Probirbio 13:4 - Maung a Balita Biblia

⁴ Say toon mangiras ag to nagamuray pampipilalekan to, balet say makoli nagamuran toy amin a labay to.

Maung A Balita Biblia

⁴ Say toon mangiras ag to nagamuray pampipilalekan to, balet say makoli nagamuran toy amin a labay to.

Probirbio 13:4 Referans Kwoze

Probirbio 12:24

Say toon makoli nawalaan na pakayari; say toon mangiras magmaliw ya aripen.

Probirbio 12:11

Say makolin dumaralus daakan so kakanen to, balet kinaambagelan so pandarak na panaon ed andi-kakanaan iran pamaakaran.

Probirbio 10:4

Say ngiras pagmaliwen to kan mairap, balet say koli pagmaliwen to kan mayaman.

Probirbio 11:25

Onaligwas so toon mabonluk a mangiter. Say toon matulong makaawat na tulong.

Probirbio 28:25

Golo labat so igagapo na inkasiblet. Magmaung niy kipapasen mo no manmatalek kad Katawan.

Saray Hebreo 6:11

Pirawat min mansiansia komun ya anggad samput so panseseet na balang sakey ed sikayo, pian ontua ray iilaloan yo.

Juan 6:27

Mankimey kayo, aliwan pian nawalaan kayoy kakanen a naderal, no ag ingen pian nawalaan kayoy kakanen a mansiansia ya anggad bilay ya andi-anggaan. Iter na Anak na Too yan kakanen ed sikayo, lapud sikatoy initday Dios Ama na pakayari to.

Probirbio 8:34

Maliket so toon ondedengel ed siak say toon manaayam ya inagew-agew ed puirtak, a manaalagar ed lolooban na abung ko.

Isaias 58:11

Iwanwan ta kayo lawas tan penekan ta kayo na maabig iran bengatla. Pansiansiaen ta kayon mabiskeg. Magmaliw kayon singa sakey a tanamanan a walay daakan a danum to, singa sobul na danum ya ag balut naekatan.

Probirbio 26:13

Say toon mangiras diad ag to ipapaway ed abung to ikuanton ibabaraan, Walay lion ed saray basbas. Walay lion ed saray dalan.

Saray Salmo 92:14

mambubunga ni ra, anggan matakken la ra; lawas mabisbiskeg tan mabona-bona ra.

Saray Bilang 23:10

Singa karakel na dabuk so karakel na saray Israelita. Diad gaway karakel da ag ira nabilang. Ompatey ak komun a sakey a matonung, Mangangga komuy bilay ko a sakey ed saray totoo na Dios.

Probirbio 6:6

Mangingiras a totoo, laka yod kawalaan da ray gilata; imano yoy panagbilay da, pian makaaral kayod sikara.

Probirbio 12:27

Say mangiras a too ag to nagamuray gegemtan to, balet say toon makoli makagamur na kayamanan iran ankabli.

Probirbio 13:3

Alwaran moy panagsalitam, pian niagel moy bilay mo. Say toon anggapoy adyad panagsalita dederalen toy sikaton dili.

Probirbio 13:5

Kabosul na toon matonung iray tila, balet mabambanday tan makapapelag ed kababaingan iray salita da ray totoon maoges.

Probirbio 20:4

Say mangiras a dumaralus ya ag mambaka no panaon na panagtanem anggapoy anien to no panaoy panagani.

Probirbio 21:5

Apiger moy mamplano, et nawalaan ka na daakan; no magangganat kan manggawa, et kakulangan so nagonggonam.

Probirbio 21:25

Say toon mangiras ya ag to labay so mankimey et papateyen to labat so sikaton dili;

Genesis 26:32

Diad saman ya agew, pinmawil iray aripen nen Isaac tan imbalita rad sikato may bobun a kinotkot da. Inkuanda, Akalmo kamiy danum.

Josue 7:3

inkuandad kinen Josue: Ag la nakaukolan a dogpaan na balang sakey ed sikatayo so Ai. Mangibaki ka labat na sakey a duara odino taloran libo a lalaki. Ag mo ibabaki ray amin a sondalod man a mibakal; aliwan baleg man a siudad.

Probirbio 24:30

Dinmalan ak ed kaalogan tan kaubasan na toon mangiras tan makulang-kulang.

Probirbio 24:31

Napno ra na saray masabit a tanaman tan saray dikarika. Ageba ray padir ed kaliber-liber da.

Kanta nen Solomon 5:3

Nanlakseb ak la; akin et mankawes ak ni lamet? Nilinisan ko la ray salik; akin et dotakan ko ra lamet?