Probirbio 10:9 - Maung a Balita Biblia

⁹ Arawid kaatapan iray totoon maptek so panagbilay da, balet naerel iray totoon pikewet so panagbilay da.

Maung A Balita Biblia

⁹ Arawid kaatapan iray totoon maptek so panagbilay da, balet naerel iray totoon pikewet so panagbilay da.

Probirbio 10:9 Referans Kwoze

Probirbio 28:18

Mambilay kan maptek, et arawi kad kaatapan. No pikewet so panagbilay mo, bigla kan napelag.

Mateo 10:26

Ag yo sirin tatakotan iray totoo. Anggapoy asakuban ya ag ompaway, tan anggapoy akaamut ya ag nakabatan.

1 Timoteo 5:25

Ontan met mabatabatar a nengnengen so maung a gawa, tan no bilang ta ag naimanon tampol, ag balet mansiansian akaamut.

1 CORINTO 4:5

Kanyan ag kayo manisintinsia no aliwa nin panaon to. Manalagar kayo ya anggad isabiy Katawan. Ipalinew tod satan iray bengatlan niamut ed kabilongetan tan ipaamta to ray niamut a getma na katoowan. Diad satan ya oras, naawat na balang sakey so kanepegan ton dayew a manlapud Dios.

Probirbio 3:23

Mankurang kad satan ya arawi ed kaatapan tan ag ka niparukol.

Saray Salmo 84:11

Say Katawan a Dios so manangyagel tan mapagalang ya ari tayo, kakasian to tayo tan iitdan to itayoy kagalangan. Ag to isisiblet so antokaman a kaabigan ed saray manggagaway kaptekan.

Saray Salmo 25:21

Iyagel ak komun na kaabigan tan kaptekan ko, ta manmamatalek ak ed sika.

Probirbio 17:20

Ag onaligwas so siopaman a toon mannununot tan mansasalitay kaogsan; kaderalan labat so pansumpalan to.

Saray Salmo 23:4

Anggan sankabilongetay dadalanen ko, ag ak ontakot, ta wala kad abay ko. Say baston tan say pekpek mo iyaagel da ak.

Probirbio 26:26

Anggaman ya ag to ipapatnag so pambosul to, nanengneng balet na balang sakey a too iray maoges a gagawaen to.

Genesis 17:1

Nen mantaoy siamaplo tan siam si Abram, pinmanengneng ed sikato so Katawan tan inkuanto, Siak so Dios a Makapanyarin-amin. Toluk kad siak tan gawam lawas so kamaungan.

Say Libro nen Job 8:20

Balet ag balut ikaindan na Dios iray totoon matoor; ag to tulongan iray totoon maoges.

Probirbio 28:1

Ombabatik iray totoon maoges anggaman ya anggapoy onoosil ed sikara, balet saray totoon maptek so panagbilay da masebeg ira a singa lion.