Probirbio 16:21 - Maung a Balita Biblia

²¹ Amta so toon makabat lapud pakatalus to. No lalon marakep iray salita to, sikatoy lalon makaayayat.

Maung A Balita Biblia

²¹ Amta so toon makabat lapud pakatalus to. No lalon marakep iray salita to, sikatoy lalon makaayayat.

Probirbio 16:21 Referans Kwoze

Isaias 50:4

Imbangat na Katawan a Dios ed siak so salitaen ko, pian napabiskeg ko so linawa na toon mapaga. Kapag kabwasan iitdan to ak na pilalek ya ondengel ed ibangat to.

Probirbio 15:7

Say pakaamta ikakayat na saray totoon makabat, aliwan saray makulang-kulang.

Probirbio 27:9

Say larak tan say pabalingit paliliketen da ka, balet say gunigon gogoloen toy isip mo.

Santiago 3:17

Balet say kakabatan a nanlapud Dios et ononaona, malinis. Maaro met ed kareenan, maoyamo, makaaro, mapangasi, makolid panaggaway kaabigan, anggapoy labien to, tan aliwan mansimpisimpitan.

Juan 7:46

Inmebat ira may guardia, Anggapo niy toon nansalita a singa panagsalita to man too!

Lucas 4:22

Indayew na amin a totoo, tan mankelaw irad saray mararakep a salita to. Aliwa tan sikato ya may anak nen Jose? tepet da.

Ecclesiastes 12:10

Sinali nen Managpulong ya inanap iray makaligliwan salita, balet katwaan iray insulat to.

Probirbio 23:15

Anak ko, malikeliket ak no sikay magmaliw a makabat.

Probirbio 10:8

Awaten na totoon makalakal iray maung a simbawa. Naderal iray totoon mansasalitay maoges.

Saray Salmo 45:2

Sikay sankaguapoan ed amin da ray lalaki; marunong kan manalita. Bibindisionan ka lawas na Dios!

1 Saray Arari 3:12

iter kod sikay kinerew mo. Iter kod sikay kakabatan tan pakatalus a matalonggaring ni nen say nipalabo lad siopaman a toon akaonan nambilay nen say sika odino diad toon mambilay a naonur nen say sika.

Saray Taga Roma 16:19

Kabkabat la na amin a matoor kayod Cristo, tan panliliketan ko yan maung. Labay kon makabat kayo no nipaakar ed kamaungan, balet anggapoy pibabali yo no nipaakar ed kaogsan.

Mateo 11:25

Inkuanen Jesus ed satan, Misasalamat ak ed sika, Ama, Katawan na tawen tan dalin, ta inyamut mo ra yan bengatla ed saray makabat tan makatalus, tan impaamtam ed saray totoon mapaabeban singa saray ogogaw.

Probirbio 16:22

Say kakabatan sakey a sobul na bilay na saray makabat; balet darak na panaon labat so pangibangat ed saray totoon makulang-kulang.

Oseas 14:9

Talusan komun na saray makabat iray nisulat dia, tan dalepdepen dad puso ra. Maptek iray dalan na Katawan, tan pankukurangan ira na saray matonung a totoo, balet katutumbaan na saray makasalanan lapud ipopolisay da ra.

Probirbio 10:13

Makabaliksan iray salitaen na toon makabat, balet nepeg a nadusa iray makulang-kulang.

Probirbio 10:23

Panliketan na toon makulang-kulang so panggaway kaogsan, balet panliketan na toon walay pakatalus so kakabatan.