Probirbio 15:16 - Maung a Balita Biblia

¹⁶ Maung niy mairap-bilay a walay panamagalang ed Katawan, nen say mayaman a walad gunigon.

Maung A Balita Biblia

¹⁶ Maung niy mairap-bilay a walay panamagalang ed Katawan, nen say mayaman a walad gunigon.

Probirbio 15:16 Referans Kwoze

Probirbio 16:8

Magmaung niy daiset a kayaryan a nalad malinis ya anapan, nen say dakerakel a kayaryan a nalad kasaolan.

Saray Salmo 37:16

Say daiset a kayaryay toon matonung et maung ni nen say kayamanan na amin da ray totoon maoges,

1 Timoteo 6:6

Baleg a kayamanan so niiter na rilihion ed sakey a too ya amta toy mamasarag na antokaman a walad sikato.

Probirbio 28:6

Magmaung niy toon mairap-bilay a maptek so kabibilay to nen say mayaman a maoges so kabibilay to.

Probirbio 10:22

Say bindision na Katawan so mamapayaman ed sika. Say pinasyan kimey ag to ka napayaman.

Probirbio 15:15

Andi-tondan irap so bilay da ray totoon mairap-bilay, balet magayaga lawas so bilay da ray totoon maliket.

Ecclesiastes 4:6

Nayarin tua ya, balet magmaung niy nawalaan kay daiset a kayaryan a walay kareenan na kanunotan mo nen say biek ta biek so kimey mo a sasalien mon singkaten so dagem.

Probirbio 17:1

Magmaung niy amagaan a tinapay a dongoan a walay kareenan, nen say baleg a ponsia a dongoan diad magolon abung.