Probirbio 14:9 - Maung a Balita Biblia

⁹ Saray totoon makulang-kulang anggapoy walad sikara so pankakasalanan da, balet saray matonung labay day napirdona.

Maung A Balita Biblia

⁹ Saray totoon makulang-kulang anggapoy walad sikara so pankakasalanan da, balet saray matonung labay day napirdona.

Probirbio 14:9 Referans Kwoze

Probirbio 10:23

Panliketan na toon makulang-kulang so panggaway kaogsan, balet panliketan na toon walay pakatalus so kakabatan.

Probirbio 30:20

Onyay kagagawa na biin aliwan matoor ed asawa to; mikaloguran, manames, insan kuanto, Anggapoy ginawak a maoges!

Probirbio 13:15

Kagalangan so iiter na pangikanay olo, balet mamapaarap ed deral iray totoon ag napanmatalkan.

Judas 1:18

Inkuandad sikayo, Diad kaonuran iran agew, ompaway iray managbalaw, totoon mangoonur na maoges iran pilalek da.

Probirbio 12:2

Pakaliliketan na Katawan iray totoon matonung, balet sisintinsiaan ton nadusa iray mamplaplanoy kaogsan.

Probirbio 8:35

Say toon makalmod siak narurumog toy bilay, tan manliket so Katawan ed sikato.

Probirbio 3:4

No gawaen mo ya, magmaliw kan maung tan makapaliket ed Dios tan too.

Probirbio 1:22

Makulang-kulang a totoo! Anggad kapigan so pansiansia yon makulang-kulang? Kapigan so itonda na panluludlurey yod pakaamta? Ag kayon balut makaaral?

Say Libro nen Job 15:16

Say panggagawa na too ed kaogsan et singa kakainom to na danum; on, marotak tan andi-kakanaan so too.

Levitico 5:7

No say sakey a too et ag to nayarian so mangibagat na kordiro odino kanding lapud irap na bilay to, mangyakar ed Katawan na duaran palekpek odino duaran malangwer a malapati a pinagkabayar na kasalanan to; say sakey ibagat para kasalanan tan say sakey isaklang a bagat a popoolan.

Probirbio 3:34

Balbalawen to ray mapaatagey, balet mangiiter na pankaabigan da ray mapaabeba.

Probirbio 11:20

Kabosul na Katawan iray totoon walay maoges a kanunotan, balet inaro to ray manggagaway kaptekan.