Probirbio 20:24 - Maung a Balita Biblia

²⁴ Say Katawan so angiplano na bilay tayo; panon sirin a natalusan na siopaman so aarapen na dilin bilay to?

Maung A Balita Biblia

²⁴ Say Katawan so angiplano na bilay tayo; panon sirin a natalusan na siopaman so aarapen na dilin bilay to?

Probirbio 20:24 Referans Kwoze

Jeremias 10:23

Katawan, amtak ya anggapoy siopaman a toon walad lima toy pansumpalan to; anggapoy toon nabembenan toy dilin bilay to.

Probirbio 16:9

Nayarin mamplano ka, balet say Katawan so mangiwawanwan ed saray gawam.

Saray Salmo 25:12

Saray matoluk ed Katawan et naamtaan dad sikato so dalan a nepeg dan tombuken.

Saray Salmo 37:23

Iwawanwan na Katawan so sakey a too ed nepeg a pankurangan to, tan iyaagel to ray makapaliket ed sikato.

Saray Salmo 25:4

Ibangat mo pad siak so linawam; ipaamtam ed siak, O Katawan.

Probirbio 14:8

Akin et makabat so toon masilib? Lapud amta to no antoy gawaen to. Akin et ambagel so toon makulang-kulang? Lapud nunonoten to labat a walay amta to.

Saray Gawgawa 17:28

ta Walad sikatoy bilay, igagalaw, tan inkatoo tayo. Onya met so labay ya ibaga na saray managanlong yo nen inkuanda, Anak to itayo met!

Daniel 5:23

Ginawam iray sumpad Katawan na tawen, ta impaalam ira may kupa tan losur a nala ed Timplo to. Naniinoman yo, sika, saray manonan opisyal mo, saray asawam, tan saray iyaamung mon bibii tan inggalang mo ray diriyos a balituk, pilak, gansa, balatyang, kiew, tan batosaray diriyos ya ag ira makanengneng odino makadngel tan anggapoy amta ran bulat. Balet ag mo pinagalangan so Dios a walad lima toy bilay mo tan walad silong na pakayari toy amin a gagawaen mo.

Probirbio 16:1

Nayarin mamplano tayo, balet say Dios so makaoley ed pakasumpal da.