Probirbio 20:15 - Maung a Balita Biblia

¹⁵ No amtam so sasalitaen mo, walaan ka na bengatlan mabli ni nen say balituk o alahas.

Maung A Balita Biblia

¹⁵ No amtam so sasalitaen mo, walaan ka na bengatlan mabli ni nen say balituk o alahas.

Probirbio 20:15 Referans Kwoze

Probirbio 25:12

Say pasakbay ya inter na toon walay salsali tod panagbilay ed toon sipaparaan ya ondengel et mabli ni nen saray balituk a singsing odino saray alahas a puron balituk.

Probirbio 8:11

Siak so Kakabatan, mabli ak ni nen saray alahas; anggapoy bengatlan pampipilalekan mo a makapipara ed siak.

Probirbio 16:24

Saray marakep a salita et singa ra dilomasamit tan maabig ed laman mo.

Probirbio 16:16

Maung nin amimpiga so nawalaan na kakabatan tan pakaamta nen say nawalaan na balituk tan pilak.

Probirbio 15:7

Say pakaamta ikakayat na saray totoon makabat, aliwan saray makulang-kulang.

TAGA-EFESO 4:29

Ag kayo mansasalitay maoges. Nepeg a makatulong so pananalita yo, makapabiskeg, tan makapangiter na nakaukolan, pian napinabangan na saray ondengel.

Probirbio 16:21

Amta so toon makabat lapud pakatalus to. No lalon marakep iray salita to, sikatoy lalon makaayayat.

Probirbio 3:15

Say kakabatan mabli ni nen saray alahas; ag nayarin ipara ed antokaman a labay mon nakayaryan.

Probirbio 15:23

Agaylay gayaga na pakalmo na dugan salita para dugan okasyon!

Probirbio 20:14

Say sumasaliw manririklamo lawas ya atagtagey so bili, balet ompaway tan ipanpanta toy impakatawal to.

Probirbio 20:16

Siopamay makulang-kulang a mangisipan ya ebatan to ray utang na sangkaili, nakaukolan ya iter ton kaletan so kayaryan to.

Probirbio 5:2

Diad ontan naamtaan moy maabig a kagagawa, tan ipanengneng na panagsalitam a walay pakatalus mo.

Probirbio 8:10

Pilim so bilin ko, aliwan say pilak; pilim so pakatalus, aliwan say sankapuroan a balituk.