Probirbio 8:18 - Maung a Balita Biblia

¹⁸ Wala ray kayamanan tan kagalangan ya iiter ko, aligwas tan say pampalabo.

Maung A Balita Biblia

¹⁸ Wala ray kayamanan tan kagalangan ya iiter ko, aligwas tan say pampalabo.

Probirbio 8:18 Referans Kwoze

Probirbio 3:16

Say kakabatan itdan to kay andokey a bilay, kayamanan, tan kagalangan.

Mateo 6:33

Sikayo, balet, anap yon onona so Panarian na Dios tan say pambilay yon onung ed linawa to, et iter tod sikayoy amin a nakaukolan yo.

Puyan 3:18

Kanyan sisimbawaen ta kan manaliw kad siak na balituk a pinapurod apoy, pian magmaliw kan mayaman. Manaliw ka met na ampotin kawes, pian nasakuban moy makapabaing ya inkalakseb mo. Manaliw ka met na tambal a para saray matam, pian makanengneng ka.

FILIPOS 4:19

Tan say Dios ko, onung na ag nasabsabaan a kayamanan to, itdan to kayo na amin a nakaukolan yo, diad panamegley nen Cristo Jesus.

TAGA-EFESO 3:8

Sankaabebaan so kipapasen ko ed amin da ray totooy Dios; anggaman ontan, inter na Dios ed siak yan kimey a mangipulong ed saray Hintil na Maung a Balitan nipaakar ed ag nabilang a kayamanan nen Cristo,

2 CORINTO 6:10

apapaermen kami, balet malikeliket kami lawas; singa kami mairap-bilay, balet amayamay so pinapayaman mi; singa anggapoy kayaryan mi, balet kayaryan min amiy bengatla.

Lucas 12:33

Ilako yo ray kayaryan yo, tan mangiter kayod saray mairap-bilay na nanlakoan yo. Manggawa kayo ray pitakan ag ondaan, tan mantipon kayo na kayamanan yo ed tawen yo, ta ag nabawasan diman, ag natakew, tan ag naderal na bokbok.

Lucas 10:42

Saksakey so talagan nakaukolan! Pinili nen Maria so lalon maung a gawaen, tan ag ya naekal ed sikato.

Santiago 2:5

Dengel kayo, inararok iran agagi! Ag ta say Dios pinili to ray mairap-bilay ed tapew na dalin ya onyaman ed pananisia tan manawir ed Panarian ya insipan tod saray mangaarod sikato?

Probirbio 11:4

Anggapoy kakanaan so kayamanan mo no asabi lay agew na ipatey mo, balet say kaptekan nilaban toy bilay mo.

Saray Salmo 112:3

Magmaliw ya amayamay so kayaryan tan kayamanan na pamilya to, tan onaligwas ya anggad angga.

Saray Salmo 36:6

Say inkatonung mo et atagey a singa saray kapalandeyan, say kaptekan mo et singa kaaralem na dayat. Sika, Katawan, so mangaasikasod saray katoowan tan saray ayayep.

Probirbio 24:4

Lapud pakaamta saray kuarto aparakep ira na mabmabli tan marakep iran kagawaan.