Probirbio 22:4 - Maung a Balita Biblia

⁴ Igalang moy Katawan tan mampaabeba ka, et nagamuran moy kayamanan, kagalangan, tan andokey a bilay.

Maung A Balita Biblia

⁴ Igalang moy Katawan tan mampaabeba ka, et nagamuran moy kayamanan, kagalangan, tan andokey a bilay.

Probirbio 22:4 Referans Kwoze

Mateo 6:33

Sikayo, balet, anap yon onona so Panarian na Dios tan say pambilay yon onung ed linawa to, et iter tod sikayoy amin a nakaukolan yo.

Santiago 4:10

Mampaabeba kayod arap na Katawan et itanduro to kayo.

Probirbio 21:21

Mambilay kan mapangasi tan maptek, et andokey so bilay mo; pagalangan ka na arum a totoo tan ag da ka saolen.

Isaias 57:15

Siak so atagey tan masanton Dios a mambibilay ed ando lan ando. Manaayam ak ed atagey tan masanton pasen, balet manaayaman ak met ed kawalaan da ray mapaabeba tan magbabawin totoo, pian nipawil koy biskeg na linawa ra tan say ilalo ra.

Probirbio 3:16

Say kakabatan itdan to kay andokey a bilay, kayamanan, tan kagalangan.

Santiago 4:6

Balet lalon matalonggaring so tulong ya inter na Dios. Onung na ibabagay Masanton Sulat, Say Dios susumpaen to ray mapaatagey, balet tutulongan to ray mapaabeba.

Isaias 33:6

tan iletneg ton malet so bansa. Iyagel to lawas iray totoo to tan itdan to ray kakabatan tan pakatalus. Say sankabalegan dan kayamanan et say pangigagalang dad Katawan.

1 Timoteo 4:8

Walay kaabigan ya iiter na pangipasal na laman. Balet say pangipasal ed masanton panagbilay et lalon maabig so iter to, ta isipan toy bilay a para natan tan diad arapen.

Probirbio 21:20

Saray totoon makabat mambibilay iran daakay kayamanan, balet saray makulang-kulang masiglat dan gagastosen so kuarta a singa inkasiglat na impakala ra.

Probirbio 22:3

Saray totoon ikakana ray olo ra nanengneng dan onsasabi so kaatapan, et paliisan da, balet saray totoon kulang na kanunotan subaen da, et nasagmak day kairapan.

Probirbio 22:5

No inarom so bilay mo, paliisan mo ray patit a mangeerel na saray totoon maoges diad dalan.

Probirbio 29:23

Say panagpaatagey mangipelag ed sika, balet no mapaabeba ka, napagalangan ka.

Probirbio 31:30

Makapalikdo so limgas tan mangangga so ganggana, balet nepeg ya idayew so biin papagalangan toy Katawan.

Daniel 4:36

Nen pinmawil so kalakal ko, nipawil ed siak so dayew ko, say pakayarik, katageyan ko, tan say kagalangan na nanarian ko. Maliket ya angawat ed siak iray opisyal ko tan saray sumisimbawak, tan nipawil ed siak so pakayarik ya ari a kataruk to so kagalangan a baleg ni nen say samay inmona.

Probirbio 19:23

Pagalangan moy Katawan, ed nawalaan kay andokey a bilay, apenek, tan arawid kaatapan.