Probirbio 2:21 - Maung a Balita Biblia

²¹ Saray matonung a totoosaray maptek so panagbilay daet manayam irad sayan dalin tayo.

Maung A Balita Biblia

²¹ Saray matonung a totoo—saray maptek so panagbilay da—et manayam irad sayan dalin tayo.

Probirbio 2:21 Referans Kwoze

Saray Salmo 37:29

Saray matonung kayaryanen day dalin, tan panayaman da ya anggad angga.

Saray Salmo 37:9

Nakayaryan na saray manmamatalek ed Katawan so dalin balet napagit iray totoon maoges.

Probirbio 10:30

Arawi lawas ed kaatapan iray totoon matonung, balet ag makapansiansian manayam ed dalin iray totoon maoges.

Saray Salmo 84:11

Say Katawan a Dios so manangyagel tan mapagalang ya ari tayo, kakasian to tayo tan iitdan to itayoy kagalangan. Ag to isisiblet so antokaman a kaabigan ed saray manggagaway kaptekan.

Say Libro nen Job 42:12

Mapalalo niy impambindision na Katawan ed kaonuran a panaon na impanbilay nen Job nen samay inmonan panaon na impanbilay to. Saray kayaryan nen Job et labinapat a libon karniro, amen a libon kamilyo, duanlibon baka, tan sanlibon kabatyan ya asno.

Saray Salmo 37:22

Ta saray binindisionay Katawan et nakayaryan day dalin, balet napagit iray insamba to.

Saray Salmo 37:11

Balet nakayaryan na saray mapaabeba so dalin; manliket ira lapud maaligwas tan mareen so bilay da.

Saray Salmo 37:3

Manmatalek kad Katawan tan manggawa kay kamaungan; manayam kad dalin tan arawi kad kaatapan.

Say Libro nen Job 1:1

Walay sakey a lakin manngaray Job a manaayam ed dalin na Uz. Anggapoy pakabalawan ed sayan too, matonung, walay takot to ed Dios, tan aarawian toy kaogsan.

Probirbio 28:10

No palikdoen mon manggaway kaogsan so toon maptek, napelag kad dilin patit mo. Say toon anggapod sikatoy pakabalawan natumangan na amayamay a kaabigan.

Saray Salmo 37:18

Say Katawan aasikasoen to ray matoluk ed sikato, tan nakayaryan dan anggad angga so dalin.