Probirbio 13:15 - Maung a Balita Biblia

¹⁵ Kagalangan so iiter na pangikanay olo, balet mamapaarap ed deral iray totoon ag napanmatalkan.

Maung A Balita Biblia

¹⁵ Kagalangan so iiter na pangikanay olo, balet mamapaarap ed deral iray totoon ag napanmatalkan.

Probirbio 13:15 Referans Kwoze

Probirbio 4:19

Balet say dalan a pankukurangan da ray totoon maoges et ambilonget a singa labi. Natumba ra, ta ag da nanengneng so akapateran da.

Jeremias 2:19

Dusaen ka na dilin kaogsan mo; deralen ka na impangikaindan mod siak. Naamtaan mo no panoy kapaitan tan kaogsan na pangikaindan ed siak a Katawan a Dios mo, tan say ag mo pansiansian matoor ed siak. Siak, say Katawan a Dios a Makapanyarin-amin, so nansalita.

Probirbio 3:4

No gawaen mo ya, magmaliw kan maung tan makapaliket ed Dios tan too.

Saray Salmo 111:10

Say pangigalang ed Katawan so gapo na kakabatan; iitdan to na pakatalus iray mangoonur na ganggan to. Nepeg ya idayew ed ando lan ando so Katawan.

Saray Taga Roma 6:21

Antoy agunggona yo ed impanggagawa yod saray ibabaing yo la natan? Patey so pansumpalan na saraman a bengatla.

Saray Gawgawa 7:10

tan tinulongan tod saray irap a pinapalabas to. Binindisionay Dios tan initdan toy kakabatan tan makaroyroyon ogali nen inmarap ed ari na Egipto. Say Ari impagmaliw ton gobirnador si Jose diad intiron Egipto tan diad abung to.

Probirbio 15:10

No aliwa so gawaen mo mapalaloy kadusam; ompatey ka no ag mo labay so papetek.

Lucas 2:52

Binmaleg si Jesus, binmaleg met so kakabatan to, tan say panangaroy Dios tan saray totoo ed sikato.

Probirbio 14:35

Pakaliliketan na saray arari iray marunong ya opisyal da, balet dudusaen da ray totoon ag manusumpal na kanepegan da.