaman ontan ikikinon yon ibaga a mibabaley kayod masanton siudad tan manmamatalek kayod Dios na Israel, a say ngaran to et Yahweh a Makapanyarin-amin.

Saray Salmo 79:1

O Dios, say dalin mo et nilooban na saray pagano. Dinotakan day inkasanto na Timplom tan dineral-deral day Jerusalem.

Saray Bilang 14:34

Apataploy taon a manirap kayo lapud kasalanan yo; sakey taon so kasimbang na balang sanagew na samay apataploy agew ya impannengneng yod samay dalin. Naamtaan yod satan so kabaliksan na pasnuk kod sikayo!

Isaias 5:5

Onya so gawaen kod samay kaubasan ko: Baguten ko ray dikad kaliberliber to, igebak iray padir a mangyaagel, tan abuloyan ko ray ayayep ed katakelan a mambuwag tan manggatin-gatin ed kaubasan ko.

Ezekiel 4:6

No nasumpal mo ya, pigar kad nikawanan a diking mo tan manlikna kay kairapan lapud kasalanan na Juda diad loob na apataploy taonsanagew para kapag sakey taon a dusa ra.

Daniel 8:13

Insan ko nadngel so sakey ya anghil ya anepet ed kapara ton anghil, Kapigay pangangga na saraman a bengatlan anengneng ed pasingayew? Kapigay pangangga sakey a makapasinagem a kasalanan a sinmalat ed inagew-agew iran bagat? Kapigay pangangga na pakagatingatin ed saray sondalo ed tawen tan say Timplo?

Daniel 8:14

Nadngel kon inmebat imay sananey ya anghil, Mansiansian sanlibo, sanlasus tan limamplon agew, tan legan to yan panaon labi tan kabwasan ya anggapoy nisaklang a bagat. Insan nipawil so gendat a kipapasen na Timplo.

Puyan 21:10

Niwala ak ed pakayari na Ispiritu, tan inyakar to ak may anghil ed toktok na atagtagey tan balbaleg a palandey. Impanengneng tod siak so Jerusalem, say Masanton Siudad, ya onleleksab a nanlapud tawen tan nanlapud Dios.