Probirbio 17:8 - Maung a Balita Biblia

⁸ Walay totoon abaloan da a singa salamangka so gagawaen na pasoksok; sisiaen dan nagawaan toy amin a bengatla.

Maung A Balita Biblia

⁸ Walay totoon abaloan da a singa salamangka so gagawaen na pasoksok; sisiaen dan nagawaan toy amin a bengatla.

Probirbio 17:8 Referans Kwoze

Exodo 23:8

Ag kayo mangaawat na pasoksok, ta say pasoksok bulagen to so too, kanyan ag to la nanengneng so katonungan, tan deralen to so kanepegan da ray anggapoy kasalanan.

Mikias 7:3

Amin da et masilib a manggaway kaogsan. Onkekerew na pasoksok iray opisyal tan saray huis. Say toon gagalangen ed bansa et ibabaga tod sikaray labay ton naala o nagawa, et mankokomplut la ra.

Amos 5:12

Amtak iray ambelat a kasalanan yo tan saray dakerakel a ginagawa yon kaogsan. Pinapairap yo ray maung a totoo, nanaawat kayoy pasoksok, tan sinesebelan yo ray mairap-bilay diad pakagamur day katonungan ed saray korti.

Isaias 1:23

Mananumpa iray pangulom tan kakaiba ra na saray matakew; labalabay day mangawat lan mangawat na rigalo tan saray pasoksok. Balet ag da iyaalagey ed korti iray olila, odino onderengel ed pankatonungan na saray balo.

Probirbio 21:14

No walay mamapasnuk ed sika, say rigalon niiter a maamut pakepaen toy pasnuk to.

Probirbio 17:23

Saray maoges a huis mangaawat ira na maamut a pasoksok; napikewet ed satan so inkatonung.

1 Samuel 25:35

Insan inawat nen David iray awit to tan kuantod sikato, Sempet ka la tan ag ka mapaga. Gawaen koy labay mon nagawa.

Deuteronomio 16:19

Ag nepeg a pikeweten da so katonungan o walay lalabien da ed panagsintinsia ra; ag ira nepeg a mangawat na pasoksok, ta bulagen to ray anggan makabat tan matonung a totoo, et natanggoyur la ran mamikewet na katonungan.

Genesis 43:11

Inkuanen ama ra, No ontan so nepeg a nagawa, onyay gawa yo sirin: Mangawit kayoy sankamaungan iran bungay dalin, ikarga yod saray balkut yo, tan irigalo yo rad satay gobirnador: pigaran pasas, daiset a dilo, saray rikado, alponsigo, tan almindra.

Saray Salmo 29:4

Narerengel so bosis na Katawan, say bosis ton makapanyari tan napnoy kagalangan.

Saray Salmo 21:13

Idayew mi ka, Katawan, lapud ontan lan biskeg mo! Ikanta tan idayew miy pakayarim.

Saray Salmo 19:6

Ompapaway ed sakey a dapag na tawen ombebeltang ya onlad sananey a dapag. Ag naliktaran so petang to.

Saray Salmo 18:16

Manlapud tagey, say Katawan ginawat to ak tan binembenan to ak; inagwat to ak ed araldalem a danum.

Ecclesiastes 7:7

Say toon makabat a manasaol na kapara ton too et singa lamlamang toon makulang-kulang. Say pasoksok deralen toy maung ya inkatoo.

Genesis 32:21

Impaiyona to la ra may rigalo to, tan naogip nid kampo to diad saman a labi.

Probirbio 18:16

No labay mon napiarapan so toon atagey so kipapasen, iyawitan mo na rigalo.