Probirbio 14:2 - Maung a Balita Biblia

² Mambilay kan matwa, et ipapanengneng mon walay panamagalang mod Katawan; mambilay kan maoges, et ipapanengneng mon anggapoy panamagalang mod Katawan.

Maung A Balita Biblia

² Mambilay kan matwa, et ipapanengneng mon walay panamagalang mod Katawan; mambilay kan maoges, et ipapanengneng mon anggapoy panamagalang mod Katawan.

Probirbio 14:2 Referans Kwoze

Saray Gawgawa 10:35

Pakaliketay Dios so siopaman a walay takot ed sikato tan manggaway inkatonung, anggan antoy bansa to.

Probirbio 28:6

Magmaung niy toon mairap-bilay a maptek so kabibilay to nen say mayaman a maoges so kabibilay to.

Saray Salmo 112:1

Idayew yoy Katawan! Maliket so toon mangigagalang ed Katawan, tan makaliliket a mangoonur ed saray ganggan to.

Say Libro nen Job 28:28

Inkuan na Dios ed too, Magmaliw kan makabat no takotan moy Katawan, Nawalaan kay pakatalus no ibatikan moy kaogsan.

Saray Gawgawa 9:31

Kanyan awalaay kareenan so iglisia ed intiron Judea, Galilea tan Samaria; binmiskeg tan binmaleg lapud tulong na Ispiritu Santo, tan nambilay a sigagalang ed Katawan.

Ecclesiastes 12:13

Kayari na sarayan amin, wala niy sakey a nibaga: Pagalangan moy Dios tan onur mo ray ganggan to, ta sikato yay makasengeg na impamalsaan na Dios ed too.

Saray Salmo 25:21

Iyagel ak komun na kaabigan tan kaptekan ko, ta manmamatalek ak ed sika.

Saray Gawgawa 10:22

Inmebat ira, Imbaki kami dia nen Kapitan Cornelio. Maung iman a too, manangigalang ed Dios, tan igagalang na amin a Judio. Imbagad sikato na sakey a masanton anghil a paawit to kad abung to, tan ondengel ed antokaman ya ibagam.

Lucas 16:14

Nadngelan na saray Pariseo ira yan amin, et nilemlemew day Jesus ta maagum irad kuarta.

Lucas 10:16

Inkuantod saray disipulo to, Siopamay ondengel ed sikayo, siak so dengelen to. Siopamay mangipolisay ed sikayo, siak so ipolisay to; tan say mangipolisay ed siak, say angibakid siak so ipolisay to.

Probirbio 19:1

Magmaung niy toon mairap-bilay a maptek so panagbilay to nen say toon matila tan makulang-kulang.

Probirbio 16:17

Dalan ya anggapoy kaogsan so pankukurangan da ray totoon maung a totoo; kanyan nengneng moy lalaen mo, ta nayarin ilaban toy bilay mo.

Probirbio 11:12

Makulang-kulang so toon mambabalaw ed kapara ton too. No makabat ka mandeen ka.

Probirbio 2:15

saray totoon pikewet so panagbilay da tan ag ira napanmatalkan.

Say Libro nen Job 1:1

Walay sakey a lakin manngaray Job a manaayam ed dalin na Uz. Anggapoy pakabalawan ed sayan too, matonung, walay takot to ed Dios, tan aarawian toy kaogsan.

1 Saray Arari 3:6

Inmebat si Solomon, Balbaleg a panangaroy inter mod kinen amak a David ya aripen mo, ta maung, matoor, tan matonung so impanbilay tod arap mo. Intuloy mo nin inter ed sikato yan baleg tan ag naoman a panangaro diad impangiter mod sikatoy sakey ya anak a lakin manooley natan a kasalat to.

Say Libro nen Job 12:4

Elek-elekan ak natan na anggan saray kakaarok, elek-elekan da ak anggaman a matonung ak tan anggapoy pakabalawan ed siak; balet walay panaon ya inebatan na Dios so pikakasik.

2 Samuel 12:9

Akin sirin et ag mo inonur iray ganggan ko? Akin et ginawam yan kaogsan? Impapatey mod bakal si Urias; inabuloyan mon pinatey na saray Ammonita, insan mo inasaway asawa to!

2 Saray Arari 17:34

Anggad natan gagawaen da ni ray gendat ya ogali ra. Ag da gagalangen so Katawan tan ag da anggan oonuren iray ganggan tan saray bilin ya inter tod saray kabyangay boleg nen Jacob ya inngaran to na Israel.

Probirbio 16:6

Magmaliw kan matoor tan maonur, et pirdonaen na Dios so kasalanan mo. Pagalangan moy Katawan, et anggapoy maoges a nagawad sika.