Probirbio 17:5 - Maung a Balita Biblia

⁵ No ludlureyen mo ray mairap-bilay ludlureyen moy Dios ya amalsad sikara. Nadusa ka no panliketan moy segsegang a sinmabid sakey a too.

Maung A Balita Biblia

⁵ No ludlureyen mo ray mairap-bilay ludlureyen moy Dios ya amalsad sikara. Nadusa ka no panliketan moy segsegang a sinmabid sakey a too.

Probirbio 17:5 Referans Kwoze

Probirbio 14:31

No pairapen mo ray totoon mairap-bilay, papabaingan mo so Dios ya amalsad sikara; balet say pangasid mairap-bilay et sakey a panangigalang ed Dios.

1 Juan 3:17

No mayaman so sakey a too tan sankanengneng ton maniirap so agi to et ag to kasian a tulongan, panoy pangibaga ton inaro toy Dios?

Probirbio 16:5

Kabosul na Katawan ya amin iray mapaatagey; ag to abuloyan a paliisan day dusa.

Say Libro nen Job 31:29

Nen naniirap iray kalaban ko ag ak balut nanliket, odino nanggayaga nen walay dinmalan a deral ed sikara.

Probirbio 14:21

No labay moy maliket, kasian mo ray mairap-bilay; kasalanan so pambalaw ed siopaman.

Saray Taga Roma 12:15

Miliket kayod saray manliliket, tan minangis kid saray mannanangis.

Jeremias 17:16

Balet, Katawan, ag ta kan balut tinanggoyur a mangyakar na deral ed sikara; ag ko anggan nampilalekan ya onsabiy panaon na gunigon ed sikara. Katawan, kabat mo ya; amtam no antoy imbagak.

Saray Salmo 69:9

Say panangarok ed Timplom et singa apoy a mamopool ed siak; siak so pepelagan da ray panagpabaing dad sika.

Obadias 1:16

Saray totook et ininom day ampait a kupa na dusa diad masanton palandey ko. Balet amin da ray bansad kaliber-liber inomen day lalon ampait a kupa na dusa; inomen da ya amin tan maandipat ira.

Ezekiel 25:3

Ibagam ed sikaran ondengel irad ibabagak, siak a Katawan a Dios: Akaliket kayon akanengneng ed inkadotakan na Timplok, say inkaderal na dalin ya Israel, tan say inkibantak na saray taga Juda.

Obadias 1:10

Lapud tinakewan tan pinapatey yo ray agagi yon kabyangay boleg nen Jacob, napelag kayod kababaingan tan napaandi kayon anggad angga.