Probirbio 2:6 - Maung a Balita Biblia

⁶ Say Katawan so mangiiter na kakabatan; manlalapud sikato so pakaamta tan pakatalus.

Maung A Balita Biblia

⁶ Say Katawan so mangiiter na kakabatan; manlalapud sikato so pakaamta tan pakatalus.

Probirbio 2:6 Referans Kwoze

Santiago 1:5

Balet no walad sikayoy kulang na kakabatan, nepeg toy mikerew ed Dios tan naitdan, ta say Dios maliket tan mabonbonluk a mangiiter ed amin a katoowan.

Saray Salmo 119:98

Walad siak lawas so ganggan mo tan pagmamaliwen to ak a makabat nen saray kalaban ko.

Say Libro nen Job 32:8

Balet say ispiritu na Makapanyarin-amin a Dios so onloob ed too tan mangiter na kakabatan.

Lucas 21:15

ta itdan ta kayoy kakabatan tan panagsalitan ag nasarag a sumlangen o paandien na saray amin a kalaban yo.

Isaias 54:13

Siak a dili so mambangat ed saray totoom tan mangiter ed sikara na ontan lan aligwas na bilay.

Juan 6:45

Insulat na saray propita, Tan nabangatan iran amin na Dios. Ondadagod siak so balang sakey ya onderengel tan manaaral ed Ama.

1 Saray Arari 3:12

iter kod sikay kinerew mo. Iter kod sikay kakabatan tan pakatalus a matalonggaring ni nen say nipalabo lad siopaman a toon akaonan nambilay nen say sika odino diad toon mambilay a naonur nen say sika.

Santiago 1:17

Nanlapud tawen so balang maung tan nagnap a langkap; nanlapud Ama ya amalsad amin a liwawa. Sikatoy ag mangoman tan ag met panlapway bilonget diad ibeneg to.

Saray Salmo 119:104

Nanaarumay kakabatan ko lapud saray ganggan mo, kanyan kabosul koy amin a maoges a kagagawa.

Daniel 2:23

Pisasalamatan tan idadayew ta ka, Dios da ray lalakik. Initdan mo ak na kakabatan tan biskeg; inebatan mo so pikakasik tan impaamtam ed sikami no antoy ibaga mid ari.

Daniel 1:17

Initdan na Dios ira yan apatiran lalakin tobun-balo na dunong tan kakabatan ed litiratura tan pilosopiya. Say Dios initdan to niy Daniel na karunongan a mangipatalus na saray pasingayew tan saray kogip.

Isaias 8:20

Onya so iyebat mod sikara, Dengel yoy ibabangat ed sikayo na Katawan! Ag yo dedengelen iray managpanon ed saray ispiritu na inaateyag da napaandi so gunigon.

1 Saray Arari 4:29

Initdan na Dios si Solomon na nidoma-doman kakabatan tan pakatalus, tan say karunongan ya ag natokur.

Daniel 2:21

Walad lima to so oras tan say panaon; sikatoy mangipapayorung tan mangeekal ed saray arari; sikatoy mangiiter na kakabatan ed saray makabat tan say pakatalus ed saray makatalus.

Probirbio 6:23

Saray bilin da singa ra liwaway silew; say panametek da ibangat da ka no panoy pambilay mo.

Saray Salmo 19:7

Ayadyari so ganggan na Katawan; papasimbaloen toy biskeg na too. Napanmatalkan iray ganggan na Katawan; mangiiter ira na kakabatan ed saray anggapoy amta.

1 Saray Arari 3:9

Kanyan itdan mo ak pay kakabatan a nakaukolan kod matonung a panoley ed saray totoom tan pakaamta na pandomaan na maung tan maoges. Ta no andi, panon kon naoleyan ira yan matalonggaring a totoom?

Exodo 31:3

sikatoy pinanok na pakayarik. Initdan ko na pakatalus, dunong, tan pakayari a manggawa na antokaman a kimey ya inartian;

1 Saray Awaran 22:12

Itdan ka komun na Katawan a Dios mo na maung a pakatalus tan kakabatan, pian naoleyan moy Israel onung ed Ganggan to.

Nehemias 7:5

Pinuyanan ak na Dios a pantitiponen ko ray totoo tan saray pangulo tan saray opisyal da, tan nengnengen koy listaan na saray pamilya ra. Inanap koy listaaan da ray totoon akaonan pinmawil a nanlapud arum a bansan nibantakan da, et sikato yay nalmok.

Say Libro nen Job 22:22

Awat moy bangat ya iiter to; iyan mod pusom iray salita to.

Saray Salmo 51:6

Say matoor a puso so pampipilalekan mo; panom pa na kakabatan mo so kanunotan ko.

Ecclesiastes 2:26

Iiter na Dios so kakabatan, pakatalus, tan liket ed saray mamapaliket ed sikato, balet pankikimeyen, panaanapen, tan pantitiponen to ray makasalanan pian walay niiter ed saray mamapaliket ed sikato. Sakey met yan andi-kakanaan. Singa ka onoosil labat ed dagem.

1 Saray Arari 10:24

Nampilalekan na sankamundoan so onlad sikato, ta ondengel iray kakabatan ya inter na Dios ed sikato.

Esdras 7:25

Sika, Esdras, ikanam so kakabatan ya inter ed sika na Dios mo diad panorom na saray opisyal tan saray huis a manoley ed amin da ray totoo ed Sagur na Eufrates a mambibilay ira onung ed Ganggan na Dios mo. Nepeg yon ibangat itan a Ganggan ed siopaman a toon ag makaamta.

Say Libro nen Job 12:16

Mabiskeg so Dios tan lawas manatalo; walad silong na pakaoley to iray managpalikdo tan saray napapalikdo.

Saray Salmo 19:8

Maptek iray ganggan na Katawan, tan pagagayagaen day puso. Matonung iray ganggan to, tan liliwawaan day pakatalus.

Saray Salmo 94:10

Pampapasnukan to ray bansaag to ra dusaen? Bumabangat na katoowananggapoy amta to?

Saray Salmo 119:34

Itdan mo ak pay pakatalus pian naonur koy ganggan mo; onuren ko ed intiron pusok.