Probirbio 16:20 - Maung a Balita Biblia

²⁰ Dengel moy nibabangat ed sika, et onaligwas ka; manmatalek kad Katawan, et manliket ka.

Maung A Balita Biblia

²⁰ Dengel moy nibabangat ed sika, et onaligwas ka; manmatalek kad Katawan, et manliket ka.

Probirbio 16:20 Referans Kwoze

Isaias 30:18

Anggaman ontan, manaalagar so Katawan a mangasid sikayo. Sipaparaan a mangasid sikayo lapud matonung lawas so gagawaen to. Maliket iray totoon manmamatalek ed Katawan.

Saray Salmo 2:12

tan dakmomo kayod sikato; ta no andi, maganon ompetang so olo to, et biglan ompatey kayo. Maliket ya amin iray ondaragon paiyagel ed sikato.

Saray Salmo 34:8

Nengneng mon dili so ontan lan kaabigay Katawan. Maliket iray totoon onsasalimbeng ed sikato.

Probirbio 19:8

Panggawaan moy sikan dili na kamaungan tan manaral ka na anggaay nayarian mo; insan ag mo lilingwanan iray naaralan mo, et onaligwas ka.

Mateo 10:16

Dengel kayo! Ibabaki ta kayon singa karniro ed pegley da ray asod katakelan. Nakaukolan a maalwar kayo a singa saray oleg tan mauyamo kayo a singa saray malapati.

Daniel 6:23

Ontan lay impakaliket na ari tan ingganggan to ya aonen ed abut si Daniel. Kanyan inaon da tan anengneng da ya ag balut asakitan, ta nanmatalek ed Dios.

Daniel 3:28

Samay ari kuanto, Nagalang so Dios di Sadrac, Mesac, tan Abednego! Imbaki toy anghil to ya angyagel ed sarayan lalakin manlilingkur tan manmamatalek ed sikato. Sinumlang da ray ganggan ko tan imposta ray bilay da diad ag da indakmomo tan impangigalang ed dinanman a dios likud ed Dios da.

Probirbio 8:35

Say toon makalmod siak narurumog toy bilay, tan manliket so Katawan ed sikato.

Saray Salmo 146:5

Maliket so toon tutulongan na Dios nen Jacob, tan maniilalo ed Katawan a Dios to,

Probirbio 13:15

Kagalangan so iiter na pangikanay olo, balet mamapaarap ed deral iray totoon ag napanmatalkan.

Saray Salmo 125:1

Saray manmamatalek ed Katawan et singa ra Palandey na Sion, ya ag balut nagalaw, no ag ingen mansiansia lawas.

1 Saray Awaran 5:20

Nanmatalek irad Dios tan kinmerew ira na tulong to. Say Dios inebatan to ray pikakasi ra tan impanalo to rad saray Agareno tan saray kagampi ra.

Probirbio 17:2

Say aripen a masilib naoleyan to so andi-kakanaan a lakin anak na amo to, et makapiapag ed tawir.

Saray Salmo 32:10

Amayamay so panirapan na totoon maoges, balet saray manmamatalek ed Katawan iyaagel iray ag mangoman a panangaro to.

Probirbio 13:13

No ipolisay moy maung a simbawa kekerewen moy gunigon, onur mo et arawi kad kaatapan.