Probirbio 31:5 - Maung a Balita Biblia

⁵ No oninom ira nalingwanan da ray ganggan tan napaolyan da la ray kanepegan na saray walad pankaukolan.

Maung A Balita Biblia

⁵ No oninom ira nalingwanan da ray ganggan tan napaolyan da la ray kanepegan na saray walad pankaukolan.

Probirbio 31:5 Referans Kwoze

Habacuc 2:5

Makapalikdo so kayamanan. Mapaatagey tan iray ag mampapainawa iray totoon maagomag iran balut napepenek a singa say patey. Kanyan ag ira ontotondan manakep na saray bansa tan saray totoo, pian nagamuran day labalabay da.

Exodo 23:6

Ag yo pipikeweten so katonungan na mairap-bilay no onapireng ed korti.

Levitico 10:9

Sika tan saray lalakin anak mo et ag nepeg ya onloob ed Tuldan Ayaman ko kayari yon oninom na alak odino arum nin mabayanin inomen, ta no gawaen yo ya, ompatey kayo. Sikato ya so sakey a ganggan a nepeg a sumpalen na amin a kabyangay boleg mo.

Deuteronomio 16:19

Ag nepeg a pikeweten da so katonungan o walay lalabien da ed panagsintinsia ra; ag ira nepeg a mangawat na pasoksok, ta bulagen to ray anggan makabat tan matonung a totoo, et natanggoyur la ran mamikewet na katonungan.

1 Saray Arari 20:12

Naawat nen Ben-hadad so ebat nen Acab legan a sikato tan saray kakaiba ton pangulo et maniinoman irad dalem na saray tulda ra. Kanyan ingganggan tod saray totoo to a mamparaan iran ondogpa ed siudad; et namparaan ira.

Probirbio 17:15

Makapaingungot ed Katawan so panusa ed toon anggapoy kasalanan tan say pangibolus ed toon maoges.

Probirbio 18:5

Aliwan maung a pilaan so toon walay kasalanan tan ekalan na katonungan so anggapoy kasalanan.

Isaias 5:22

Pakaskasi kayo la! Sarag yon tuay maninom na alak! Masebeg tan anggapoy takot yo no nipaakar ed pantimplay alak!

Isaias 5:23

Balet lapu labat ed sakey a pasoksok ibobolus yo la ray totoon nankasalanan, tan sesebelan yon makagamur na katonungan iray anggapoy kasalanan.