Probirbio 30:14 - Maung a Balita Biblia

¹⁴ Wala ray totoon maruksa so panlalames dad saray mairap-bilay tan saray walad pankaukolan; onyay anapay bilay da.

Maung A Balita Biblia

¹⁴ Wala ray totoon maruksa so panlalames dad saray mairap-bilay tan saray walad pankaukolan; onyay anapay bilay da.

Probirbio 30:14 Referans Kwoze

Saray Salmo 57:4

Aliktub ak na saray kalaban, a singa ra lion a mamangay too. Singa pana tan pika iray ngipen da; singa matdem ya ispada iray dila ra.

Saray Salmo 3:7

Gala pa, Katawan! Ilaban mo ak, O Dios ko! Dudusaen mon amin iray kalaban ko, tan eekalan mo ray pakayarin mamasakit ed siak.

Saray Salmo 14:4

Tetepeten na Katawan, Sarayan totoon managgaway kaogsan, ag da amta? Pambibilay da ray tatakewen dad saray totook, tan ag ira mampipikasi ed siak.

Say Libro nen Job 29:17

Dinederal koy pakayari da ray maruksan totoo tan inyaagel ko ray papairapen da.

Puyan 9:8

Singa buek na bii so buek da, tan singa ngipey lion iray ngipen da.

Amos 8:4

Dengel kayod sayan salita, sikayo ran manggagatin ed saray walad pankaukolan tan mandederal ed saray mairap-bilay ed bansa.

Ecclesiastes 4:1

Insan ak ninmengneng lamet ed amin a panaglames a nagagawad sayan mundo. Manakakis iray napapairap, tan anggapod sikaray tinmulong. Anggapod sikaray tinmulong, lapud walad diking da so pakayari da ray mamapairap ed sikara.

Saray Salmo 58:6

O Dios, pangpang mo pa ray kangipenan da ra yan masebeg a lion.

Saray Salmo 12:5

Balet kuay Katawan, Onsingger ak natan, ta napapairap iray mankakaukolan tan mandadageyem ed sakit iray napapasegsegang. Iyarawik irad kaatapan ta sikatoy pampipilalekan da!

Mateo 23:13

Pakaskasi ki la, sikayon iskriba tan sikayon Pariseo! Mansimpisimpitan a totoo! Ikakaput yoy puirtay Panarian na tawen pian ag makaloob iray totoo. Anta ag yo la labay so onloob ed Panariay tawen, pibabali yo nin sesebelan iray totoon malabay!

Sofonias 3:3

Singa mangwam a lion iray opisyal to; singa narasan ya asod katakelan iray huis to, a diad gaway inkaagom to et ag to nataynan ya anggad kabwasan so pokel.

Habacuc 3:14

Tinoruk na saray panam so pangulo da ray sondalo to, nen sinmabi ran singa bagyo ya angikayat ed sikami, malikeliket iran singa saray totoon maamut a mamapairap ed saray mairap-bilay.

Amos 4:1

Dengel kayod saya, sikayo ran bibii a taga Samaria, ya ontataban singa saray maung so kapapakan a baka ed Basan, maruksa ed saray duruka, managpairap ed saray duruka, managpairap ed saray mairap-bilay, tan managpasoot ed kaasawaan yon maniter ed sikayoy alak ya inomen yo!

Amos 2:7

Igagatin da ray totoon makapkapoy tan pangaskasiyan ed kipapasen tan ipapaliis dad dalan iray mairap-bilay. Saray sanama et miaakdul irad saksakey a biin aripen, kanyan dodotakan da onung ed ganggan so masanton ngaran ko.

Isaias 32:7

Maoges so toon makulang-kulang tan kaogsan iray gagawaen to; nununoten toy paneral tod saray mairap-bilay diad panamegley na saray tila tan diad panebel tod sikaran makagamur na katonungan da.

Probirbio 28:3

Say toon walad pakaoley a mamapairap ed saray totoon mairap-bilay, et singa makmaksil ya oran a mandederal ed saray tanaman.

Probirbio 22:16

No manrigalo kad saray mayaman odino pairapen mo ray mairap-bilay pian onyaman ka, magmaliw ka met ni lamlamang a mairap-bilay.

Probirbio 12:18

Saray salitan andi-nunotan singa ra ispadan makasugat, balet makapaabig iray salitan napnoy kakabatan.

Saray Salmo 52:2

Mamplaplano kay paneral mod saray arum; singa matdem a labahas so dilam. Naynay kan mantitila.

Saray Salmo 124:6

Misalamat itayod Katawan, ya ag angyabuloy a deralen itayo na saray kalaban tayo.

Probirbio 30:15

Say linta walay duaran anak ton bii, tan say ngaran dan dua, Itdan mo ak! Walay apatiran bengatla ya ag iran balut napepenek;

Isaias 3:14

Say Katawan iyaakar tod panagsintinsiaan iray mamasiken tan saray pangulo na saray totoo to. Kuantod sikara, Sikayoy nanaala na saray bungay kaubasan, tan napno na saray sinamsam yod saray mairap-bilay iray kaabungan yo.

Say Libro nen Job 41:14

Siopay makalengat na sangi to, anta arasdasig iray makapataktakot a ngipen to?

Saray Salmo 57:5

O Dios, ipanengneng mo pad tawen so talonggaring mo tan diad intiron dalin, say kagalangan mo.

Isaias 3:15

Anggapoy kanepegan yon mamairap ed saray totook tan mamasegsegang ed saray mairap-bilay. Siak, say Katawan a Dios a Makapanyarin-amin, so nansalita.

Isaias 10:2

Ontan so panesebel yod saray mairap-bilay ed pakagamur dad saray kanepegan tan say katonungan da. Ontan so pangaala yod saray kayamanan da ray balo tan saray olila.

Ezekiel 22:6

Amin da ray pangulo na Israel et manmamatalek irad dilin biskeg da tan mampapatey iray totoo.

Ezekiel 34:3

Iinomen yoy gatas, isosolung yo ray lanan abel, papatasen tan kakanen yo ray sankaabigan a karniro. Balet ag yon balut ipapastol iray karniro.