Probirbio 24:16 - Maung a Balita Biblia

¹⁶ Anggan mamimpigay katumba na toon maptek so panagbilay to, ombangon ya ombangon. Balet say toon maoges deral so onsasabid sikato.

Maung A Balita Biblia

¹⁶ Anggan mamimpigay katumba na toon maptek so panagbilay to, ombangon ya ombangon. Balet say toon maoges deral so onsasabid sikato.

Probirbio 24:16 Referans Kwoze

Saray Salmo 34:19

Amayamay iray gunigon a paniirapay toon matonung, balet say Katawan ilalaban tod amin a gunigon to;

Saray Salmo 37:24

No niparokul ira, ag ira mansiansian dokul, ta say Katawan ibaan to ran ombangon.

Say Libro nen Job 5:19

Lawas iyagel to ka ed gunigon tan kaogsan;

1 TESALONICA 5:3

No ikuay totoo, Mareen tan anggapoy kaatapan, biglan onsabid sikaray kadederal. Ag ira makaliktar ta say isabi to et singa isabiy panagpasakit na biin magano lan mananak.

Probirbio 14:32

Saray totoon maoges dederalen na saray dilin kaogsan da; balet saray totoon matonung iyaagel ira na dilin kamaungan da.

Probirbio 13:17

Panlalapwan na gunigon iray manangibalitan ag napanmatalkan, balet kareenan so iiter da ray napampiaan.

Amos 5:2

Atumba la so birhin ya Israel, Ag lan balut makabangon! Ataynan ed dalin, Anggapoy ontulong a mamangon ed sikato.

Saray Salmo 52:5

Kanyan say Dios deralen to ka ya anggad angga; singkaten to ka tan ipaway to kad panaayaman mo; ekalen to kad dalin da ray mabilay.

1 Samuel 26:10

Diad ngaran na mabilay a KATAWAN, kuanen David ya intoluy, Amtak a say dilin KATAWAN so mamatey ed kinen Saul, diad isabi na agew na ipatey ton bukor o diad ipatey tod bakal.

Saray Salmo 7:16

Kanyan dudusaen ira lamlamang na dilin kaogsan da, tan napapasakitan ira na dilin panagduksa ra.

Ester 7:10

Kanyan nibitay si Haman ed panagbitayan ya impagawa ton para si Mardokeo. Insan kinmepa so pasnuk na ari.

Saray Gawgawa 12:23

Diad saman a bekta kinabil na sakey ya anghil na Dios si Herodes lapud ag to pinagalangan so Dios. Binigis day laman to, insan inatey.

Amos 8:14

Natumba tan ag la makabangon iray totoon mansasamba ed saray talintaod Samaria a kuanda, Diad ngaran na dios na Dan, odino Diad ngaran na dios na Beer-seba.

1 Samuel 31:4

Inkuantod balolakin umaawit na armas to, Oyus moy ispadam tan patey mo ak, ompan panggalaw-galawan da ak ira yan anggapoy Dios. Balet ag ginawa na samay balolaki, ta mapalaloy takot to. Kanyan inala nen Saul so dilin ispada to, insan to intakbay laman to ed samay ispada.

Saray Salmo 34:21

Pateyen na kaogsan iray totoon maoges; nadusa ray mamobosul ed saray matonung.

Saray Salmo 79:12

Katawan, bales mo pan mamimpito iray arum a bansa, lapud saray impanpapabaing dad sika.

Probirbio 6:15

Lapud saya, anggapoy pasakbay tan bigla-biglan onsabid sikaray deral, tan ipatey day kasugat da.

Probirbio 24:22

Saratan a totoo ed nayarin biglan naderal ira. Amtam so deral ya ipasabid sikara na Dios odino say ari?

Jeremias 8:4

Say Katawan imbaga tod siak ya ikuankod saray totoo to iray salita to, Wala tay natumba ya ag ombangon? Wala tay nabalang ya ag ompawil ed nanlapwan to?

Jeremias 18:17

Ikaykayat kod arap na saray kalaban da iray totook, a singa ra dabuk ya insiplug na dagem a nanlapud bokig. Ibeneg ko ra tan ag ko ra tulongan no onsabiy deral.

Genesis 19:35

Kanyan diad saman a labi, binwek da lamet si ama ra, tan inakdulan na samay yogtan; balet diad inkabwek ton maung ag to amtay agawa.

Saray Bilang 32:23

Balet no ag yo sumpalen so sipan yo, pasakbayan ta kayo a mankasalanan kayod Katawan. Andi-duaruwad satan a nadusa kayo lapud kasalanan yo.

Probirbio 13:21

Tombutombuk ed anggan iner so gunigon ed saray makasalanan, balet natumangan na saray maung a bengatla iray matonung.

Ezekiel 7:5

Sikato yay ibabaga na Katawan a Dios: Mantotombukay deral ya onsabid sika.