Probirbio 8:13 - Maung a Balita Biblia

¹³ Say pangigalang ed Katawan kabaliksan toy iyarawid kaogsan; kabosul koy panagpaatagey tan panaglastug, say maoges a kagagawa tan saray salitan tila.

Maung A Balita Biblia

¹³ Say pangigalang ed Katawan kabaliksan toy iyarawid kaogsan; kabosul koy panagpaatagey tan panaglastug, say maoges a kagagawa tan saray salitan tila.

Probirbio 8:13 Referans Kwoze

Probirbio 16:6

Magmaliw kan matoor tan maonur, et pirdonaen na Dios so kasalanan mo. Pagalangan moy Katawan, et anggapoy maoges a nagawad sika.

Saray Salmo 97:10

Inaro na Katawan iray mamobosul na kaogsan; iyaagel toy bilay na saray totoo to, ilalaban to rad pakayari da ray totoon maoges.

1 Samuel 2:3

Itonda yo lay makmaknul a panagpasirayew yo; ag ki la mampapasirayew ed saray panagsalita yo. Ta say Katwan et sakey a Dios a makapikabat ed amin, tan sintinsiaan toy amin a gawgawa na katoowan.

Probirbio 4:24

Ag kan balut mansasalita na aliwan tua. Ag ka mibabali ed palikdo.

1 TESALONICA 5:22

Arawian yoy amin a klasiy kaogsan.

1 Pedro 5:5

Sikayo ra met a mamalangwer, toluk kayod saray mamatakken. Mampaabeba kayo ya amin tan manlilingkuran kayo, ta onung na ibabagay Masanton Sulat, Say Dios sumlang ed toon mapaatagey, balet inaro toy toon mapaabeba.

Amos 5:15

Bosul yoy kaogsan, aro yoy kamaungan, et nanengneng yod satan ed saray korti ya ontalona so katonungan. Angangko kasian na Katawan iray totoon atilak nin mabilay ed sayan bansa.

Saray Salmo 119:128

Kanyan oonuren ko ray amin a bili-bilin mo; kabusol kon amin iray maoges a kagagawa.

Probirbio 16:18

Say panagpaatagey mansusumpal ed kaderal, tan say panaglastug, diad katumba.

Probirbio 6:12

Onlan manliber-liber a mantila iray totoon maoges tan andi-kana.

2 Timoteo 2:19

Balet ag natenyeg so malet a pundasion ya inletneg na Dios; tan amarkaan na onya ran salita: Kabat na Katawan no siopa ray kayaryan to; tan, Nepeg ya onarawid kaogsan so siopaman ya ontawag ed Katawan.

Saray Taga Roma 12:9

Nepeg ya anggapoy pankonkonwari so panangaro yo. Bosul yoy kaogsan, pabli yoy kamaungan.

Zacarias 8:17

Ag kayo mannununot na antokaman a makapasakit ed arum. Ag kayo mantatasi na tila a katekep toy samba. Kabosul koy panagtila, panagpikewet na katunongan, tan panagduksa.

Saray Salmo 138:6

Anggaman a wala kad atagtagey a pasen, aasikasoen mo ray abebbebay kipapasen, tan ag ka niamutan na saray mapaatagey.

Saray Salmo 101:3

tan ag kon balut abuloyay kaogsan. Kabosul koy gagawaen da ray totoon onaarawid Dios; anggapoy pibabalik ed sikara.

Probirbio 10:31

Kakabatan so sasalitaen da ray totoon matonung, balet napatondan mansalita iray dilan maoges so sasalitaen da.

Saray Salmo 119:104

Nanaarumay kakabatan ko lapud saray ganggan mo, kanyan kabosul koy amin a maoges a kagagawa.

Say Libro nen Job 1:1

Walay sakey a lakin manngaray Job a manaayam ed dalin na Uz. Anggapoy pakabalawan ed sayan too, matonung, walay takot to ed Dios, tan aarawian toy kaogsan.

Probirbio 3:7

Ag mon balut ipapasen a makabat ka nen say peteg a kakabatan mo; takotan moy Katawan, tan ag ka mangagaway kaogsan.

Probirbio 15:9

Kabosul na Katawan so kagagawa da ray totoon maoges, balet inaro to ray manggagaway kaptekan.

Isaias 13:11

Say Katawan kuanto, Mangyakar ak na deral ed tapew na dalin tan dusaen kon amin iray totoon maoges a totoo lapud saray kasalanan da. Ipaabebak ya amin iray totoon mapaatagey tan dusaen kon amin iray totoon malastug tan maruksa.

Exodo 1:17

Balet sarayan manamianak, lapud walay takot dad Dios, ag da inonur imay ingganggan na ari ed sikara; ag da pinatey iray ogogaw a lalaki.

Say Libro nen Job 28:28

Inkuan na Dios ed too, Magmaliw kan makabat no takotan moy Katawan, Nawalaan kay pakatalus no ibatikan moy kaogsan.

Probirbio 16:5

Kabosul na Katawan ya amin iray mapaatagey; ag to abuloyan a paliisan day dusa.

Amos 6:8

Say Katawan a Dios a Makapanyarin-amin et masimoon ton inter yan pasakbay: Kabosul koy panagpaatagey da ray totood Israel; kagulak iray ankakabaleg a kaabungan da. Ipalimak ed saray kalaban so manonan siudad da tan amin a bengatlan logan to.